رد: صاج اللوجان
 

انا شايف ان رأى ا/احمد على هو الاقرب للصحة اننا بنركز على نوع السيارة اللى عايزين نشتريها لكن لو بصينا على كل العربيات هنلاقى فيها خبطات ونقرات ورأيى المتواضع أن كل العربيات تحت 100000جنية صاجها كله نوعية واحدة تقريبا

رد: صاج اللوجان
 

و الله كلام سليم جدا
أنا معاهم فى الرأى ده
كل الى تحت ال 100,0000 صاج واحد

رد: صاج اللوجان
 

شوف خدها مني معلومة الاتجاه العام من فترة هو المحافظة على الانسان الذي يسير بالشارع أكثر من المحافظة على السيارة اللي ممكن تخبطه مش مهم الصاج المهم الانسان اللي هيتخبط وده الاتجاه اللي كل الشركات ماشية عليه بالاضافة طبعا لصغر حجم السيارة من الخارج يعني هناك اتجاهان في اي سيارة هو ضعف الصاج من أجل المحافظة على من يسير بالشارع ومعرض للخبط وثانيا صغر حجم السيارة من أجل التخفيف من الازدحام المروري وده اتجاه في كل العاااااااااااالم لكن مش حكاية اقل من 100 الف جنيه لا أبدا انا في الامارات وركبت واشتريت وتملكت وشفت سيارات غالية جدا ومع أقل خبطة لازم السيارة تتأثر ياريت ماتشغلش بالك بالموضوع ده لأنك مش هتلاقي اللي انت عايزة غير في موديلات السبعينات وبعض الثمانينات فقط واللوجان زيها زي اي سيارة تويوتا ولا هوندا ونيسان ومتسوبيشي كله كله واحد ربنا يوفقك في اختيارك

رد: صاج اللوجان
 

فعلا انا كل اللي بشوفهم مخبطين بس ده ممكن بيرجع ان معظم اللي بيشتري لوجان بيبقي جايبها عشان صاجها قوي فبيبقي مش بيعرف يسوق اوي فبيخبطها:fun_10_9_206[1]::fun_10_9_206[1]:

رد: صاج اللوجان
 

فعلا و عن تجربة الصاج بتاعها ورق ورق
و الحل تمشى بيها مخبطة (لأنها حتتخبط تانى و تالت)
أو تشوف عربية غيرها أحسنلك:12F099~16:

رد: صاج اللوجان
 

انا بجد نفسى اعرف النقر الى بيجى فى العربيات بتيجى منين الموضوع كان ومازال عندى يعنى حصل فى معظم العربيات الى كانت معايا واخرهم الجاك وجدت قره فى الباب الخلفى اليمين حاجة غريبة وتحير ياترى بيقى حد قاصد ,اصلى الفعل ده زى ميكون واحد مغلول وماسك مسمار او مفك او اى شىء ذو راس مدبب وعمال ينقر فى عربيات الخلق ,يعنى خلصنا من موضوع المسمار الى كان بيبقى عامل رسم سريالى على صاج العربية وبعدين سرقة العلامات ومازالت طبعاً بكل سفالة ودنائة ثم موضوع النقر والله الواحد نفسه يشوف الى بيرتكب هذه الأفعال علشان اسأله ليه بيعمل كده يعنى بيشعر بأيه لما يرتكب هذا الجرم وما هو الدافع ,يمكن الماركات او العلامات معروف دوافعها وهى بيع هذه العلامات لمحلات اكسسوار معندهمش ضمير ثم تجد هذه الهلامات على ميكروبصات او التكسيات .وربنا يرحمنا من عديم الضمير

رد: صاج اللوجان
 

معظم الجديد كده يا باشا .. وهي مش سمة في اللوجان بس