|
رد: يعني أيه دولة مدنية بمرجعية أسلامية؟
والله يا استاذ دملاوى ربنا يشهد انا بحترم اراء حضرتك دائما وبقدر مشاركاتك واتمنى ان الخلاف فى الرائ لايفسد للود قضية
بص اولا انا مش مختلف مع كلامك لانه واقع ثابت تاريخياً لكن مجمل كلام حضرتك محصور فى فترة زمنية ضيقة جدا اجمالى تاريخ الدول الاسلامية حضرتك عارف فيه كام دولة مدنية بمرجعية اسلامية قامت فى الدنيا ؟؟ الخلافة العباسية الخلافة الموحدية الدولة الأموية في الأندلس الدولة السلجوقية الدولة العبيدية الدولة العثمانية زنكيون زياديون زيانيون زيريون أسرة محمد علي أشراف أغالبة أغوات الجزائر أيوبيو اليمن أيوبيون آل خليفة آل رشيد آل سعود آل مكتوم آل نهيان قرامطة ملوك الطوائف مماليك الشركس مماليك مصر نجاحيون هاشميون كل دول كانو دول مدنية بمرجعية اسلامية لكن مش كل دول كانو دول ناجحة حتى اغلبهم واكبرهم تاثيرا زى الدول الكبرى الاموية والعثمانية والعباسية مرو بفترات انهيار وضعف زى ما مرو بفترات نجاح فاسمحلى حضرتك انا مختلف معاك تماما ف استدلالك بان الدولة طالما مرجعيتها اسلامية تبقى لازم دولة ناجحة وعادلة ده غير ان كلمة مرجعية اسلامية فى حد ذاتها محتاجة تفصيل وتأصيل ده غير ان كلمة مدنية فى حد ذاتها هى كمان محتاجة تفصيل وتأصيل شاهد اخر حضرتك ذكرته فى كلامك يضاد منطقك وهو فى قصة بابروسا المجاهد العظيم واخوة عروج ودول عاشو فى فترات اضمحلال وضياع الخلافة العثمانية لكن بنفسه قدر يقوم باللى جيوش عثمانية مقدرتش عليه الراجل ده اصلاً قيمة ليبرالية كان انكشارى فى فترة الانكشاريين بعد ما كانو ايه من ايات الجهاد والتقى بقو لعنة على الدولة العثمانية بل وعلى مبادىء واخلاق الاسلام لكن الراجل كان مؤمن مجاهد صابر مقاتل سياسى لف الدنيا علشان يجمع تاييد ليه من امراء ويرجع تانى يكون اساطيل ويجاهد سيرته كمان بتفكرنى بسيرة اسد المجاهدين عمر المختار وهو كمان فى فترة حالكة من تاريخ الامة الاسلامية وجاهد وناضل بينما امراء وممالك اخرى تدين بالمرجعية الاسلامية دانت او تحالفت مع المستعمرين ولحد عصرنا ده ال سعود ما هم بيحكمو بمرجعية اسلامية وسنية وعقيدة ومنهج سلفى والامريكان عاملين قواعد فى اراضيهم والهاشميين ما بيحكمو بمرجعية اسلامية سنية وعقيدة سلفيه وملكهم حفيد الرسول كما يدعى والرسول منه براء حبيب اسرائيل وكلب من كلاب الصهاينة والغرب الامبريالى القذر وفى زمانا دولقتى اربكان وادوغان وهم تحت حكم دولة علمانية وبيطبقو الشرع فى سياستهم وبياخدو مواقف فى منتهى الاسلام والرجولة وهما ليبراليين ومن كام يوم حزب النور عامل مؤتمر شعبى وجايب فيه الشيخ مسعد انور يقول الليبراليين مش رجالة ومعندهومش نخوة والمسلمين فى الصين كام مليار ومبيقدروش يغيرو سياسة الصين وبالتالى المسحيين هنا حتى لو كانو كام مليون يشربو من البحر ( هو مقالش يشربو من البحر بصراحة بس ده معنى التشبيه ) يبقى انا عندى اردوغان الليبرالى اللى بيعرف يطبق الاسلام فى دولة علمانية احسن من اللى جاى يطالب بدولة اسلامية فى دولة اصلا اسلامية بس الجديد ان المرجعية هتبقى صينية (حسب تشبية مسعد انور ) تقبل تحياتى وللحديث بقية :01FDAB~189: |
رد: يعني أيه دولة مدنية بمرجعية أسلامية؟
اقتباس:
لا يا باشمهندس وائل لا يوجد خلاف في الرأي أصلاً أنا في الحقيقة لا أطالب بمسميات وتكون بعيدة كل البعد عن الواقع أنا أطالب بالألتزام الفعلي الحقيقي بشرع الله ففي ذلك النجاة لنا كلنا وأن ينبع ذلك التطبيق منا كأهل لهذه البلاد لا أن يفرض عليهم وهم غير مؤهلين لأستقباله نفسياً قبل فكرياً شرع الله يحتاج رجالاً لتطبيقه فهو ليس برنامج كمبيوتر يتم تنصيبه ونتركه يعمل وحده لابد أن نتفق جميعاً أولاً أن شرع الله هو الحل ثم نبحث بعد ذلك عن طرق تطبيقه وأنا شخصياً أرى أن من سيقوم على تطبيق شرع الله هو الأهم في هذه العملية فلذا يحب أن نهتم بأطفالنا في المدارس أهتماماً فائقاً ونغرس فيهم أهمية العودة إلى الله والأستعانة دائماً به وتطبيق شرعه في خلال 20 عاماً ليس أكثر بأذن الله ستجد الأمور قد أختلفت كثيراً ولن يكون الخلاف وقتها هل نطبق شرع الله أم لا؟ بل سيكون كيف ومتى سنبدأ تطبيق شرع الله؟ تقبل تحياتي والله الموفق وهو من وراء القصد والسبيل |
رد: يعني أيه دولة مدنية بمرجعية أسلامية؟
طيب تفتكروا لو طبقنىا شرع الله الفترة القادمة و البلد اتدهورت اكتر. ساعتها هنعمل ايه ان شاء الله؟! يترى الناس هتقدر تفصل الدين من السياسة و يغيروا اللى طبقوا الشرع غلط ولا ساعتها هتلاقيهم بيغيروا كل حاجه؟؟
تركية لما تحولت لظلام فى ظل الاسلام كانت تعانى و عندما تمكنت ازالت كل ما له علاقة بالدين. و طبعا على الجانب الاخر اللى فى ظلام كتير زى حبايبنا فى بكيستان و افغانستان!! الخلاصة انتوا ليه عاوزين تطبقوا شرع الله بطريقتكوا انت و حاسيتن انكوا بتتكلموا كأيدى الله العليا فى الان كأنكم مبعوثين لكن .............انا شايف انى رسالتى وصلت. |
رد: يعني أيه دولة مدنية بمرجعية أسلامية؟
اقتباس:
والله يا أستاذ شريف لو قريت ردي كويس على الباشمهندس وائل كنت عرفت أني بدور على رجال تصلح لتطبيق شرع الله أولاً لا عن تطبيق نصوص فقط بدون فهم لمقاصد الشريعة الرسول صلى الله عليه وسلم أستمرت فترة أعداده للرجال اللذين سيحملون عبئ تأسيس الدولة على عاتقهم حوالي 13 سنة بمكة ولم تستغرق الفترة اللازمة لبناء الدولة نفسها في المدينة أكثر من 10 سنوات أذن فمقصدي هو المهم من سيطبق شرع الله وليس تطبيق شرع الله نفسه بدون أعداد وشكراً لأهتمامك بالرد على مداخلتي المتواضعة |
رد: يعني أيه دولة مدنية بمرجعية أسلامية؟
اقتباس:
و اسمح لي بالاختلاف معك في طريقتك الهجومية - أحيانا - لماذا الهجوم على المشايخ بدلا من النصح و الارشاد لماذا دائما - مش حضرتك بس- لما تيجي سيرة شيخ تلاقي نبرة سخرية و تريقة و أحيانا استهزاء ( برضه لا أقصدك و الله ) لماذا لا نتأدب باداب الخلاف كسلفنا الصالح و ألا يتكلم أحد بدون علم و إذا اختلفنا فمرجعيتنا الكتاب و السنة ثم الاجماع ثم القياس ثم الاجتهاد و عند الاجتهاد لا نشنع و لا نقبح و لكن نأمر لعض بالمعروف و نتناصح بالحسنى يارب علمنا ديننا و حسن أخلاقنا ... امين |
رد: يعني أيه دولة مدنية بمرجعية أسلامية؟
اقتباس:
اولاً يا استاذ على انت تعلم ان المشايخ ليهم تلاميذ ومحيطين ودول للاسف ساعات كتير وشوف بعينى والله بيبقو هما فتنة الشيخ واسباب افسادة ده غير استعداء الشيوخ على بعض وخلافهم غالبا ما بيكون بسبب تلامذه الشيخ والمحيطين بيه اللى زي دول انا كنت بسميهم يهوذا الشيخ نسبة اللى يهوذا الاسخريوطى حوارى السيد المسيح بلاش كلام مرسل حتى هحيكلك حكاية عن مؤتمر حزب النور اللى حضرته واشارت ليه فى كلامى اللى حضرتك وضعتة فى الاقتباس الشيخ مسعد انور اثناء كلامة كان فيه ناس كتير ملمومة حتى بره الصوان بتسمع وكان فيه منهم مسيحيين وكنت بشوفهم والله بيكلمو نفسهم وبتمتو بخفيض الصوت وبشكل ينم على استهجان الكلام وانا نفسى كنت محضر نفسى لانى اقوم اشارك لو فتحو مجال لمشاركة الحضور زى اى مؤتمر شعبى يعنى ده غير ان كان لى تعليقات على ما سبق من كلمات القاها الشيخ برهامى وقيادات من حزب النور بس زى ما قولت كنت مستنى المنظمين يقولو يلا بينا نتكلم ونتناقش وده محصلش طبعا ابداء وكل من كانو على المنصة مشيو بالتواتر تباعاً وحوالين كل واحد عشرات من الناس مابين الخاصة والتلاميذ وناس تانية شكلهم اقرب للبودى جارد بصراحة فمين ده اللى هيروح يكلمهم الاغرب بقى هو اللى حصل اثناء كلمة الشيخ مسعد فجاءه قام واحد من جوه الصوان لابس جلبية بيضة ولحيته ماشاء الله وفيرة وعليه كل مظاهر الالتزام بالمفهوم السلفى السنى المعروف وقعد يهتف ماهذا بكلام الله ... لا كلام الا كلام الله وحديث رسول الله ... لا اله الا الله محمد رسول الله - انا مليش دعوة بالحزب بتاعكم ده وقعد يكرر وكلام تانى انا مميزتوش من الجلبة بعد كده ايه الجلبه بقى ,,, قامت الدنيا والله يا استاذ على وجرى وراه المشايخ من كل حدب وصوب وشد وجذب ودفع وهوب خرجوه من الصوان ومن محيطة كمان - لان صوتة كان عالى - وبشكل فعلا مهين وبعنف غير مبرر مع العلم ان الشيخ ولا كانة سمع حاجة وفضل مكمل خطبتة للناس انا كنت مع الجانب اللى ف المعمة وتحديدا كان دورى اللى لقيت نفسى مقدرش اعمل غيره انى جريت على الشيخ الل بيهتف ده وبقيت ادفع عنه دفع وزق باقى المشايخ انا بزعق : اهدو يا جدعان ..... سيبوه يا جدعان .... الراجل مقالش حاجة غلط ...... الراجل مقالش غير لا اله الا الله .... جادلوة يا جدعان ....... بالراحة يا جدعان .... الخ هما : ده مجنون .. ده ملبوس .. ده حد زاقة يبوظ المؤتمر ...يعنى يرضيك نشمت فينا النصارى .... الخ طيب بالله عليك فين الشيوخ اللى بتتكلم مع الناس وتجادلهم وانا اروح اقعد معاهم انا طبعا مش بتكلم عن كل المشايخ انا بتكلم عن غالبية مشايخ الفضائيات اللى بقو مشايخ الاحزاب الدينية حالياً |
رد: يعني أيه دولة مدنية بمرجعية أسلامية؟
اقتباس:
|
| الساعة الآن 10:45 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017