مصر موتورز مجتمع السيارات - السرعة 115 كم/س -الطريق الصحراوى -الموقف خيانة -الأحساس "اشهد ان لا الله الا الله محمد رسول الله" و عندما يكون الحمار منقذ.

مصر موتورز مجتمع السيارات (https://www.masrmotors.com/vb/index.php)

- حوادث السيارات (https://www.masrmotors.com/vb/forumdisplay.php?f=201)

رد: السرعة 115 كم/س -الطريق الصحراوى -الموقف خيانة -الأحساس "اشهد ان لا الله الا الله محمد رسول الله" و عندما يكون الحمار منقذ.

ربنا يسترها معانا ومعاك , بس انا موتت من الضحك على الصورة اللى بتقول المندوب بقى شكله كده ههههههههههههههههههههههههه ههههههه

ياباشا الى الفة دى عارفها كويس لانى عامل عليها حادثة زمان لما كنت بدرس فى كينج ماريوط ودة كان طريقى كل يوم
االمنطقة دى كلها حوداث والف الف سلامة عليك يا باشا:01FDAB~189:

الف مليون سلامه عليك يا شريف باشا وربنا يسترها عليك ويكفيك شر طريقك انا مريت بنفس اللحظه ديه وكان ساعتها بتعلم السواقه وعلي طريق مطار القاهره وواحد ابن حلال قطع علينا الطريق بسرعه مشوفتش زيها والعربية اللي كانت قدامي لبست فيه صح وانا كنت في ظهرها وسبحان من خلاني خدت سنه شمال في يمين وفديتهم الاتنين علي الشعره وقعدت بتاع ساعه اعصابي سايبه واللي كان بيعلمني السواقه فصل شحن مني وقالي انا لو مكانك كنت لبست ومكنش عارف ازاي انا فديتها ولسه يدوبك كان تاني مره اركب العربية واسوق

فعلا طريقة حكايتك للموقف تفطس من الضحك

الدروس المستفادة

اختيار موسيقى تصويرية اسرع شوية ( مفيش وقت )
شكل المندوب ظريف جدا و تعبريات وشه تعبر عن الموقف بجدارة

حمدا لله على سلامتك يا باشا

الف سلامة عليك بس مكنش فى فرامل يد حتى او غيار عكسي تبطا بية سرعة العربية

اقتباس:

المشاركة الأصلية كتبت بواسطة mr_astra (المشاركة 518165)

الف سلامة عليك بس مكنش فى فرامل يد حتى او غيار عكسي تبطا بية سرعة العربية

الغيار العكس ده لاما بدأت افكر لكن لحظة الخيانة نسيت حتى اسمى!!

والله يا شريف انا اعصابى سابت وانا بقرا الحكاية ومشغل المزيكا :sd:

خصوصا انى لسه حاصلى موقف مشابة شوية من كام يوم عقابا ليك هحكيهولك انا كمان

انا كنت ماشى على طريق مصر اسماعيلية جاى من الشروق ونازل على القاهرة وعندى حاجة فى دراع النور تقريبا فاصلة الكشافات اللى قدام والدنيا ليل وعتمة ويادوب شايف حدود الطريق
اصول اولع نور الصالون عارف بس لان عواميد النور فى الطريق مطفية اصلا فلو ولعت نور الصالون مش هشوف حاجة خالص من الطريق بفضل ابقى مركز فى الطريق واعمل حساب الاخوة الحمير قدر المستطاع

بس يا سيدى وفجاءه الاقى عربية مرسيدس 7 راكب بتاعة المحافظات ديه بتلف وعلى اقل من مهلها يوترن وبعرض الشارع كله

طبعا هو مش شايفنى او شايفنى ومش مقدر سرعتى ومفيش حاجة اعملها علشان يشوفنى غير انى اضرب فرامل للاخر تخلى العربيه تسرخ يمكن تقف قبلية او يشوفنى فيلم نفسه بسرعة

او اضرب كلاكس يمكن يسمعنى ويلم نفسه بسرعة برضو

لكن انا عملت حاجة تالتة

اخدت يمين للاخر ودوست فرامل بشكل تدريجى بحيث يا اما اتفاداه قبل ما يقطع الطريق تماما
او لو خبطتة تبقى خبطة جمب فى جنب واحنا الاتنين بنتحرك بدل ما ارشق فيه بالنص او البس فى ديلة
او اطلع بره الطريق من اليمين وانزل من على الاسفلت وده على اى حال ارحم من انى اخبط فى الجزيرة الخرسانية اللى فى النص او العربيه تتقلب وتفضل فى نص الطريق

والحمد لله ربنا سترها وفلت من على يمينه

الشاهد ان فى بعض المواقف الفرملة مش دايما بتكون الحل
والانحراف يمين او شمال لتفادى الاصطدام ساعتها بيكون حل افضل وان كان محتاج حسن تقدير وتركيز وحسن تصرف بنسبة اكبر
وفى الاخر ربك هو الستار
الف سلامة عليك وتسلم ايدك على الموضوع الجميل ده :01FDAB~189: