رد: ليه الرجاله سواقتها احسن من الستات ؟؟؟
 

1- داخل السيارة :
- موضوع الطول والحجم ده مضبوط السيدات بيقربوا الكرسي من الدريكسيون بدرجة تمنعهم من التحكم الجيد في الدريكسيون وكذلك موضوع الكعب وصعوبة الضغط على الدواسات.
- السيدات مابيفهموش في ميكانيكا السيارة وكيفية عملها ومهم جدا فهم طريقة عمل الشيئ اللذي تستخدمة لكي تستخدمه بشكل جيد كأن تطلع كوبري مثلا على 40 ك/ س على النقلة الرابعة .


2- الطرق والتذكر : سبحان الله ربنا خلق الرجال وبهم خاصية تذكر الطرق بشكل أقوى وأسهل كثيرا من النساء وذلك لحكمة أن الرجل هو المسئول عن الخروج لكسب العيش وليس السيدة والعمل زمان كان يحتاج إلى التنقل والترحال للتجارة وما شابه وعندما تكون ماشي فى طريق تحفظه فأنت تستعد لمتطلبات الطريق من تهدية و تروح يمين من بدري علشان هتلف يمين وتاخد شمالك مستريح علشان اليو تيرن ... وهكذا

3- القدرات النفسية
- السواقة ما هي إلا سلسة متصلة من القرارات قرار بالسير ، قرار بزيادة السرعة ، قرار بالإنحراف ناحية اليمين ، قرار بالفرملة بقوة شديدة ، قرار بالتهدية ، فاللذي له القدرة على اتخاذ القرار السليم في حياته سيتمكن من القيادة بدون مشاكل ، أما السيدات فهم قمة التردد ، (أنا ممكن أشتري حذاء في 10 دقائق وأنا مبسوط وراضي جدا ـ مراتي ممكن تقعد تلف على 18 محل في 3 ساعات ومافيش حاجة تعجبها )
- للأسف تربيتنا للبنات تقوم على عدم ثقتهن بنفسهن فتكون البنت منتظرة أى فرصة لإثبات الوجود فاول لما تركب سيارة وتكون مسؤلة عن اتخاذ قرارات تتهور لا لشئ سوى العند وإثبات الذات

وطبعا لا مجال للتعميم فهناك رجال صباح التخلف العقلي ، ونساء ولا مايكل شوماخر وبتشد على الصحراوي على 180 بس ده الإستثناء انما القاعدة هى أن معظم الرجالة بتسوق كويس ومعظم السيدات على قدهم

رد: ليه الرجاله سواقتها احسن من الستات ؟؟؟
 

الست لو اتحطت ف موقف بتصوت واحيانا بتغمى عنيها وملهاش دعوه بقى تلبس ف شجره تطلع على رصيف مش مهم وتيجى تكلمها تقعد تعيط
انما الراجل يا سلام على الراجل راسى كده ومظبط نفسوا حاجه موووووز

رد: ليه الرجاله سواقتها احسن من الستات ؟؟؟
 

يا جماعة الحوار منطقي جدا
الرجال قوامون عن النساء

رد: ليه الرجاله سواقتها احسن من الستات ؟؟؟
 

الراجل بيعمل ايه فى اليوم الواحد:
1- يصحى يروح الشغل
2- يخلص شغله فى ميعاده
3- ينزل يركب عربيته ومفيش اي حاجة تانية فى دماغه الا انه يروح (ساعات في يوم الخميس بيبقى فى دماغه الـ.... الجامد)
بسسسسسسسسسس
الست بتمل ايه فى اليوم الواحد:
1- تصحى قب الكل عشان تحضر السندوتشات - الاولاد للمدرسة - فطار زوجها ولبسه وتلميع الشوز بتاعه (لان شياكة الراجل مراية الست بتاعته)
2- تلبس وتنزل وتروح الشغل وهي دماغها وموبايلها فى الاولاد وصلوا المدرسة بالسلامة ولا لأ (وساعات هي اللى بتوصل الاولاد للمدرسة)
3- هتعمل ايه النهاردة فى الشغل
4- تخلص الشغل وتنزل تركب عربيتها وتقفل ازازها حتى لو العربية مفيهاش تكييف عشان كل شاب شايف نفسه عم الروش هيعاكس فيها وساعات يزنق عليها بعربيته وهي مطالبة بانها ماتتهزش وتمشي فلى الطريق عدل
5- تجيب الاولاد من المدرسة وتورحهم بسرعة
6- وهي مروحة دماغها كلها فى انا هعمل اكل ايه النهاردة - يارب ااحق اوص قبل زوجي عشان الحق احضر الغدا - الاولاد ومذاكرتهم
7- اول متروح تبقى فى المطبخ بتحضر الغدا ويبقى يومها مش لذيذ لو زوجها روح قبل الاكل مايخلص ويا لهوى لو لقى ريحتها طبيخ
8- بعد الغدا الايلولة بس للاسف الاولاد لازم يخلصوا الواجب الاول
9- الاولاد خلصوا الواجب يكون صحى الزوج من النوم فهي مينفعش تنام وتسيبه
10- المسلسل العربي او مهند ونور
11- العشاء يا ماما عشان ننام
12- لو يوم الخميس يبقى البرفان الجامد عشان الـ.... الجامد
13- لازم تحضر ملابس الاولاد والزوج والمكواة
14- اكيج انا نسيت حاجات كتيررررررررررررر

المهم الرحل ودماغه الرايقة بالنسبة للست تخليه يلاقى وقت ودماغ انه يخترع الذرة انما الست وهى سايقة وهى حتى نايمة بتفكر فى ال3 ساعات الجايين هتعمل فيهم ايه

ممكن اكون مدافع شوية عن الست بس متبقاش القاعدة ان كل الستات وكل الرجالة

رد: ليه الرجاله سواقتها احسن من الستات ؟؟؟