رد: تشميع السيارة خطوه خطوة
 

تمام جدا جدا
بس سؤال يا صديقى فى ناس بتقولى استخدم البولش عشان الخدوش اللى فى العربيه
وانت دلوقتى بتقول بلاش نستخدم البولش
اعمل ايه بقى؟؟؟
دبرنى يا وزير

رد: تشميع السيارة خطوه خطوة
 

البولش: مادة بتاكل من البوية علشان تاخد من العالي و تحط في الواطي (تغطي الخدوش)
الشمع: مادة بتغطي الدوكة زي الجل أو المونوكير الشفاف عند الستات بمعني طبقه اضافيه عديمة اللون و لا تعالج الخدوش

بص يا باشا عندك خدوش بسيطها، ظبطها بالبوليش و بعدين غسلة محترمة و بعدين تغطي العربيه كلها بالشمع

رد: تشميع السيارة خطوه خطوة
 

يا صديقى انا عندى لوحه سرياليه على العربيه
حته كده فى الجنب تحس انها واخده كده زى شكل التنين الصينى اللى بيترسم عندهم خط جاى بجنب العربيه وماشى وملولو(ايه ملولو دى)
المهم ان عربيتى فابركيه فعشان كده ظاهر المعجون الابيض تحت وهى سوده فشكلها رخم
عشان كده انا بدور على حل بدل ما ارشها لانه بصراحه صعبان عليا الدوكو
(حته تانيه)
فى واحد صاحبى معاه نوبيرا وفيه حته فى الرفرف عنده لونها مغير عن بقيه لون العربيه كانت مخبوطه واتعملت بس لون الدوكو تحس انه مطفى كده ومش حلو ممكن يتعمل معاه ايه؟؟؟

رد: تشميع السيارة خطوه خطوة
 

بالنسبة لسعادتك
تدور علي قلم دوكو (تلاقيه في محلات اكسسوارات السيارات) بنفس رقم دوكو السيارة الأصلي

أما بالنسبة لصديقك
حل مؤقت: تلميع الرفرف كله بالبوليش
حل نهائي يرش الرفرف كله (مع احتمال ظهور فرق في اللون مع الوقت لتأثير الشمس)

رد: تشميع السيارة خطوه خطوة
 

طيب يا باشا فيه سؤالين
اولا:انا معرفش رقم الدوكو كام اعمل ايه؟
ثانيا:صاحبى مش عايز يرش لو استخدم بوليش يستخدم اللى بلون العربيه؟؟ ولو استخدمه هيخلى الدوكو فايق كده لانها حته بس من الرفرف اللى لونها مطفى كده؟
وشكرا يا باشا مقدما انا عارف انى تاعبك معايا

رد: تشميع السيارة خطوه خطوة
 

أولا:
البوليش ليس له لون

رقم اللون في عربيتك حيبقي مشكلة لانه فعلا بيفرق، لو عندك الكتالوج ممكن تلاقي فيه رقم اللون
بعض مصنعي السيارات بيحطوا تكت علي العربية فيه درجة اللون
غير كده حاتعتمد علي خبر الصنايعي (كالمستجير من الرمضاء بالنار)

رد: تشميع السيارة خطوه خطوة
 

معلش يا بوب انا لسه شايف سؤالك

بالنسبة لعربيتك زى ماقال اسلام قلم البوية بس لو تعبت فى اختيار اللون ممكن تجرب اقرب لون وبعد كده تسحقها بالكمبوند وبعدين تشمعها

بالنسبة لعربية صاحبك فبرده تجرب معاها الاول الكمبوند تسحق الرفرف تمام وبعدين تديها طبقة الشمع هتلمع معاك اكتر من الجديدة

او لو البوية اجربت خالص يبقى تاخد وش تلميع (رش) كلها