|
رد: كيف تكسبين رضاء ربك بكسب مودة زوجك
سيدتي العزيزه ، أحييك علي موضوعك الجميل والهام ، والذي نحن في أشد الإحتياج له الآن ، وفي وقت أصبحت الماده فيه هي السيد ، وأصبحت متغيرات العصر وإحتياجاته هي الأساس في الإختيار ، وأصبحت الزوجه بما تمتلكه من إستقلاليه مالية ذات كلمة تعمل علي تنفيذها حتي ولو تعارضت مع عدم رغبه الزوج بما يمتلكه ويعرضه لأسباب مقنعة ومنطقية ، فيا حبذا لو قمت بإدراج بعض النصائح والتي تهم كل سيدة متزوجة وأم لها أطفال في كيفية الحفاظ علي حياتها الأسرية وزوجها ، في زمن أصبح كثير المغريات ، وتزايدت فيه نسبة العنوسة ، وأصبح الزواج الثاني سهلا وليس صعباً ، ورضيت به البنت أوالسيده بعد أن كان مستهجنا ومرفوضا ، خوفا من شبح العنوسة والوحده ، والذي قد يكون لامفر منه أما عناد وتصلب رأي الزوجه التي لاتدري أنها تفقد نعمة قد يكون قد أنعم الله بها عليها ، ولكنها تحت وسوسة الشيطان والحديث مع النساء الأخريات يتواري عقلها ، وتبدأ بالإندفاع وراء قرارات قد تهدم إستقرار أسرة يحسدها عليها الكثيرين .
فشكرا لكي لهذا الموضوع الهام ، وجزاك الله كل خير. |
رد: كيف تكسبين رضاء ربك بكسب مودة زوجك
السلام عليكم و رحمة الله و بركاته
أولا آسفة عل التاخير يا مرمر أصل بعد الصلاة الواد طأطأ العسول ابنى حضر بالسلامة من الدرس الخصوصى و عاوز يأكل حضرت له صينية الطعام و جيت لك عل طول اهو يا مرمر اللهم صلى على النبى ايييييييييييه آخر حاجة قلناها يا ربى على الزهايمر ده مع ان سبحان الله انا قرأت ان من يحفظ القرآن عل كبر السن لا يصيبه الزهايمر سبحان الله على حكمته آآآآآآآآآآآآه آخر حاجة قلنا بلاش مغاله فى الطلبات ( و على فكرة خدى بالك ان ينطبق على دستور حياتك كلها بعد ذلك يعنى بلش الهبل اللى بتسمعيه من الجهلة اللى يقولولك قصقصى ؤيش طيرك قبل ما..............على غيرك )كلام سوقى و مستهلك و مالكيش دعوة به لانه يا ناصحة لو عاوز يتجوز قصقصتك له لن تمنعه بس خليكى ذكية من الاول و لا تضطريه لذلك مش شطارة منك و تحليق عليه بل راعى ربنا فى سكناتك و تصرفاتك و ممكن بالذوق و اللباقة و حسن العشرة تآخذى عينيه الاربعة ايونننننننن يا مرمر الاربعة هاهاها بعدسات النظارة طبعا مرة زوجى الغالى يا مرمر قالى ( بهزار ) طبعا فيها ايه لما اتجوز تانى رديت عليه بمنتهى المكر و الدهاء ( شريرة انا يا مرمر هاهاهاها)و قلت له يا حبيبى انا عارفة انك طبعا عاوز تمشى عل السنة النبوية الشريفة و هذا شئ جميل بس سيب لى الموضوع ده و اطمئن عل الآخر انا هدور لك عل حاجة حلوة و صغيرة و اجمل منى و اعلى منى تعليم يعنى مش بكالوريوس هندسة و كام دبلومة دراسات عليا عبيطة كدة لأ عاوزة لك حاجة مشرفة لانك تستاهل كل خير بس لا تنكر عليه انى اختارها علشان اكون انا و هى متفقين و لا توجع دماغك بالمشاكل كل شوية صلاة العشاء يا مرمر و اطفئ البوتاجاز و ارجع لك حالا:funny25: |
رد: كيف تكسبين رضاء ربك بكسب مودة زوجك
اقتباس:
السلام عليكم ورحمة الله وبركاته اشكرك جدا يا دكتور وجزاك الله خير الجزاء و الله ربنا يعلم انا صادقة النصيحة والقول فى هذا الموضوع و اقصد به ارضاء الله سبحانه و تعالى و محاولة اصلاح البيوت بعد تجارب واقية و حياة زوجية طويلة و الحمد لله اكن فيها كل الاحترام و الحب لزوجى و أولادى و بيتى و دول اهم من نفسى فى الحياه والله يشد عل صدق كلامى و يحاسبنى و يا ريت زوجة حضرتك تكون صديقة لنا و تتواصل معى و لو فيه اى استشارة فى امور الحياه لها تسالنى على الخاص او العام كما يحلو لها و هذا يشرفنى وانا شخصيا بستشيركم فى امور كثيرة ( وما خاب من استشار ):0832F7~168: نكمل كلامنا بقه دلوقتى يا مرمر فكرينى آخر حاجة قبل ما ارد على عمو خالد كانت اييييييييييييييه ياربى آآآآآآآآآآآآه موضوع طلب الزواج من عمو ( والد عمرو - طارق ) و كانت آخر حاجة قلت له سوف اكثف البحث حاضر على العروسة التى تستحقق و طبعا ده بقاله حوالى 3 سنوات و لا زلت ابحث له حتى الآن هاهاهاهاهاهاهاها انا اقصد ايه بالقصة دى يا مرمر ( لو شاطرة و ذكية قولى ) طبعا عارفة انك هتردى و تقولى (قولىىىىىىىىىىىىىىىىىىىىى ىىىى انت بقهههههههههههههه ) هقولك يا ستى و دى اسرار ما تطلعش الا للغلييييييين و ربنا يثيبنا يا رب و يجعله فى ميزان حسناتنا جميعا المقصود انك مش كل حاجة تاخديها بمحمل الجد حتى لو كانت جد اعمليها انتى هزار و انتى الكسبانه بلاش نكد عمال على بطال و حساب الملكين يوميا لزوجك او خطيبك ارمى له حبل الحريه بس بذكائك خليكى عارفة اوله فين و آخره فين يعنى مثلا عودى نفسك من اول يوم فى الزواج عل اللسان الحلو فى دخوله و خروجه و الدعوات الحلوة اللى ان شاء الله تكون مستجابه و صدقينى انتى فى الآخر الكسبانه كفايه انه بعد العشرة الطويلة يقولك انك قدم الخير عليه و لم يرى يوم ضاق فيه الرزق عليه ببفضل دعواتك و صلواتك اول ما يدخل من برة استقبليه انت و اولادك بابتسامة لو كنتى رجعتى قبله من عملك وصدقينى لو عملتى انت الاول كده مرة اثنين عشرة هو كمان هيقلد حسن استقبالك له و لو داخله من شغلك و هو حضر قبلك لو شايفه القرف كله فى الطريق بلاش اول ما تشوفيه تكون اول حاجة يراها منك هو نفخة قرف هو ده الغباء بعينه كدة انتى بتدقى مسامير حادة بينك و بينه صدقينى يا مرمر زى ما بتزرعى خير هتحصدى خير باذن الله و خليكى صبورة و لكل منا عيوبه انا شخصيا لو زوجى انتقدنى فى قول او فعل اعترف فورا حتى لو انا شايفة انى صح اقوله عندك حق ممكن اكون ماخدتش بالى و اعتذرى و لا تجادلى كثيرا ( الرسول صلى الله عليه و سلم يقول انا زعيم اهل بيت فى الجنه لمن ترك المراء اى الجدال ) يعنى ترك الجدال حتى لو كنتى على حق تفوزى بقصر فى الجنه تخيلى يا مرمر ان ليلة القدر حجبت عنا معرفتها بسبب اثنين تجادلا فى المسجد (الملخص تانى كان ايه الذكاء فى المعاملة --- البشاشة فى الرؤية -- عدم الجدال --- بلاش النكد بسبب و بدون خليه فى اضيق الحدود يا ستى لو هتموتى خلاص و اليوم اللى مافيهوش نكد ابقى غنى بكرة النكد بكرة ---اللسان الحلو و الدعوات الجميلة ) فيه حاجة كمان مهمة جدا و هى عدم النديه فى المعاملة و تعالى الاكتاف يعنى بلاش كثير و انتى بتتكلمى مع زوجك تقولى انا و انا وانا عملت وعملت (دعونا نعمل فى صمت ) و لو مزنوقة قوى فى كلمتين عاوزه تذكريه بوقفتك بجانبه يبقى بهزار مش بذل و تقعدى تذليه كل شويه كل شويه دى بتبقى قاسيه جدا على الرجل و بيعتبرها جارحة لكرامته وكمان يا مرمر عندما تتكلمى عنه امام احد تكلمى باحترام يعنى مش تقولى فلان قال و فلان عاد لأ قولى ( الباشمهندس _او الدكتور -- أو الاستاذ ) احترام زوجك امام الناس مهم جدا جدا و يرفع معنوياته جدا و صدقينى ستجدى احترام متبادل بعد كده و سيتكلم عنكى بكل احترام فى غيبتك عندما كنا خارج مصر كان زوجى يحكى لى عن ازواج اثناء الكلام عن زوجاتهم بصيغة هو بينتقدها و بيقول يذكروا اسم زوجتهم فى سياق الكلا م و احيانا يقولوا البت تخيلى واحد يقول عن مراته (البت ) حاجة طبعا سوقيه جدا للحديث بقيه يا مرمر علشان صلاة المغرب:THE_PR~18: |
رد: كيف تكسبين رضاء ربك بكسب مودة زوجك
اقتباس:
انا هروح بسرعه اصلي واشرب واجي |
رد: كيف تكسبين رضاء ربك بكسب مودة زوجك
ندخل بقه على نقطه اخرى مهمه جدا فى حياتك الزوجيه يا مرمر الا و هى
(احترام اهل زوجك ) ونتكلم بفه بصراحه شديدة خصوصا الام لاننا بصراحة السيدات و البنات عقلهم صغير يعنى لو احسنتى معاملة حماتك كده انتى ضمنتى السعاده الزوجيه من اوسع ابوابها و جنبتى نفسك المشاكل ابو العريس اكيد مهم جدا و لا يقل اهميه عن حماتك و طبعا لكل قاعده شواذ ممكن يطلع لك حماكى بالف حماتك و تطلع الست غلبانه و فى حالها وزى العيل و كل الله يهمها سعادة ابنها و بس و الراجل يطلع هو اساس البلاوى كلها و ربنا يسترها بقه معاكى من تدخلاته اللى بتكون عادة مش فى محلها خالص لان لو كانت المشكله فى الطبيه الشخصية لحماتك ده سهل جدا التغلب عليه بكسبك لها و مصاحبتها و ايشارب شيك على بارفان رقيق فى عيد الام خلاص كده مافيش اسهل من كسب ودها و الامهات الهبل العاطفيين زى حالاتى ما اسهل الضحك عليهم و هتكونى نور عينيها بكلمه حلوة و ابتسامه عذبه تملكى قلبها و لو عندها بنت هتكونى اغلى منها و لو ماعنديهاش هتكونى انتى بنتها اللى لم تلدها:fun_36_3_13[1]: انا حماتى كان عندها بنت و 3 رجال يعنى لها 3 زوجات للابناء الحمد لله الحمد لله كانت اكثر واحدة تحبها و تجلس عندها هو انا و الحمد لله و معلش ده هيكلفك قلة حريه شويه فى الاول لانها هتطول زيارتها عندك بس مش مهم الدعوات اللى هتاخديها بسعة الرزق و الستر و الصحة ستشعرى بهم بعدين بركة الدعاء من حماتك دى سوف تشعرى بيها جدا جدا لان رضاء حماتك عنك هيكون مفتاح سعادتك لما كان زوجى يزعلنى كنت احكى فقط لحماتى و كنت تشوفى بقه اللى بيحصل كانت يا بنتى بتغسلة و تنشره و تكويه :funny25: و بالمناسبة افتكرت نقطة مهمة جدا اوى تحكى مشاكل بيتك لاهلك عادة الموضوع هيكبر و الزعل هيزيد حاولى تحلى مشاكلك بلباقة و لا تغضبى و تخرجى من بيتك زى زوجات هبلة كثير عمرى ما غضبت و خرجت من بيتى على مدار 21 سنة عمرى حبال الزعل بتزيد و يكبر الموضوع الى ما لا يحمد عقباه و كلما زاد عدد مرات الغضب و الخروج يزيد البعد و الاختلاف ده كمان فيه ستات تلاقيها خدت ذهبها و ملابسها و كله يا فرحتك يا فالحة ده انتى كده بتخسرى حياتك و سعادتك اللى لا يعوضوا بمال و ذهب الدنيا كلها و للحديث بقيه:funny25: |
رد: كيف تكسبين رضاء ربك بكسب مودة زوجك
اقتباس:
|
رد: كيف تكسبين رضاء ربك بكسب مودة زوجك
السلام عليكم و رحمة الله و بركاته
اكلمك عن ايييييييه دلوقتى يا مرمر يا ريت تسألى بعد كده و تفتحى لى مواضيع علشان انا مش حافظة انا فاهمه بس و بتكلم من الذاكرة عشوائى كده:fun_36_1_39[1]: ايه رأيك نتكلم عن الغيرة الزوجية و عواقبها و علاجها لو زوجك بيغير عليكى افرحى طبعا و لا تظهرى له الضيق من هذا الا اذا زاد اوى عن الحد الفتى نظره بطريقة زوجيه و دائما اشعريه انه اهم شخص فى حياتك وفعلا دى تكون الحقيقة و انه لا يملا عينك و لا قلبك راجل غيره اما بالنسبة لغيرتك انتى انتى عليه خليكى ذكيه و شوفى ما لفت نظرة فى اى ست و خذى محاسنها يعنى لو معجب ب (منى الشاذلى المذيعة ) خذى لباقتها و بساطة لبسها و حلاوة لسانها و جمال طلعتها ببشاشة ولو بيحب اغانى (نجاة الصغيرة ) سجلى له cd بكل اغانى نجاة هديه للسيارة و مش عيب لو تحفظى اغانيها و تشاركى زوجك اعجابه بها لو حكى لك عن اى واحدة ست انها كويسة فى اى حاجة بلاش ارهاب و هجوم و نكد الزوجات و قولى عندك حق دى فلانه فعلا انسانه كويسة و محترمة لانك لو اظهرتى غيرتك سيتعلق بها اكثر ودى مصيبة هحكى لك تجربة شخصية و بامانه يا مرمر بس على فكرة مافيش انسان كامل و انا كلى عيوب لحظة وهكمل:joy23: |
| الساعة الآن 10:56 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017