مصر موتورز مجتمع السيارات - تجربتى الخاصة مع رينو لوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - تجربتى الخاصة مع رينو لوجان (https://www.masrmotors.com/vb/showthread.php?t=67996)

رد: تجربتى الخاصة مع رينو لوجان

اقتباس:

المشاركة الأصلية كتبت بواسطة aly zafer (المشاركة 515788)

ديه اخرت اللى بيشترى اللوجان ام موتور 8 صباب واحنا داخلين على موديلات 2012 (ربنا معاك):w6w200504112220146b

مش عارف ازاي يعني ..
او مش فاهم برضو ..
حضرتك كل واحد وقد الامكانيات المتاحه ليه
وبعدين دي حاله فرديه
ولعلم حضرتك الحاجه الوحيده الي عمر محد اشتكي منها في اللوجان الماتور وفيه ناس جابت بالماتور دا الـ 200 وموجوده فديوهات علي المنتدي وعلي اليوتيوب وعن تجربه لاني مش من هواه السرعه جبت بيه 140/160 وخوفت بصراحه عشان مش بحب الجري
.. فليقل خيرا او ليصمت ..
بدل منواسي الاستاذ الي حصلت معاه المشكله بنكد عليه

رد: تجربتى الخاصة مع رينو لوجان

معلش يا باشا و العربيات كلها حظوظ زي البطيخه ممكن تكون حمرا و ممكن تكون قرعه و العيوب دي مش هي اللي بتعيب العربيه اللوجان عربيه جميله جدا بس فيه احسن منها برضوا انما هي تقضي الغرض و ده الاهم . و شكرا علي موضوعك

رد: تجربتى الخاصة مع رينو لوجان

اقتباس:

المشاركة الأصلية كتبت بواسطة aly zafer (المشاركة 515788)

ديه اخرت اللى بيشترى اللوجان ام موتور 8 صباب واحنا داخلين على موديلات 2012 (ربنا معاك):w6w200504112220146b

لو اتفقت الأراء لبارت السلع و اختلاف الرأى لا يفسد للود قضية بس اسمحلى اقولك ان مشاركة حضرتك ضايقتنى جدا مع اخترامى الكامل لحضرتك و لشخصية حضرتك و مضيقتنيش بالذات علشان معايا لوجان لا والله انا عمرى مبحب اخسر الناس علشان حتة خديد و ماشية على شوية هوراء بس دة مش مقياس تحكم بيه على العربية و عاوز اقولك ان موتور 8 صباب مناسب جدا لحجم العربية و مخليها اقتصادية جدا فى البنزين و بعدين ممكن تكون مش عاجبة حضرتك علشان معاك حاجة عالية مثلا لكن طبعا كل واحد و على قد فلوسه و احنا بنحب العربية جدا و الحمد لله و ربنا يزيدها نعمة و يحفظها من الزوال و انا مش منتظر اكتر من كدة على عربية ب 70 الف هى مقضية الغرض و زيادة والله .
و مش عاوزك تزعل او تدايق منى لأ انا عاوزك تاخد الكلام بصدر رحب و تعتبرنى زى اخوك و معلش كلنا بنغلط و تقبل تحياتى .

رد: تجربتى الخاصة مع رينو لوجان

هي 8 صباب دي شتومة ولا مؤاخذة ؟؟ :ROFL_C~118:
و ايه علاقة ال 8 صباب ب 2012 ؟
هو في قرار من جهة عليا بمنع ال 8 صباب من اول 2012 و لا ايه ؟
حد يفهمنا يا رجالة
و تقبلوا سلامي :CHUBBY~36:

رد: تجربتى الخاصة مع رينو لوجان

اقتباس:

المشاركة الأصلية كتبت بواسطة dr.wael7yran (المشاركة 516431)

هو يقصد حضرتو ان الـ 8 صباب تكنولوجيا قديمه واحنا في 2012 يعني يبقي 16 صباب مثلا
وفعلا العربيه فيه منها الـ 16 صباب يولد 105 حصان وجير اتوماتك فقط ولكن في الخليج

رد: تجربتى الخاصة مع رينو لوجان

اقتباس:

المشاركة الأصلية كتبت بواسطة mohamed selem (المشاركة 516434)

ما انا عارف يا باشا و الله بس موش فاهم فين المشكلة ..
8 صباب و لا 16 احنا داخلين فورميلا يا عمنا ..
و على فكرة في عربيات كتير 2012 8 صباب يعني
و معظم العربيات ال 12 ماسورة بنزين و انا حاسس انه البنزين هيحصل فيه نقلة نوعية قريبا ..ده الحكومة بتشحت يا جدعان :129E17~143:

رد: تجربتى الخاصة مع رينو لوجان

حضرتك المفروض تشتكى فى رينو الام فى فرنسا
لان ده مش ذنبك ده عيب فى تصميم العربيه مع ان المشكله نادره جدا
وبعدين المفروض انت فى الضمان
الكشف على مشكله فى العربيه مجانى ولو مش حتصلح فى
التوكيل اعتقد ممكن تصلحا بره بعشر المبلغ ده ده التكييف كله على بعضه
ميسويش المبلغ ده