مصر موتورز مجتمع السيارات - النترا 2012 مانيوال ولا هوندا سيفيك 2009lxi

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - النترا 2012 مانيوال ولا هوندا سيفيك 2009lxi (https://www.masrmotors.com/vb/showthread.php?t=69744)

رد: النترا 2012 مانيوال ولا هوندا سيفيك 2009lxi

الف شكر للناس المحترمين اللى ردت .:0369B3~177::0369B3~177: :fun_36_3_11[1]:
هو فعلا انا عارف ان الهوندا احسن بس الواحد خايف من غلو قطع الغيار وان الشكل الجديد نازل قريب وده هياثر على سعرها..
والميزه اللى فى الالنترا ان قطع الغيار رخيصه واماكن الصيانه منتشره والماتور احدث وباين عليه اقوى ... بس الهوندا ثبات وراحه
شوفتوا بقى الحيره مع العلم ان الهوندا اللى قدامى lxi 2009 فيها( جنوط سبور +زينون واطى + فرش جلد +وحدات رفع للزجاج )

رد: النترا 2012 مانيوال ولا هوندا سيفيك 2009lxi

بص يا باشا مع احترامي الشديد للالنتر والشكل التحفة بس مهما عملوا موتور مش هيبقى زي مواتير الهوندا ولا زي العمر الفتراضي بتاع الهوندا بدليل هات عربيتين 2007 سيفيك والنترا والتنين يكونو عاملين 150 الف كيلو وجرب الاتنين وانتا هتعرف الفرق.
وبعدين في حاجات بتنزل استاندرد في الهوندا بتبقى حاجات رفاهية في الهيونداي زي
1 - عدد 2 ايرباج
2 - فرامل ABS و EBD
3 - مثبت سرعة
4 - امكانية تركيب اوديو كنترول
وفي النهاية الي ترتاحلها اكتر هيا دي اهم حاجة.
وبالتوفيق ان شاء الله.

رد: النترا 2012 مانيوال ولا هوندا سيفيك 2009lxi

اقتباس:

المشاركة الأصلية كتبت بواسطة MEMOO_1ST (المشاركة 530968)

بص يا باشا هوا فعلاً صعب تقارن جديد ومستعمل لان اكييد الجديد هيكسب.
لكن بصراحة انا لو مكانك هكشف على السيفيك في التوكيل لو كل حاجة تمام هخلص فيها.
بص تجربة شخصية انا كان معايا لانسر 1300 اوتوماتيك موديل 2003 بومة كنت جايبها في 2006 ب 65000 جنية بس العربية كانت رشة كلها برة وساعتها كان قدامي الفيرنا ال 1600 اوتوماتيك بنفس السعر بس قررت اني اجيب اللانسر وفضلت معايا زي الفل ولسة بايعها من 6 شهور ب 53000 يعني مخسرتش كتير دا اول ميزة في المستعمل واهم ميزة اني كنت راكب ياباني يعني بحط قطعة الغيار وانساها.
المهم كملت وكان معايا 80000 جنية ووقعت في نفس الحيرة اقرص على نفسي شوية واجيب جديد ( كانت هتبقى نيو اكسنت او نيسان صني ) بس قررت اني اجيب مستعمل وجبت هوندا سيفيك 2005 EXI كاملة اوتوماتيك والعربية ما شاء الله زي الفل والهوندا عربيات غنية عن التعريف وكشفت عليها في التوكيل .
وبعدين انتا لما تجيب اللانترا بعد اسبوع واحد هتبقى مستعملة وهتخسر 8000 جنية على الاقل بعد اسبوع واحد وبعدين سيفيك 2009 يعني العربية لسة في الضمان وبعدين الي بيبيع كان شاري ب 158000 جنية يعني انتا مهما خسرت بعد 5 سنين مش هتخسر قد الي هوا خسرة.
بس اهم حاجة تكشف في التوكييل وتاخد تقرير شامل بكل حاجة في العربية.
وبالتوفيق في الاختيار ان شاء الله وانا تحت امرك في اي استفسار.

انا مع كلام الراجل ده

رد: النترا 2012 مانيوال ولا هوندا سيفيك 2009lxi

شيك عليها فعلا ولو طلعت تمام الهوندا احسن بكتير
النترا الجديده شفتها ف المعرض مش حلوه وشكلها من جوه مش حلو ومن بره هتزهق منها ومهما كانت امكانياتها مش هتوصل للهوندا
خليك ف الهوندا احسن

رد: النترا 2012 مانيوال ولا هوندا سيفيك 2009lxi

هيونداى النترا الشكل الجديد موديل 2012

افضل :

شكل جديد جدا وجميل وشيك

سياره جديده

بدون اى تفكير .... او تردد ...... خليك فى هيونداى النترا

ومبرووووووووووووووووووك مقدما:12C186~161:

رد: النترا 2012 مانيوال ولا هوندا سيفيك 2009lxi

أنا لو منك حجيب السيفيك و أنا مغمض والله

رد: النترا 2012 مانيوال ولا هوندا سيفيك 2009lxi

طب ممكن النيسان نيدا ب (116 ألف) و فظيعة و أحسن من الألنترا مهما كان شكلها و كمالياتها و التيدا عربية جميلة و ثابتة و عضم ناشف و ممكن البروتون برسونا أحسن من الألنترا بمراحل و ثابتة و عضم ناشف و مثبت سرعة و 2 أير باج و جنوط سبور و محرك لوتس و كامبرو و كماليات كتير و بين الألنترا والسيفيك يبئى السيفيك طبعا و كفاية أنها يابانى