المشاركة الأصلية كتبت بواسطة abb (المشاركة 508085)

انتا متاكد ان التوكيل هيعمله ب20000 الف بس
اصل طلب فى الكارينز دى 71000+10% ضريبه مبيعاتواتعملت فى مركز صيانه بره ب17000 الف بس

المشاركة الأصلية كتبت بواسطة مبارك القناوى (المشاركة 508082)

حمد الله على سلامتك وقدر الله وما شاء فعل

المشاركة الأصلية كتبت بواسطة drasd (المشاركة 508053)

المشاركة الأصلية كتبت بواسطة absat (المشاركة 508013)

عملت حادثة يوم الوقفة الساعة 1ونص ظهرا وكان سببها اني كنت ماشي في طريقي عادي والطريق مزدوج وفجاة لقيت واحد بموتوسيكل بيعمل يوتيرن من فتحة من الناحية الشمال المهم اديته كلاكسات برضه طلع رحت حدفت يمين علشان افاديه لقيته بعد مالف ومسك شماله اول ما قربت منه راح داخل عليا يمين برضة وقفل الزاوية بيني وبينه فاضطريت احدف يمين اكتر وفديته بالعافية وفجاة لقيت اللعربية موجت ولبست في الاخر في جرار زراعي وبستر ربنا ثم فتح الايرباج جت سليمة وشوية خرابيش بسيطة اما بالنسبة للعربية فاتدمرت من قدام اكصدام وفوانيس وصدر وكمرة اكصدام وكمرة(قنطرة)موتور ورادياتير وسربنتينة تكييف وكبود ورفرف شمال امامي ومقص غيران الايرباج فتح والحزامات كلبشت ولمبة نور التابلوة اتخلعت من مكانها المهم ان اسعار الحاجات دي في التوكيل من غير الايرباج حوالي 20000عشرين الف جنيه غير المصنعية وبره حوالي15الف سؤالي بقي هل لو حبيت اصلح الايرباج وارجعه فعال زي ما كان ده يستلزم التوكيل ولا فيه حد بره بيعمله كويس وهل يلزم تغيير التابلوه بالكامل واذا اتخذت خطوة تغيير التابلوه هل ينفع اغيره بواحد خليجي اللي فيه التكييف والكاسيت تاتش ولا ميركبش عليه