رد: الخوف من السواقه
 

والله انا زى حضرتك بالضبط واول ما فكرت فى العربية كنت بسوق اوتوماتيك يعنى لعبة ومشاوير على قدى كده وحاولت مع المانيوال كتير بس فشلت ولما اشتريت اشتريت مانيوال على فكرة وده بعد بحث واستخارة لوقت طويل بوجد هى جت من عند ربنا مكانش فيه اوتو وقتها والحمد لله, لكن رهبة السواقة فضلت عندى كل اللى يعرفنى يستغرب لانى سوقت قبل كده , بس اول الأوتو مختلف انا هركز فى الغيار ولا المرايا ولا الطريق , بس قررت اخد الخطوة ونزلت اول يوم مدرسة اوصل الأولاد ولوحدى على فكرة قررت محدش يكون معايا علشان ميقلقنيش
والله طول ما فى حد جنبك هتحس انك مرتبك وخايف تغلط لكن لو لوحدك هتكون حر من احساس الخوف ده , وده أول خطوة بجد , بس الاهم منها فعلا سمى الله وقول دعاء الركوب بطمن قوى كده وسوق على مهلك وميهمكش اى حد يزمرلك ولا يضايقك . انا مش بركز خالص مع الناس طالما ماشية صح لان فى ناس تلخمك وتخليك عاوز تنط علشان هى تمشى ولا يهمك ولا تلتفت حتى لكلامهم , وأكيد اكيد شيل الورقة بس علشان محدش يستغل ده , احنا فى وقت صعب وعادى جدا لو بطلت منك فى اى حتة متتوترش دور وكمل عادى جدا وحاول تطلع على طريق فاضى شوية ولف بيها بعدين تدرج فى المشى لحد ماتمشى وسط العربيات , انا نقلتلك تجربتى الشخصية بمنتهى الأمانة وانا لحد دلوقتى برده مش بطلع مشاوير كبيرة وبدى لنفسى وقتى عالآخر رغم انى عارفة انها مش فارقة كتير وتذكر دايما ان ربنا معاك .. وزى ما تفقنا بلاش السرعة اللى ملهاش لازمة خصوصا لو مكان فيه ناس وربنا يوفقك ان شالله :1200F8~158:

رد: الخوف من السواقه
 

والله طول ما فى خوف من العربيه هتلاقى العربيه هى اللى ممشياك لكن لو كسرت الخوف هتلاقى انت اللى ممشي العربيه
لو عايز تحل المشكلة ممكن تشوف مركز تعليم القياده اللى موجدود على المنتدى على ما اعتقد انو عدى عليهم نفس حالة حضرتك وهما ممكن يدربوك على كسر الحاجز النفسي ولو حضرتك فى مصر الجديدة ممكن تبعتلى رقمك على الخاص وهكلمك اوديك لمركز زمبلى اتعاملت معاه فى مصر الجديدة

رد: الخوف من السواقه
 

استغلال الناس للورقه اللى حضرتك كاتبها زى استغلالهم لما يشوفوا بنت سايقه

فكرتنى باللى بقابله فى يومى

طبعا الورقه دى لازم تتشال وخليك عارف ان السواقه سهله جدا جدا جدا

هى بس عايزه ممارسه مش اكتر
انا اول ما سقت طلعت على الطريق السريع وهو فاضى وبعدين بدأت ادخل وسط البلد وبعدين بدات ادخل فى شارع ضيق شويه
ومره فى مره بدأت اطلع فى الزحمه
وكان جوايا رهبه كبيره اوى من العربيه وابصلها واقول اناا هسوق دى كلها ازاى ؟؟
لحد فى يوم قررت اسافر بيها من غير ما حد فى البيت يعرف علشان خوفهم عليا هيزيد خوفى
ركبت العربيه وقلت دعاء السفر واتوكلت على الله والحمد الله رجعت مبسوطه جدااااا
بغض النظر ان العربيه بطلت منى كتير وانى قفلت على ناس كتير واتغاشمت كتير برضه
بس فوتت كل ده وكان احساسى انى سافرت بالعربيه حاجه تانيه وبقالى دلوقتى 8 شهور بسوق يوميا مش اقل من 4 ساعات لانى بسافر كتير والحمد الله خدت ثقه فى نفسى كبيره

اخيرا هقول لحضرتك ان اول شهرين تلاته التوتر بيكون كبير اوى وشده الاعصاب مع كل موقف كبيره لكن بعد كده هتلاقيها سهله اوى وهتلاقى رجلك وايدك ودماغك بيتاعملوا تلقائيا

وربنا يديك خريها ويكفيك شرها ويحميك لبيتك

رد: الخوف من السواقه
 

لو ما اتعلمتش على ال128....تخسر كتير...وضعك ممتاز..بعض الممارسه والصبر ويصبح شئ عادى...بيقولوا السواقه عاوزه قلب جامد=ثق بنفسك وانزل بالعربيه واحده واحده....خلى باللك من المشاه اهم شىء..العربيات بتتخبط حتى وهى واقفه..ده نصيب....اعمل اللى عليك والباقى على ربنا...

رد: الخوف من السواقه
 

انا برده عندى نفس مشكلة الخوف دى وبدات التعليم من يومين فقط والنهارد ه الثالث
وطلعت طريق سريع شوية وفتحت ع الرابع لكن قل ماقابل مطب ارتبك والعربية تبطل منى غير كدة بمشى زى الفل بس خايف ليه مشعارف

رد: الخوف من السواقه
 

أ/هريدى بالنسبة لموضوع الخوف ده انا عايز اقولك الحديث الذى قاله سيدنا محمد (ص)(رفعت الاقلام وجفت الصحف)
وفى مامعناه ان اللى متقدرلك هيحصل لو لقدر الله ربنا كتبلك انك تعمل حدثة هتعمل ولو مش كاتب مش هتعمل حتى لو خلص قربت اوى وقولت ان هى حدثة خلاص مش هتحصل




اما بالنسبة لموضوع الرهبة من السواقة نفسها فمتخافش الممارسة وحب السواقة هما اللى هيخلوك شيخ السواقين
وبعدين بينى وبينك انا عندى 16 سنه وبسوق زى القرد وبطلع على اى طريق مبخافش وبالرغم من الدبابة اللى انا سايقها الا انى عشان بحب السواقة والحب ده هو اللى بيدينى الشجاعة وان شاء الله كلها اسبوع ولا اتنين سواقة وهتبقى :CHICKA~11:yesyes

رد: الخوف من السواقه
 

مالهاش غير حل واحد وهو الممارسه الكتيره و فى جميع الاوقات و استرخى و انت يايق ما تفكرش فى الحوادث و كده فكر فى انك سواق محترف و ان كل الى حواليك ما بيعرفوش يسوقو و على فكره المشى ببطى بيوتر اكتر من المشى بسرعه