|
رد: لانسر 1300 مستعمله ولا اسبرانزا M11 جديد
بصراحه من إللى بشوفه من شراء المستعمل منصحكش تشترى مستعمل حتى لو كانت مرسيدس .
المستعمل مش مضمون ممكن يطلعلك فيها عيب تكره كل العربيات وتصرف كتير . نصيحه إشترى زيرو والM11 عربيه كويسه مش وحشه وكفايه إنك راكب زيرو ومعاك ضمان . |
رد: لانسر 1300 مستعمله ولا اسبرانزا M11 جديد
السلام عليكم
كل عربية في الدنيا ليها ميزة وعيب الانسر اعتمادية سرعة تداول وسهولة صيانة وقطع غيار وممكن تصرفي عليها وتغلبك شوية لو كانت حالتها تعبانة وعموما كرأي شخصي الاوتوماتك تعتبر نقطة ضعف مش نقطة قوة لان الفتيس الاوتوماتيك لو فيه مشكلة مابيتصلحش بيتغير وبيبقى تمنه غالي وعموما اي عربية مستعملة لازم تكشفي سمكرة وميكانيكاعليها وتكون من واحد ثقة ولسة تسجيل في شهر عقاري وتجديد رخصة نيجي لل M 11 من رايي انها من اشيك العربيات الصيني اللي نزلت مصر بتفكرني بالهيونداي الانترا من ناحية الشكل ولو هاتجبيها جديدة يبقى المفروض تنسي الميكانيكية لمدة سنتين تلاتة لو سواقتك حلوة و يعيبها الاعتمادية اقل والصيانة افضل في التوكيل وعدم سهولة التداول دا رأييي الشخصي قد اكون مخطئ او اكون مصيب دا اللي انا شايفه عموما اعملي صلاة استخارة وانتظري راي بقية الاعضاء |
رد: لانسر 1300 مستعمله ولا اسبرانزا M11 جديد
انا راى الاسبيرانزا
لان الزيرو مضمون و المستعمل معظمه مضروب و مش مضمون الاسبيرانزا تكسب و فيها كل الاوبشنز :waving::waving::waving:: waving::waving: |
رد: لانسر 1300 مستعمله ولا اسبرانزا M11 جديد
اللانسر طبعاً ، و الله أنا مشفق على حضرتك من الحيرة دى ، بس على العموم لو التكييف أهم من السيارة كانت الناس كلها جابت فيرنا أهو تكييف تلاجة زى ما بيقولوا ، لكن فى حاجات أهم فى العربية من التكييف ، و الحاجات دى هتلاقيها أفضل فى اليابانى بصفة عامة ، يليه الكورى و فى القاع بقى الصينى ، حضرتك لازم تختارى عربية عفشتها بتستحمل الطرق الجميلة فى مصر ، ويكون سعر اعادة بيعها مضمون مش تخسرى كتير ، و تكون سيارة اعتمادية ، حضرتك لو ركبتى الاسبيرانزا التاكسى اللى هى 516 وكان السواق مشغل التكييف هتحسى ان الموتور متبهدل بمعنى الكلمة مع التكييف ، ، حضرتك سؤالك أصلاً فى صالح اللانسر لأنك بتقارنى بين سيارتين واحد مستعملة وواحدة زيرو و الاتنين فى فى فئة سعرية واحدة ، أكيد دا هيكون فى صالح المستعمل
|
رد: لانسر 1300 مستعمله ولا اسبرانزا M11 جديد
لانسر والقرار يرجع ليك
|
رد: لانسر 1300 مستعمله ولا اسبرانزا M11 جديد
الانسر عربيه محترمه بس واخده اكتر من حقها كتير من رأي بعض الاعضاء متنسووش انها 1300 يعني موتور مش قوي مقارنه بموتور الاسبرانز نظام الفرامل عادي في الانسر لكن abs في الاسبرانزا مع وجود ديسكات خلفيه في الاسبرانزا عكس الانسر تستخدم طنابير! الديسكات افضل طبعا الاسبرانزا عربيه محترمه وتوكيلها ممتاز وقطع غيارها متوفره وبتعتمد علي تكنولوجيا سهله جدا يعني اي حد يعرف يشتغل فيها يعني مش ليها تكنولوجيا خاصه بيها تكيفها ممتاز ثبات واتزان جيد جدا بالنسبه لفئتها السعريه صالون مريح كراسي وتابلوه وابواب جووده عاليه جدا افضل من الانسر الياباني مع ان الاسبرانزا صيني بس جوده اعلي
الاسبرانزا افضل من حيث جميع الاحصائيات وكفايه لانسر بقي زهقنا منها وبعدين الانسر ياباني الاسم فقط ;) |
رد: لانسر 1300 مستعمله ولا اسبرانزا M11 جديد
مصر كلها تقول الانسر حلوه وميه ميه ومفيهاش عيوب وتلاقيهم كلهم بيروحو للميكانيكي وعيوبها مغلباااهم ويجي يقولو الانسر حلوه حاجه غريبه اصلا الي بيشتري لانسر 90% بيشترووها علشان اسمها لانسر لكن انتو لو قارنتو سعر العربيه بأمكانياتها وجودتها هتلاقي انها ارخص بكتير من سعرها بس هيا غاليه علشان متسووبيشي
|
| الساعة الآن 02:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017