مصر موتورز مجتمع السيارات - ياريت كل واحد يملك سياره نيسان صني يدخل يقول تجربته للعربيه

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

رد: ياريت كل واحد يملك سياره نيسان صني يدخل يقول تجربته للعربيه

انا الحمد لله جبت صني 2011 اكس صالون والعربيه فعلا جميله وعلي قد فلوسها وربنا يحفظها ليا ولكل الناس وشكرا جدا ع المشاركه

رد: ياريت كل واحد يملك سياره نيسان صني يدخل يقول تجربته للعربيه

اقتباس:

المشاركة الأصلية كتبت بواسطة jojojojojo (المشاركة 548345)

العربية مش على قد فلوسها بس دي قيمتا أحسن من تمنها الي بتتباع بيه ودا رايي.
أنا معايا صني 2010 أوتو إي إكس بجد حل مثالي في الشريحة السعرية دي.

رد: ياريت كل واحد يملك سياره نيسان صني يدخل يقول تجربته للعربيه

اقتباس:

المشاركة الأصلية كتبت بواسطة ahmadkamal2 (المشاركة 546404)

انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني
ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم.

ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM.

العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل.

سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية.
العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية.
بصوا للسوق وشوفوا العربيات بالامكانت دى بكام اما البكانتو 2011 1300 cc
96000 جندى.
نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام.
غيروالزيت واستخدموا valvoline او lquimoly انا فرق معايا جدا لما غيرت موبيل1*
وجبت فالفولين واستهلاك البنزين فرق معايا جدا.
واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة
واى استفسار انا فى الخدمة.

عزيزى
كلام منطقى من حضرتك بس من دراستك للنيسان صنى :-
1- هل موديلات 2011 متوفر منها فى السوق حاليا و حتى نهاية السنه.
2- ما هو رأيك فى النيسان صنى 2011 مانيوال فول اوبشنز (بدون ABS طبعا علشان التكلفه )

رد: ياريت كل واحد يملك سياره نيسان صني يدخل يقول تجربته للعربيه

اولا السلام عليكم يا استاذ يسري بخصوص موديلات 2011 فهي انتهت والان اللي موجود موديلات 2012 وهي هي نفس العربيه موديل 2011 بس الاختلاف في الورق العربيه انه بينزل من المصنع مكتوب العربيه موديل 2012 ولو ناوي ان شاء الله علي الشراء فتوكل علي الله عشان العربيه غليت وكل يوم بتغلي اما عن رايي في العربيه هي عربيه محترمه ياريت اكون افدك

رد: ياريت كل واحد يملك سياره نيسان صني يدخل يقول تجربته للعربيه

اقتباس:

المشاركة الأصلية كتبت بواسطة ahmad elmowafy (المشاركة 519268)

علشان بس جهازي بيفصل كل شويه
انسي نيسان بجد نصيحه ابعد عن العربيه دي
وشويه وهكتبلك السبب

بصراحه تعليقك مستفز جدا يا سيد احمد وكمان قولت شويه وحكتب السبب ولا كتبت حاجه ولا محتاجه زى مبيقولوا فى المثل وزى مقال الدين من كان يؤمن بالله واليوم الاخر فليقل خيرا او ليصمت لكن مع الاسف انت علقت الناس وخلاص حتى مهنش عليك ضميرك انك ترجع وتكتب تانى اسباب النسيان اليى شددت عليها اوى دى للناس ومعتقدش ان جهازك يعنى فاصل نت حتى تاريخه عموما يا سيدى شكرا على النصيحه وانا عن نفسى اشتريت صنى 2012 والسياره ممتازه جدا وزى الفل خد دى بقه منيى :fun_36_3_12[1]:

رد: ياريت كل واحد يملك سياره نيسان صني يدخل يقول تجربته للعربيه

ملهاش حل معايا صنى 2005 ولا نص كلمه 7 سنين ولا شكوى واحده ....فكك من اللى بيقولك فيها عيوب انا ركبت تويوتا ولانسر والنترا الصنى احلى منهم كلهم متعه فى السواقه واعطال زيرو

رد: ياريت كل واحد يملك سياره نيسان صني يدخل يقول تجربته للعربيه

اخوانى مالك سيارات نيسان صنى انا عندى سياره نيسان صنى موديل 2011 عندى مشكله عمله ليا قلق كبير واعرض المشكله على حضرتكم المشكله فى الفتيس عند تغير من الار الى الدى او العكس اسمع صوت خبطه قويه ترج السياره وهى تقريبا خبط حديد ببعضه بطريقه غبيه وهدا العيب من يوم استلام السياره ودهبت ا لسبع وحجز السياره عشره ايام عندهم واخدت العربه كما هيا علما بان السياره عمل 11000 كيلو متر احدا عشر الف كيلو متر برجا من يصل الى حل يتصل بى على الرقم 01004316254ولكم منى الف شكر