رد: يا جماعه اشغل الاوفر درايف ولا اسيبه مش شغال ارجو الرد للاهميه
 

اسمح لى يا استاذ احمد الكلام دا مش مظبوط
انا ركبت نيسان صنى لحد موديل 2008

كان الاوفر درايف مطفى واللمبة كمان مطفية والله اعلى واعلم طبعاً

انصح صاحب الموضوع بسؤال التوكيل ان شاء الله حتى فى التليفون

رد: يا جماعه اشغل الاوفر درايف ولا اسيبه مش شغال ارجو الرد للاهميه
 

مش مظبوط ليه بس ؟
هي اللمبة الي في التابلوه اسمها ايه ؟
أكيد over drive off او اختصارا od off المهم في كلمة off دلالة علي فصل خاصية تعشيق ترس الأوفر درايف
ده غير ان بالصدفة اكتر عربية سوقتها أوتوماتيك هي الصني و قاري الكتالوج

رد: يا جماعه اشغل الاوفر درايف ولا اسيبه مش شغال ارجو الرد للاهميه
 

بص يا باشا ..

الـ over drive ده اللى هو الغيار الرابع (الاخير) فى الفتيس ..

وده بيتعشق فى الاتوماتيك من بعد سرعة 50 تقريبا ..

فايده زرار الاوفر درايف انك لو ماشى ع الرابع (على سرعة عالية) وعاوز ترجع للتالت (علشان تعمل تسارع) فبتقوم فاصل الاوفر درايف (يعنى تخلى لمبه o/d off تنور) .. وساعتها العربية هتسقط نقله وترجع للتالت وطبعا الـ rpm هيزيد وبالتالى سحب العربية هيزيد ...

الطبيعى ان الاوفر درايف (الغيار الرابع) شغال معاك على طول (اللمبه مطفيه) ومتفصلوش غير وقت الضرورة بس (لو عاوز تتخطى عربية ع الطريق مثلا او اى ظرف مشابه تحتاج فيه تسارع)


يا رب اكون افدتك يا غالى .. والف الف مبروك على العربية الجديده ربنا يباركلك فيها ويحفظك من شر الطريق ...

رد: يا جماعه اشغل الاوفر درايف ولا اسيبه مش شغال ارجو الرد للاهميه
 

معلش يا باشا لو تسمحلى الكلام ده مش دقيق ..

حضرتك كده كانك بتنصح واحد راكب مانيوال انه مينقلش ع الخامس خالص غير فى طرق مفتوحه زى الصحراوى

الاوفر درايف ده باختصار ده تحكم فى الفتيس ..

بمعنى ان فى المانيوال لو انا على طريق سفر وماشى ع الخامس وعاوز اتخطى مقطوره مثلا .. هقوم دايس دبرياج وجايب الرابع علشان العربية تسحب جامد وبعد ما اعدى انقل ع الخامس تانى .. صح ؟!!

الاتوماتيك بقى علشان اعمل كده زرار الاوفر درايف هو اللى هيفيدنى .. افصله (اللمبه تنور) الرابع يفصل ويشتغل التالت ...



كلام ملوش اى اساس من الصحة مع احترامى الشديد لحضرتك ..

الفكره ان الفتيس الاتوماتيك فى العربيات الحديثة نسبيا (من اول التسعينات مثلا) بتكون فتايس كهربا ..

بمعنى انها شغاله على كنترول بيقيس سرعة العربية وعدد لفات الموتور وقوه ضغط البنزين وعلى اساسه بيختار الغيار المناسب ..

لما نقفل الاوفر درايف او الغيار الرابع (واللمبه تنور) فى الزحمة الفتيس هيشتغل عادى خالص اول وتانى وتالت .. ولما ييجى معاد الرابع مش هينقل (وده زى ما قلت فوق سرعة 50) ..

بصيغة تانية زرار الاوفر درايف ملوش لازمة قبل سرعة 50 ومش هتحس باى فرق لو شغلته او طفيته ...

يا رب اكون قدرت اوضح كويس ..

رد: يا جماعه اشغل الاوفر درايف ولا اسيبه مش شغال ارجو الرد للاهميه
 

الغيار الرابع (over drive) شغال = اللمبه مطفيه

الغيار الرابع (over drive) مش شغال = اللمبه منوره

رد: يا جماعه اشغل الاوفر درايف ولا اسيبه مش شغال ارجو الرد للاهميه
 

والله ياجماعة انا بعتذر عن معلوماتى الخطأ انا كل كل غرضى اساعد العضو صاحب الموضوع
وبكل أسف مصدر معلوماتى واحد ميكانيكى هنا فى سمنود !!

كان نفسى اساعد العضو لكن جميل جداً ان الناس صححت لى المعلومة هنا شكرا استاذ احمد بدر واستاذ حسام البورسعيدى

ولما اشوف الميكانيكى الحمار دا هبقى افيده احسن مايبوظ دماغ ناس تانية كتير

رد: يا جماعه اشغل الاوفر درايف ولا اسيبه مش شغال ارجو الرد للاهميه
 

باشا أحييك بشدة على روحك الطيبة
اصل كلمة أوفر درايف بتلخبط ناس كتير
بيفتكروا معناها القيادة الزائدة
لأ
المقصود بيها ان ترس الاوفر درايف صغير لدرجة ان rpm الماتور بيبقى اقل من rpm العجل
فانت بتدرايف حاجة سريعة بحاجة ابطأ
طبعا الكلام ده مش موجود فى المانيوال بس ترس الخامس يعتبر اقرب حاجة لترس الاوفر درايف
من الاخر الاوفر درايف يعنى rpm قليل و عزم قليل و قدرة على التسارع قليلة فى مقابل توفير البنزين و اطالة عمر الفتيس و الماتور