مصر موتورز مجتمع السيارات - يا أهل الخبرة .. افتونى فى الماروتى المستعمل جزاكم الله خيرا

صفحة 2 من 4

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - يا أهل الخبرة .. افتونى فى الماروتى المستعمل جزاكم الله خيرا (https://www.masrmotors.com/vb/showthread.php?t=67695)

nawwara

14-09-2011 02:47 AM

رد: يا أهل الخبرة .. افتونى فى الماروتى المستعمل جزاكم الله خيرا

اقتباس:

المشاركة الأصلية كتبت بواسطة فاطومه المصريه (المشاركة 512234)

الاول منوره المنتدى
ثانيا فعلا كتير اوى الكيلوات اللى هى عاملاها
وحضرتك متاكده من كلمه انها متغيرلها الشاسيه دى ؟
ثالثا احسن حاجه لو هتيجى مستعمل ميكونش عدى عليه 5 سنين استخدام نضيف ومش مهلوكه
هل انتى حدودك ال 20000 ولا تقدرى تزودى ؟؟؟ ولا تحبى تدفعيهم كمقدمه لجديد وتقسطى الباقى ؟

عرفت عنها معلومات اكثر دقة
متغير فيها الاكصدام والشكمان والبطارية , بس البطارية جديدة وبالضمان , بالاضافة الى الكاوتشات كلها متجددة
على الحال ده تمنها كام ؟
الشاسيه زى ما هو ماتغيرش , بالنسبة للاستعمال كان لمدة سنتين او 3 سنين بالكتير وبقية السنين كانت مركونة وصاحبتها بتشغلها فى مكانها عشان الماتور مايبظش بس
العشرين الف هما اللى حيلتى اكتر من كده هاستلف ومش كتير بردو , وانا باكره الدين , وطبعا الاقساط لا اقدر عليها

nawwara

14-09-2011 02:52 AM

رد: يا أهل الخبرة .. افتونى فى الماروتى المستعمل جزاكم الله خيرا

اه على فكرة انا اتفقت مع صاحبة العربية انى اوديها للميكانيكى يكشف عليها وكمان ارفعها فى البنزينة ويدونى فيها تقرير
ايه رأيكم افيدونى
وياريت لو حد يعرف أنواع عربيات تانية بنفس السعر وماتطلعش عينى فى تصليحها

maro007

14-09-2011 04:24 PM

رد: يا أهل الخبرة .. افتونى فى الماروتى المستعمل جزاكم الله خيرا

اقتباس:

المشاركة الأصلية كتبت بواسطة nawwara (المشاركة 512378)

جزاك الله خيرا , ياريت لو تحاول تفتكرلى اى نوع تانى اكون شاكرة

ممكن أدى ليكى مواقع : www.sogarab.com
www.ewbas.com
www.masrawy.com
www.bezaat.com
و هى دى المواقع الأنا فاكرها و ممكن تدخلى و تشوفى فيهم كل الأنواع بأسعار تبدأ من 7 ألاف لفوق

nawwara

15-09-2011 12:32 AM

رد: يا أهل الخبرة .. افتونى فى الماروتى المستعمل جزاكم الله خيرا

اقتباس:

المشاركة الأصلية كتبت بواسطة maro007 (المشاركة 512697)

جزاك الله الف خير

حسام البورسعيدى

15-09-2011 04:07 AM

رد: يا أهل الخبرة .. افتونى فى الماروتى المستعمل جزاكم الله خيرا

الماروتى مناسبة لحضرتك .. لكن اعتقد ان العربية هى اللى مش مناسبة ..

انا شايف انها غالية شويه علشان ماشية كتير ...

بس الفيصل هو الحالة العامة .. وفى حاجات لازم نعرفها علشان نحكم بدقه ..

- حالة الدهان وهل العربية فبريكة من بره ولا لأ ؟؟

- حاله الصاج .. هل فيها اى خبطات محتاجة تصليح ؟؟

- حالة الموتور .. حاولى حضرتك تلاحظى عادم العربية لو ليه لون ابيض مزرق يبقى موتور العربية محتاج عمره .. وده بنختبره والعربية دايسة بنزين جامد ...

- لو العربية فيها اى كماليات ممكن تفرق بسيط فى سعر البيع (انذار - كاسيت - زجاج كهربا ...) ..

استخيرى ربنا .. واكشفى على العربية كويس عند سمكرى وميكانيكى .. وربنا يوفقك والعربية تكون كويسة وتريحك ...

وابقى بلغينا لما تشترى باذن الله علشان نبارك لحضرتك ...

واى استفسار تحت امرك دائما ...

بالتوفيق ......

sam ram

15-09-2011 09:00 AM

رد: يا أهل الخبرة .. افتونى فى الماروتى المستعمل جزاكم الله خيرا

معلش ممكن حضرتك توضحي يعني ايه متغير لها ... شاسيه ؟؟!!

عموما هي الماروتي مناسبه جدا للمشاوير القصيره وعربيه عمليه و اقتصاديه جدا و مصاريف تشغيلها اقل ما يمكن
لكنها برضو صغيره و موتورها 3 سلندر 800 سي سي
فبالتالي لو بتجيبي منها مستعمل يبقى لازم تكون بحالتها
واعتقد ان بالمبلغ ده ممكن تجيبي موديل اعلا بحاله افضل بغض النظر عن موضوع تغيير الشاسيه اللي مش فاهمه ده :dzy:

أبو صالح

15-09-2011 10:59 AM

رد: يا أهل الخبرة .. افتونى فى الماروتى المستعمل جزاكم الله خيرا

مع إحترامي لكل من سبقوني بالرد
أنا شايف إن 75000 كيلو مش كتير خالص
أنا كان معايا ماروتي 2009 كنت راكبها زيرو وبعتها من شهر كانت عامل بيها 84000 كيلو ( في سنتين و 8 شهور باليوم )
عادي جدا بالعكس انا شايف إن العربيه المعروضه دي لو قراءة العداد دي حقيقيه ( يعني مش ملعوب فيه أو يكون قالب )
عربيه كويسه
والفيصل هنا من وجهة نظري حالة العربيه
يعني لو العربيه دي فبريكه جو وبرا و الموتور بتاعها كبسه كويس ومش بينفخ
تبقي عربيه لقطه

الساعة الآن 02:19 AM.

صفحة 2 من 4

عرض 7 مشاركات من هذا الموضوع لكل صفحة