المشاركة الأصلية كتبت بواسطة بحر الحياه (المشاركة 536018)

انتوا نسيتوا اهم اوبشانات فيها

- مساحات زجاج زباله تنشف بعد شهرين استخدام
- سماعات سيئه جدا لا تصلح حتى لسماع الراديو
- تقفيل زباله لدرجة انى رحتلهم كتير مره عشان يربطوا سلوك فى الموتور اتفكت ومره عشان وير الفتيس اتقطع ورمه عشان كاوتش داير الباب نشف هو راخر واتقطع زى ورق التواليت
- واخر حاجه واهم حاجه الشكمان المصرى الخطير اللى مسامه بتقفل بعد خمسين الف كيلو بعد ما تكون انت زهقت من ام صوته فيقى قدامك حل من الاتنين لتكلف نفسك فلوس تانى غير تمن العربيه وتغير الشكمان بشمكان نظيف وفى الحاله دى هتريح نفسك من صوت الشكمان بس هتخسر الضمان او انك تستحمل صوته زى الكلب واكنك شاحت العربيه دى مش دافع فيها دم قلبك .

يا ريت تاخدوا بالكم من الاوبشانات كويس

المشاركة الأصلية كتبت بواسطة mm_champion (المشاركة 537922)

اظاهر بس يا استاذ بحر ان حظك جه وحش شوية , فيه واحد قالي قبل كدة أن الفيرنا دي حظوظ وده عيب التقفيل المصري أنت وحظك , بس عايز اقول لحضرك انت اشترتها جديدة ولما اشتريتها اتأكدت أن ملصوق عليها لصق الجودة OK و final من غبور ولا لأ لأن الموضوع ده بيفرق كتير في العربية .

المشاركة الأصلية كتبت بواسطة بحر الحياه (المشاركة 537960)

يعنى هى اللزقه اللى بيلزقوها هتغلبهم ايوه طبعا انا شاريها من غبور نفسه وتعمدت اروح اجبها بنفسى من المخازن بالتراب اللى عليها عشان اتاكد ان محدش لعب فيها الموضوع مش موضوع لزقه الموضوع موضوع ضمير يا باشا واحترام للاخر مش اكتر وبعدين انت بتقول هى مسالة حظوظ وانا مش معاك فى دى لانى مشفتش عربيه فيرنا واحده الا وفيها عيب بسيط او كبير

المشاركة الأصلية كتبت بواسطة corsair (المشاركة 538545)

وفي عندك عراقه في الظهر تقدر تظهرها وتخفيها

المشاركة الأصلية كتبت بواسطة mm_champion (المشاركة 539301)

هي دي ازاي تظهر وتختفي :)