|
رد: كارثة بكل المقاييس....!
اولا كل سنة و انت طيب
ثانيا انا اشك انه اتعمل عليك شغل فى موضوع سير الكاتينة المقطوع ثالثا مشكلتك تقريبا حلها كان من الاول تروح تشترى بوبينة و ابلاتين و كوندنسر و تركبهم و تخلى الميكانيكى يعلى لك الكهرباء بتاعة الاسبراتير شوية و لو تقدر تركب البوبينة الالكترونى يكون احسن و الافضل تغير مكانها من قدام المروحة الى الجهه اليسرى خلف الكربراتير |
رد: كارثة بكل المقاييس....!
اقتباس:
اولا احب اسجل شكري لكل الاساتذة اللي شرفوني بالرد ع الموضوع .. ثانيا...انا عربيتي 2005 وعاملة 32 الف ك .... خد المفاجاة ....(((لما استلمتها كانت 27 الف بس ...وانا طحنت الخمسة الباقيين)...والسبب انها كانت مرفوعة ..او مش شغالة لان صاحبتها مكنتش مهتمة بحوار العربيات ده اصلا... بالنسبة لحوار السير ...انا اصلا مكنتش عارف مكانه فين ...!!!!!!!كنت فاكره اللي بره ده ...الراجل ضحك وقال لا يا بيه ده جوة الموتور ... وبعد اما فكه لقيت انه عبارة عن تروس ...!ولقيت ان فيه حوال 6 تروس متاكلين تماما ...! بالنسبة لحوار الاربعين وكدة ..انا الحقيقة معنديش فكرة عنه خالص ... هذا والله اعلم.... |
رد: كارثة بكل المقاييس....!
اقتباس:
السير يا استاذ ايمن كان فيه تروس متاكلة...حوالي 6....! بس معرفش ليه حاسس ان الموبينة هي السبب ف كل البلاوي دي ...لان بحس انها سخنة بشكل ملحوظ....!! وهل ينفع انها تتغير ؟؟وبكام ؟؟ومنين ؟؟ وهل ده ياثر ع الموتور ..؟وبالنسبة للموبينة الالكتروني : هل ينفع تركب عندي ؟؟ اقصد يعني عن تجربة حضرتك .؟ولا معرفة عامة؟؟ بالنسبة لنقل مكان الموبينة الحالي: انا معرفش اذا كان ينفع اولا...بس كلامك صح علي فكرة لانها بصراحة ف قدام المروحة وش..!! حاجة اخيرة بجملة الطلبات بقي....دلوقتي بالاحظ ان الحرارة بدات تزيد عن نص العداد بشكل واضح...!! مع ان الجو دلوقتي مش حر اوي زي اول الصيف مثلا...! ومع العلم ان من حوال شهر واحد من صحابي اصدر فتوي اني لازم اروح البنزينة واعمل غسيل الردياتير..رحت زي الشاطر والراجل عنده جهاز كدة ...وشال الخرطوم اللي داخل ف الردياتير وحط اللي جاي من الجهاز...وعلي فكرة المية كانت عادية والله مش فيها صدا كتير...!وقالي احسن حاجة تحط مية خضرا ...وبصراحة مكنش معايا اموال...قلت انا اخدتها كدة وهسيبها كدة ... قالي براحتك يا استاذ.... شكر اخير للاستاذ aymanay32....انت عارف بقي انا اخوك الصغير والاطفال احباب الله...:wave2W21: |
رد: كارثة بكل المقاييس....!
هيا ده ضريبه السيارات زي ما العربيه بتريحك كتير لازم تتعبك يوم لازم تدفع ضريبة الراحه
|
رد: كارثة بكل المقاييس....!
بعد السلام عليكم .......
ارجوكم اي حد فيكم يعرف ميكانيكي شاطر (بيفهم ومتخصص ) في الماروتي ياريت يقولي... لان فيه حوار كدة بدأ يظهر عندي ..والبيه الميكانيكي اللي بتعامل معاه دخلني في حوارات كتيرررررررررر. واذا كان محدش يعرف حد .. ايه رايكم لو رحت التوكيل بتاع مودرن موتورز..؟ ارجو الرد للاهمية.. شكرا |
رد: كارثة بكل المقاييس....!
الاخ mahmoud8 العربيه الماروتي سهله جدً واي ميكانيكي يشتغل فيها لو حاسس ان الميكانيكي بتاعك مش فاهم غيره وشف اي ميكانيكي تاني لان العربيه مش طالبه متخصص
ممكن تحكي مشكلتك وهنا الاخوه الاعضاء يسعدوك اكيد لو روحت التوكيل هيكون افضل بكتير لكن التوكيل غالي جدا وممكن حظك يكون وحش وتقع في ايد فني لسه جديد وبيعتلم جوه التوكيل |
رد: كارثة بكل المقاييس....!
حلوة طريقة العرض قابل بأه لو واحد محبط خد عندك العنوان ((( الحقونىىىىىىىىىىىىىىىىىىى ))) العربية لسة جديدة انا اتنصب عليا انا المفروض التوكيل دول ولاد تيييييييت انا مش عارف هما سايبين حسنى مبارك ليه والعربية بتاعتى بايظة كدة يا عم اهدى بس ان شاء الله ليها حل لاه انا ززهقت انا حبيع مين يشترة العربية زيرو موديل 2005 ينهار انت زهقت منها وعايز تدبسنا . لكن انا بشكر طولة بالك وروحك الحلوة وطريقة عرضك الكوميدى وربنا يجازيك خيرا عن التنبية |
| الساعة الآن 12:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017