|
رد: حيرة بين شيفولية لانوس ورينو لوجان
اقتباس:
|
رد: حيرة بين شيفولية لانوس ورينو لوجان
اهلا بيك يا غالى
انا معايا رينو لوجان من مارس 2011 وعاملة 58 الف كيلو وكان معايا قبلها لانوس حوالى سنة ملك الشركة الفرق كبير قوى قوى قوى يا باشا اللوجان فيها مزايا كتير مش موجودة فى اللانوس .. كفاية انك تبقى ماشى بعربيتك ومحملة ومش خايف من مطبات او حفر عكس اللانوس لو ماشى لوحدك لازم تاخد المطب على جنب ولو حد ركب معاك يبقى مبروك عليك الخبطات تحت فى العفشة وحوض الموتور بسبب هبوط العربية للارض .. احترس من كل ما يقترب من الأرض :) بالنسبة لنقطة البيع فاللانوس سعر اعادة البيع افضل بس الكلام ده لان اساسا محدش بيبيع اللوجان واللى بيعرضها للبيع بيعرضها اغلى من اللانوس لانه عارف انها احسن ومتنساش ان اللوجان دلوقتى اغلى من اللانوس جديد بحوالى 4 الاف بالنسبة لقطع الغيار فهى لا تختلف عن اللانوس فى شئ تيل امامى او خلفى 100 جنيه وفى التوكيل تركب الواحد 280 بالتركيب واى توكيل معروف انه حرامى .. الفانوس الخلفى من 110 الى 180 وفى صناعة صينى وتايوانى وتركى وفرنسى والفانوس الامامى بيوصل من 350 الى 500 حسب البلد برضه وكل قطاع الغيار نفس الوضع .. يعنى اغلى من اللانوس بحاجات بسيطة بس الفرق انها القطعة الواحدة معمرة يعنى التيل تمشى بيه مش اقل من 40 الف كيلو عكس تيل اللانوس اللى كبيره 20 الف ده لو مصفرش منك فى اول 10 الاف الخ الخ الخ الفرق كبير قوى قوى قوى يا عزيزى .. وانصحك باللوجان لكن لولا اختلاف الاذواق لبارت السلع :) |
رد: حيرة بين شيفولية لانوس ورينو لوجان
اكيد اللوجان احسن ومافيش كلام نقولة بعد تقرير ا/ايمن الرائع
|
رد: حيرة بين شيفولية لانوس ورينو لوجان
لو حضرتك في نيتك البيع بعد فتره قريبه يبقي لانوس واستحملها الفتره الي هتفضل معاك اما لو بتفكر تقتني العربيه فتره كبيره يبقي بدون منازع لوجان عربيه عاليه عن الارض . ثبات اعلي من اي حاجه في فئتها . الوحيده الحاصله علي 3 نجوم في اختبارات السلامه الاوربيه في فئتها دا غير اوبشنز كتير في العربيه مش موجوده في اي عربيه في نفس الفئه السعريه زي كمبيوتر الرحلات .. وطبعا كلو هيخوفك من قطع الغيار .اللينك دا فيه بيان بمعظم قطع غيار اللوجان وشوف وقارن بينها وبين اي عربيه http://masrmotors.com/vb/showthread.php?t=68087 وكمان لو حبيت تشوف العربيه وتقرير كامل عنها يبقي دا افضل تقرير تفصيلي عن كل صغيره وكبيره في العربيه http://masrmotors.com/vb/showthread.php?t=66948 واخيرا . صلي صلاه استخاره والله الموفق |
رد: حيرة بين شيفولية لانوس ورينو لوجان
انت كنت راكب ايه ؟
ناوي على التغيير بسرعة و لا لأ؟ بتحب تعمل الشغل في التوكيل و لا فين ؟ عايز العربية جراية و لا لأ؟ قول انت نفسك في ايه و انا اقولك مين فيهم ..لاني انا معايا الاتنين .. و ربنا يوفقك .. SLAM |
رد: حيرة بين شيفولية لانوس ورينو لوجان
برجاء مراجعة هذا الفديو
http://www.youtube.com/watch?v=xPrXT...layer_embedded#! وكذلك http://www.youtube.com/watch?v=_jAkQ...eature=related http://www.youtube.com/watch?v=lku2LjcwWL8 :Wkiss5: |
رد: حيرة بين شيفولية لانوس ورينو لوجان
|
| الساعة الآن 03:36 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017