رد: تركيب جهاز انذار في التوكيل لشيفروليه لانوس
 

يا جماعة انا سألت فى واحد من مراكز الصيانة المعتمدة الموجودة فى كتيب الضمان بتاع العربية وقاللولى مفيش مانع نركب لك الإنذار بس هاتو معاك علشان معندناش ووحدات رفع لو حبيت كمان .... بس هل مركز الصيانة ده يحل محل التوكيل لو حصل حاجة لا قدر الله فى العربية نتيجة تركيب الانذار ؟؟؟ ... هو المهندس فى المركز قاللى مدام راكب عندنا يبقى مفيش مشكلة والضمان سارى وعلى فكرة مصاريف التركيب 150 جنية بس دا لسه قابل للفصال على ما اعتقد

رد: تركيب جهاز انذار في التوكيل لشيفروليه لانوس
 

الكمونى مركز خدمة معتمد فى المنصورة بيركبة ب 270 جنية بس المشكلة ان هل منصور فى حالة حدوث مشكلة لا قدر الله هايعمل ايه؟
انا شخصيا مستنى اكمل 10الاف كم وبعد كده هاركبه بره وربنا يستر علينا جميعا
وعلى فكرة تكلفة التركيب بره 50 جنيه
بس بصراحة لو فى المركز بيدو ضمان على تركيبه يبقى تمام

رد: تركيب جهاز انذار في التوكيل لشيفروليه لانوس
 

فعلاُ هو تركيبه بره عند اى كهربائى بيفهم بيبتدى من 30 جنيه وأخره قوى 50 جنيه والكهربائى بيبقى متجرب مليون مرة على مليون نوع عربية والناس بتشكر فيه وزى الفل .... بس المشكلة مركز الخدمة مش هيدى ضمان هو كل الحكاية هيدى على ما اعتقد فاتورة معتمدة من المركز بمصاريف التركيب وتاريخة ونوع الانذار وكلامهم ليا ان المنصور لو حصلت حاجة مش هيقدروا يعترضوا علشان المركز معتمد عندهم ... بصراحة كلام غير مريح وتكلفة زيادة جدا عن السوق وياريت المصنعية مضمونة 100% لأنى ما أعتقدش الفنيين هيبقوا يعنى محترفين للدرجة دى
عموما بما انه مفيش مفر من تركيب الانذار فى هذه الفترة وحرام طبعا يتركب بره ونديهم تلكيكه يطلعوا بيها العربيه من الضمان ولا حتى الكهربا ... فمفيش مفر الا ان الواحد يركب عندهم ونسأل الله الستر والسلامة أولاً وأخيرا وحسبنا الله ونعم الوكيل فى الظالم والمفترى ............. وبس

رد: تركيب جهاز انذار في التوكيل لشيفروليه لانوس
 

مش عارف انا متردد زيك بس بصراحة انا اتكلمت مع المهندس فى مركز خدمة منصور ورفض بشدة وبالتالى لو هيفضل يضمن التركيب فى مركز معتمد مكنش رفض قوى كده
هو انت عامل كام كيلو بعربيتك

رد: تركيب جهاز انذار في التوكيل لشيفروليه لانوس
 

العربية عاملة يدوب 3500 كيلو يعنى لسه اساسا معملتش صيانة ال 5000 كيلو وده اللى مخلينى حاسس ان الضمان خسسسسسسسسسسارة كبيرة انى اطلع براه الحقيقة ....... وبرضة كلام الزملا عن ممانعة التوكيل وبعض مراكز الخدمة المعتمدة مخلينى مقلق الصراحة من تركيب الانذار

رد: تركيب جهاز انذار في التوكيل لشيفروليه لانوس
 

انا لما اتصلت بخدمه العملا لشيفروليه قالولى مش بنركب انذار

رحت لتوكيل سندوب وقلتله قالى اه بنركبه بس هاتيه معاكى

وفعلا جبت انذار ووحدتين رفع وركبتهم فى التوكيل ب 300 جنيه مع ان بره قالى هركبهولك فى ربع ساعه و ب 70 بس قلت التوكيل اضمن وكمان العربيه كنت لسه ممشيتش بيها حاجه وكان وقت الثوره

رد: تركيب جهاز انذار في التوكيل لشيفروليه لانوس
 

طيب اذا كانو فى خدمة العملا نفسها بيقولوا مش بنركب هل التركيب داخل مراكزهم المعتمدة ملزم ليهم فى حالة الاعطال لا قدر الله ؟؟؟ ... ولا دا نوع من بيع الهوا من المراكز المعتمدة ((نفس السلعة بسعر اغلى وساعة الجد يقلك ما أعرفكش أصطفى انت والتوكيل؟؟))