رد: مشكله رخمه فى الفيرنا
 

بص ياباشا احتمال كبير جدا يكون العيب عندك فى سلك البوجيهات علية مياة لازم المياه دى تتنظف بالهواء الاول .
ومره حصل الموضوع ده قدامى والكهربائى حط شحم على سلك البوجية وبعدين ركبة تانى .

رد: مشكله رخمه فى الفيرنا
 

أنا بأتفق مع الأخوه الأعضاء في ردودهم ، وأحب أضيف إن ممكن يكون العيب في وصول المية لوحدة الكنترول في حوض الماتور وهيه بتختلف من عربية للتانية ، وممكن ده إللي بيخلي العربية صوتها يعلي ويوطي ومابتسحبش ، فيفضل تروح التوكيل وفي الغالب هيه شوية ميه متحوشين في وحدة الكنترول وتتنشف وترجع تاني كويسة بإذن الله .

رد: مشكله رخمه فى الفيرنا
 

هو كده تقريبا فى اجماع منكم على البوجيهات وسلك البوجيهات انا ححاول انشفهم او حتى اغيرهم وبعد كده اشوف النتيجه وحقولوكم على الى حصل شكرا جدا لاهتمامكم

رد: مشكله رخمه فى الفيرنا
 

بسيطة ان شاء الله اعمل الحاجات دى ولو متظبطتش معاك هوصفلك ميكانيكى كويس احسن من التوكيل هيظبطهالك تمام
وبلاش تغسل الموتور بالمياه تانىابقى نفضه بالهواء احسن

رد: مشكله رخمه فى الفيرنا
 

تمام انا حعمل كده وحشوف لو متحلتش المشكله حقولك وياريت بردو تقولى على الميكانيكى ده عشان انا عندى مشاكل كتير وعايز حد كويس وشكرا لاهتمامك

رد: مشكله رخمه فى الفيرنا
 

يا باشا مش تنشف البوجيهات وتغيرهم أقرأ تانى كلام الأستاذ سيد أحمد والأستاذ أحمد على 1999 ونفذة بالضبط وخصوصا موضوع الهوا فى فتحات البوجيهات وتجويفات أسلاك البوجيهات وأستخدام wd40 وكل إلى قالولك عليه الناس دى قالولك على الفايدة ومكنشى المفروض رحت لبتاع الشكمانات دا راجل معندوش ضمير إلى وصفته دا اسمه ان العربيه متلته يعنى فيه بوجيه بايظ او دخل له ميه

رد: مشكله رخمه فى الفيرنا
 

هو فعلا بتاع الشكمنات اشتغلنى والحمد لله على كل شئ انا فعلا عملت زى ماقالولى والعربيه الحمد لله اتظبطت شكرا ليكم ولو عندى اى مشكله حقولكم عليها واستفيد منكم