مصر موتورز مجتمع السيارات - استفسار عن سرعة النوبيرا

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - استفسار عن سرعة النوبيرا (https://www.masrmotors.com/vb/showthread.php?t=69802)

رد: استفسار عن سرعة النوبيرا

متشكر جدا لكل اللي ردوا و افادوني إن شاء الله هشوف ميكانيكي كويس عشان يحل المشكلة دي و إن شاء الله لما احل المشكلة دي هـ رد عليكم حتى تعم الفائدة.

رد: استفسار عن سرعة النوبيرا

متابعين باهتمام
بس حيسألك نفس السوئال
عند 120 ال rpm كام عشان يعرف الفتيس بينقل لأخر نقلة و لا لأ
و هل فيها أوفر درايف ؟
فحضر الأجوبة
و منتظر بتشوق السبب و الحل

رد: استفسار عن سرعة النوبيرا

ي باش العربية دي فيها مشكلة وفي الغالب مشكلة حساسات و حساس الشكمان بالذات هو الي بيكتم العربية ويخليها متجريش روح لحد عندة كشف بالكمبيوتر يكشف علي العربية وسؤال مهم انت بتحط بنزين اية

رد: استفسار عن سرعة النوبيرا

اقتباس:

المشاركة الأصلية كتبت بواسطة ابو يمني (المشاركة 532755)

في الحقيقة لما بوصل ل120 بيظهر صوت ذبذبة شديد في الشكمان من ورا فهل دا فعلا مشكلة في حساس الشكمان و لا الشكمان مكتوم ؟:thnkr:

رد: استفسار عن سرعة النوبيرا

اقتباس:

المشاركة الأصلية كتبت بواسطة mido_teto_009 (المشاركة 532085)

العربية دي شاريها من شهرين و لما سألت الراجل اللي انا شاريها منه على حوار السرعة ده قالي هي النوبيرا في مصر كلها كدة متثبتلها سرعة حسب المواصفات المصرية بس انا مش مصدقه .
فياريت تفيدوني لو العربية متثبتلها سرعة اليكتروني ازاي اعالج المشكلة دي و لو مش مثبتلها سرعة ايه الحل.

حسب المواصفات المصرية
ماشا ءالله
ايه الفتوى دى ؟ والأخ ده جاب المواصفات دى منين
يا سلااااااام يعنى شركة دايو حددت السرعة على 120 كيلو / ساعة مخصوص ( خدو بالكو مخصوص) علشان المواصفات المصرية

رد: استفسار عن سرعة النوبيرا

اقتباس:

المشاركة الأصلية كتبت بواسطة mido_teto_009 (المشاركة 532989)

هل فية عندك علبية بيئة و لو كان فية الغيها
حساس الشكمان اعراضة استهلاك عالي في البنزين و لمبة التشيك بتنور عند 90 كيلو فما فوق
لو عندك الأعراض دي غير الحساس واذا لم تجد اصلي ركب حساس نيسان صني

اعمل اختبار كبس للمكنة عند اي بنزينة فيها مقياس كبس زي بنزينة شل اللي في الهرم او وطنية في مدينة نصر هنا تعرف الخلل فعلا فين بالضبط
لو الفتيس مش عاملة صاينة يفضل تعملة صيانة لأن الكلتش لو خفيف يأثر طبعا علي السرعة
البوجيهات امتي اخر مرة غيرتها و هل ركبت الأصلي اللي اسمة NGK ورقمة BKR5E-11
ولا اي حاجة وخلاص طبعا تفرق كتير جدا
اخر مرة غيرت الفلتر و هل متأكد انة راكب صح عشان لو مقلوب بيكتم المكنة
فلتر الهواء لو راكب مقلوب يخنق المكنة برضة
اخبار زيتك اية لاتتنازل عن اقل من موبيل 1 لأن ماهو اقل منة معدني وبيضعف فعلا عزم العربية ويقلل عمر الموتور بسرعة الريح
هو فية عندك حاجة في دورة المياة هل الحرارة بتعلي عن النص لأن الحرارة لما تعلي العربية بتتخنق
واذا كانت بتعري نظف دورة المياة واكشف علي جوان وش السلندر

انا كدة شركتلك العربية بما يكفي لما تخلص عرفني وانا هتابع معاك
واذا عزت موتور غير دة اجبلك واحد استيراد

رد: استفسار عن سرعة النوبيرا

اقتباس:

المشاركة الأصلية كتبت بواسطة moko_2004 (المشاركة 536755)

متشكر جدا جدا على ردك و على الافادة الرائعة معلوماتك ماشاء الله قيمة جدا
انا فعلا محتاج افحص كل اللي قولتلي عليه ..اصلي لسه شاريها و لسه معرفش حاجة فيها بإذن الله هـ فحص كل اللي قولتلي عليه و متشكر يا باشا