|
رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا
أنا بشكركم جميعاً و أسف للتأخير كنت مسافر خميس وجمعة و سبت
أنا مقدر ردود الجميع ٫٫ بس كان دايماً عندي إحساس إن الناس خايفة تتكلم في أي موضوع يؤثر على توزيع العربية لكن للأسف التوكيل نفسه مش مراعي ده و خلاص بجد الموضوع وصل لمرحلة القلق على مستقبل العربية وممكن ملاك العربية يجربوا بنفسهم و يسألوا على قطع الغيار و هما هناك٫ أنا شفت ناس كتير بتسأل على قطع غيار مختلفة و الرد واحد "مش موجودة" يا جماعة قطعة الغيار هي روح العربية و لو التوكيل موفرش قطع الغيار يبقى لازم يكون في موقف مننا٫ |
رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا
اذكركم يااخوانى بموضوعين قدامى كتبتهم واحد بعنوان وداعا جاك وتنبات فيه بعدم انتشار السياره والثانى لا للاستغلال وارجعت فيه سبب انهيار السياره المتوقع للوكيل الجشع المستهتر واكدت فى الموضوعين على جوده السياره . ولكن اداره المنتدى حذفت موضوع وداعا جاك تحت مسمى دمج الموضوعين لوحده الفكره !!!!!!!!!..على الرغم من انى اراى هذين الموضوعين اهم ماكتب فى هذا القسم لان ما قلته من فتره طويله قد تحقق بحزافيره رغم ان وقتها قد تعرضت لهجوم من اخوتى بالمنتدى ولكنى كنت اعذرهم ......المهم اذا كان العميل يجب عليه فى التعامل مع الوكيل دايما اللجوء للنيابه وتقديم الشكاوى لجهاز حمايه المستهلك والزعيق والنرفذه فبناقص من دا وكيل ومن دى سياره والماركات الاخرى ماليه السوق وارخص وخدمه افضل ....اما بالنسيه للى اشترى خلاص فده اللى واجب عليه يشتكى او يتخانق لانه اتورط خلاص ولازم ياخد حقه .........اما التشبيه بوضع سيارات اخرى زى هيونداى واسبرانزا فاش جاب لجاب ..الجاك بحق الله اجود من اسبرانزا والاتنين صينى وشوف اسبرانزا فى الشارع ازاى وجاك ازاى ؟؟؟؟؟السبب طبعا الوكيل اللى مش فارقه معاه العربيه خالص وحاسس ان كفايه عليه توزيع جيلى واسكودا ..........ولا اخفى حزنى من اجل ملاك السياره وغيظى من هذا الوكيل اللى كسب من السياره اكتر من ضعف تمنها ...وبالغ فى سعرها لحد مابارت ...فعلا بارت ......وفى النهايه ,,,هناك اقتراح لى قد يغضب اعضاء القسم لكنى اراه عين الصواب وهو عدم افراد قسم خاص بسيارات جاك لان عدد ملاكها قليلين جدا بالنسبه لسيارات كتير موجوده فى قسم الصينى العام...........وليس هذا طبعا من حسن الاداره ...رجاءا ماتزعلوش منى واظن ان عصر المجاملات الضاره قد انتهى .
|
رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا
ياعم نيسان صني ايه الي كويسه
دي عربيه زباله هي راخره وربنا يريحني منها يااارب لاني كرهتها هي وتوكيلها ( النيسان صني ) |
رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا
الاخ احمد ......أنا معاك تماما إن التوكيل سيئ فى عدم عمل دعايه للسياره وسيئ فى غلاء سعر السياره .
أما بالنسبه لخدمه السياره وعمل الصيانه والإصلاحات فأختلف معك تماما وأنا هنا أتحدث عن التوكيل الموجود فى القاهره وليس توكيل الاسكندريه فكل الذين قابلتهم فى التوكيل فى 6 اكتوبر لم يشتكى أحد من الخدمه والصيانه والاصلاح وكل الشكوى من الزحمه والتأخير فقط . أما بالنسبه لقطع الغيار فجميع قطع الغيار موجوده فى التوكيل فى القاهره وهذا أنا تأكدت منه بنفسى أخر مره من شهرين فى التوكيل وكل قطع غيار السياره موجوده وسألت عليها مندوب البيع المسؤل عن المخزن وقضيت معاه حوالى ساعه على شباك المخزن أسأله عن قطع الغيار وشاهدت كل شيئ للسياره موجود .......فلو حضرتك محتاج أى حاجه ياريت تنزل القاهره وتجيبها وتركبها فى التوكيل وتريح دماغك من توكيل الاسكندريه . أما بالنسبه للعيوب الموجوده عندك فهى غيرموجوده عندى ولا عند أى حد ممن قابلتهم بصراحه ومستغرب إذاى التابلوه بيطلع صوت فى المطبات . أنا أعتقد إن عربيتك بالعيوب دى إللى ظهرت منها المسؤل عنها توكيل الاسكندريه (أعتقد إن العربيه معيوبه من يوم مانت إشتريتها ) فياريت متسكتش وتاخد حقك منهم وإنت راجل محامى وتعرف تتصرف . أما بالنسبه للأخ إللى بيقول ياريت الإداره تلغى قسم الجاك .....أقول له ياريت متكتبش فى القسم تانى وتريحنا وترتاح واعتبره مقفول . |
رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا
اقتباس:
أزيك يا دكتور عامل إيه على فكرة أنا من القاهرة و كل اللي حكيته و اللي محكيتوش كان في القاهرة في أبو رواش و المراية اللي مش موجودة و الراجل اللي كان بيسأل على علبة الدريكسون و ملقهاش كان في القاهرة وأنا مرحتش أي توكيل غير أبو رواش |
رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا
هو بالعقل معقول هيكون فيه فرق فى الخدمه وتوافر قطع الغيار للدرجادى بين فرعين لوكيل واحد !!!!!!!!!!!اكيد مستحيل ..والمفروض انه يهمه سمعته فى اسكندريه زى القاهره ولو كان فيه فروق بتكون بسيطه ومؤقته ..مش زى البلاوى اللى ينسمع عنها دى ..انا ملاحظ ان فيه اتجاه لبعض الاخوه مالكى جاك يهدف لتحسين صوره التوكيل بخلاف الحقيقه حرصا على سمعه ومستقبل السياره...واعتقد ان هذا الاتجاه سوف يضر بالسياره و مالكيها ويصب وقتيا فى مصلحه الوكيل المستهتر وسوف يقضى فى النهايه على مستقبل السياره .
|
رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا
اقتباس:
شخصيا براعى ربنا فردودى لاى حد بيطلب المشورة عيب اوى الكلمة دى يا استاذى لان اولا يروح الوكيل فداهية بس الواحد ميخدش دعوة وحشة من حد وكما تدين تدان مستاء جدا ......... |
| الساعة الآن 06:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017