|
رد: بصراحه هل تحب مبارك ؟؟؟؟؟
مع احترامى لكبر السن
انا بكره جدااااااااااااااااااااااا ده راجل بن 60 *70*50*40*350 انا بجد من قبل التنحى كمان مخنوق يا جماعه مش علشان طلع فى القفص يصعب على الناس طب ايه رايكم انه بيعرف يمشى و انه لما نزل اول جلسه من الطياره كان لابس بدله شيك و بيجرى علشان محدش يشوفه رغم انه كبير فى السن بس حويط و ولا كانه عنده 20 سنه انا بقول شهرته و ده اسم انا مطلعه بقول عليه ( يا ابو خطابات ) لما مات السادات مبارك : مات رجل الحرب و السلام الخ.............. و مش عارف ايه راجل بتاع خطابات و بس ده مريضص نفسى بالفلوس و الله يلعن ابو الفلوس اللى تعمل فى صاحبها كده طبعا الناس شايفانى جامد شويه و مطلع غلى بس معلش مش قادر امسك نفسى لما حد يجيبلى سيرته يعنى انا بنزل اروح بصلى المغرب فى المسجد و معايا التمر بوزعه قبل الفطار فى اول شارع المسجد فى ست غلبانه اوى اوى يعنى بتفضل قاعده و لما بنزل قبل ما ادخل المسجد لازم اديلها و الله بعيط و لما ادفع فلوس غير التمر تقولى و الله مكفينى يعنى على البلح و تفضل تعيط و تفضل تدعيلى كل شويه لما يحصل الموقف ده و الله بفتكر مبارك لانه سرق الشعب لو كان بيهتم بالمصرين زى ما بيقول فى خطاباته علشان كده بقولكم ابو خطابات مكانتش الست دى فى الشارع دلوقتى كان زمانها متجوزه و خلفت و عيالها كبروا و لما كبرت دلوقتى يبقوا يراعوها و تبقى عندها اسره اهو ده مثال بسيط بعد كده احبه ولا لا انتوا اللى هتقولوا الاجابه مش انا تحياتى |
رد: بصراحه هل تحب مبارك ؟؟؟؟؟
انا اللي نفسي افهمه هي الناس دي مكنش عندها ربنا يعني مش عارف والله طيب يعني عمر الموت ما كان بيجي في دماغهم خالص وعامة علي الرغم من كل ده فانا شايف انهم ليسه محصلش القصاص منهم وعايشين حياتهم ومستني اشوف اخرتها ايه والله انا ساعات بقعد كده مع نفسي اقعد احاول اقنع نفسي انه ممكن يكون كان كويس وافترض كل الافتراضات الخير في افعاله بس بلاقيها مش راكبه خالص عامة علي كل حال اتمني نبص للقادم وربنا يولي علينا ناس متكونش نفس العينه اللي فاتت لاني مش مقتنع بحكم قيادات المجلس العسكري ده خالص واتمني انهم ميبقوش موجودين في الفتره القادمه لانهم مع كامل احترامي ليهم هما حموا الثوره لمصالح شخصيه ليهم ومتحاوليش تقنعوني اني المشير كان قاعد طول الفتره الللي فاتت دي مع مبارك نظيف عفيف شريف اليد وحتي لو كان شريف لا يمكن يكون فيه شريف يسكت علي باطل بس عامة اديني بقنع نفسي انها فتره انتقاليه ويارب تعدي علي خير ونشوف يوم في كل واحد استحل حاجة مش من حقه
|
رد: بصراحه هل تحب مبارك ؟؟؟؟؟
اولا تسلموا ياجماعه وكل واحد عايز يقول حاجه هنا موضوع للفضفضه يعني قول كل اللي في نفسك
ثانيا الاستاذ ال ELsebily حضرتك ولا انتا ولا المشير ولا انا ولا اي حد كان يقدر يفتح بقه في عهده ويقول بم وكلنا كنا شايفين الفساد من حوالينا وساكتين بص ياغالي ربنا هو اللي اعلم باللي في القلوب واللي هيراعي ربنا ربنا هيراعيه واللي مش هيراعي ربنا هيشوف ايام سودا ان شاء الله |
رد: بصراحه هل تحب مبارك ؟؟؟؟؟
مفيش حد بيحب مبارك ولا نظامه غير المنتفعين فقط واعتقد ان المجموعه التى تسمى نفسها ( ابناء مبارك ) محتاجين علاج نفسى ويا ريت الحكومه تعالج ( ابناء مبارك) معاه فى نفس المستشفى ونرتاح من كلامهم السخيف اللى بيحرق الدم
|
رد: بصراحه هل تحب مبارك ؟؟؟؟؟
أولاً أنا لا من أبناء مبارك ولا منتفع ولا الكلام الفاضى دا ولا كنت عضو فى الحزب الوطنى ولا فى أى حزب من الأحزاب
ثانياً أنا واحد ضد فتنة 25 يناير ثالثاً ممكن كاتب الموضوع يقولنا هو عمل إيه لبلده هو أو أى حد من اللى كتب تعليق كله كره ؟ ولا أى حاجة احنا شعب لا يقدر قيمة الوقت ولا يقدر قيمة العمل وبنحب دائماً ان احنا نعلق أخطائنا على الحاكم و دا مش كلامى دا كلام الدكتور أحمد عكاشة فى كتاب تحليل الشخصية المصرية و محدش يقولى أصل الرواتب قليلة و الكلام الفارغ دا لأن العمالة المصرية مشهور عنها الكسل و التزويغ و البلطجة فى الدول العربية رغم انهم بياخدوا فلوس كويسة رابعاً الكلام دا جملة و تفصيلاً فيه انكار لحقائق منها أن مبارك لا شك كان شخص متميز ملتزم مجتهد فى عمله و ترقى فى الرتب العسكرية حتى وصل إلى قائد سلاح الطيران و سلاح الطيران تحت قيادته قدم للعالم ملحمة عظيمة فى حرب اكتوبر ، حسنى مبارك شخصية عسكرية لا غبار عليها خامساً حسنى مبارك تسلم مصر و هى فى حالة يرثى لها بعد ما عبد الناصر الله يرحمه دخل البلد فى كذا حرب لم يربح منها ولا حرب واحدة و انتهت بالاحتلال الاسرائيلى لسيناء كانت البلد فعلاً مدمرة حتى نصر اكتوبر وبعد اكتوبر البلد كانت مهلهلة اقتصادياً حسنى مبارك استلم البلد خرابة قرى كتير لا كان فيها لا كهرباء ولا مياه الوقت الأغلبية العظمى من قرى مصر و صلها كهرباء و مياه مش كان عندنا شبكة طرق أصلاً أقام شبكة طرق وفقاً للإمكانيات المتاحة فى آخر عشر شنوات فقط من حكم حسنى مبارك كان عندنا 49 ألف مصرى حصلوا على الدكتوراة غير الحاصلين على الماجيستير و سيبكم من الكلام الفاضى دا و كل واحد يشوف شغله و قبل ما يحاسب غيره يحاسب نفسه الأول هو عمل ايه لنفسه و لبلده |
رد: بصراحه هل تحب مبارك ؟؟؟؟؟
هو الاخ مش من هنا ولا جاى من كوكب تانى مبارك مين اللى خربها من اول مجه انت مقرتش عن الدهب اللى سرقه سنة 1982 مش هفولك سرق وعمل وسوا حسابه عند اللى خلقه ,
انتى متجوز بتاخد كام مكفيينك اتسرق من فلويك وفلوسنا قد ايه انا شاب ومكنتش عارف اتجوز وصحابى نصهم شحتو واتجوزا والنص التانى عدى التلاتين ومش عارف يتجوز عملنا ايه بابا مبارك هو حب اعمى وخلاص ولا احنا عشان شعب عشرى مش بيهون علينا العشرة على فكرةانا كمان من جيل مبارك اللى شاف الزل فى المعتقلات ومش لاقيين باكلو انتى عامل زى طلعت زكريا اللى وقف جنب مبارك عشان عالجه نسى ان الفلوس دى بتاعتنا واحنا اللى دفعناها مش مبارك ROSE4U |
رد: بصراحه هل تحب مبارك ؟؟؟؟؟
اى واحد غلط لازم يتحاسب رئيس بقا كناس مش مهم حار ونار فى جتته الفلوس والرشاوى اللى خدها
قال رسول الله (ص) لقد أهلك الله الذين من قبلكم لانهم كانوا اذا سرق فيهم القوي تركوه واذا سرق فيهم الضعيف اقاموا عليه الحد اظن حافظه مش كدا ولا ايه يا اخ بربرى شكر وتقديرلصاحب الموضوع |
| الساعة الآن 05:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017