|
رد: رد شركة الامل على شكوى صيانة الالف والتجربه المريرة بفرع العباسيه
والله ياباشا انا من رايي انك تعمل محضرين في القسم واحد لشركة الامل والتاني للراجل ده علشان الناس دي ماتتوقع ممكن يعملوا ايه واهو تبقي انت حفظت حقك
|
رد: رد شركة الامل على شكوى صيانة الالف والتجربه المريرة بفرع العباسيه
شوف حضرتك هو اتصال المشكو فى حقه له عده دلالات :
1- انه علم بالشكوى ووصلو مضمونها ....وده كويس انك نعرف ان الشكوى وصلته . 2- ان الشكوى لها تاثير والا كان طنش ومانصلشى بحضرتك . 3-ان رئيسه الاعلى وبخه فاتصل بحضرتك يقولك متشكرين على اللى صابنى من وراك . 4-انه فعلا يستاهل انه ينشكى . ودا باين من عدم مناقشته لحضرتك فى موضوع الشكوى ودا دليل على عدم اهتمامه بحلها . |
رد: رد شركة الامل على شكوى صيانة الالف والتجربه المريرة بفرع العباسيه
انا راى انك تتصل بيه وتقلو
- انت فلان اللى سأل اللى عامل شكوى على النت . هوه ـ ايوة يا أفندم انا انته ـ طيب عفوا يا باشـــا. واتنهى المكالمه عند هذا الحــــد. وبكده تبقه حرقت دمه مع حته سيس من تحت لتحت:260309~352: |
رد: رد شركة الامل على شكوى صيانة الالف والتجربه المريرة بفرع العباسيه
السلام عليكم
طيب انت عرفت منين ان اللي اتصل دا مدير فرع العباسية هو عرفك بنفسه ؟؟؟ وعموما انا برضه مع الراي اللي قالك تكلمه وتقوله لاشكر على واجب وانا دايما في الخدمة يامدير مركز الخدمة :THE_PR~18: |
رد: رد شركة الامل على شكوى صيانة الالف والتجربه المريرة بفرع العباسيه
[ كيا سيفيا ]الاخـــوة الافاضل
بعد التحيه.... اتصل بى بالامس السيد / احمد ماهر مدير مركز صيانة الـ byd فرع العباسيه ( المشكو فى حقه ) وسألنى : ـ انت فلان اللى عامل شكوى على النت . ـ ايوة يا أفندم انا ـ طيب متشكرين يا باشـــا. وانتهت المكالمه عند هذا الحــــد. فلم اعرف لماذا اتصل حضرته بى . وهل الاتصال ده بناء على تكليف من ادارة الشركه لبحث الشكوى واذا كان كذلك فهل من المعقول ان يبحث شكوى العملاء المشكو فى حقه . انا يا جماعه مش فاهم سيادته اتصل بى ليه فهل من مجيب ؟ عندي ثلاث ملاحظات على شكواك : أولهم أسلوبك الراقي حتى في الشكوى ينم عن حسن الخلق والله أنا مصدقك تماما في كل ما ذكرتة بارك الله فيك وثانيهم أطلب من الأستاذ أحمد ماهر ومع تقديري لوظيفتة السابقة وبكل احترام أن يعرض نفسة على طبيب نفسي وثالثهم أين الشركة من كل ما قيل ؟ لية كدة ؟ لا تهتم بشكوى العميل أم لا تهتم بسمعتها أم ماذا بالضبط |
رد: رد شركة الامل على شكوى صيانة الالف والتجربه المريرة بفرع العباسيه
بصراحه اسلوب بليغ فى خدمه العملاء اول مرة اشوفه
اسمه "الشركه دايما على حق والعميل :12BF86~159:" ولمؤاخذة |
رد: رد شركة الامل على شكوى صيانة الالف والتجربه المريرة بفرع العباسيه
اقتباس:
وكمان عايز اضيف ان دى خطوة ايجابية من المسئولين بالتوكيل ... بمعنى ان صاحب الشركة بيسعى انه يراضى العملاء وانة يرتقى بمراكز الصيانة الخاصة به ... ودى حاجة كويسة جدا وكنت عايز ابلغ صاحب شركة الامل ان الكلام ده مش ها يحصل غير لما الناس دى تمشى من الشركة ... وتستبدلهم بناس تتقى الله فى عملها ... لان الواضح انهم مش بتفرق معاهم حاجة خالص ... والدليل على كدة المكالمة التليفونية الغريبة دى .... وصدقنى والله احنا كعملاء وكاصحاب العربية ... مش عايزين الارض تتفرش ورد ولا حاجة ... عايزين العربية تتصلح او تتصاين بمايرضى الله ... وكمان نتعامل معاملة الادميين ربنا يكون فى عون صاحب الشركة ... ويكون فى عون العملاء |
| الساعة الآن 07:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017