رد: اسبيرانزا a113
 

اولا شكرااا لاهتمامكم
- انا كنت بقارنها فى الاول بجيلى باندا لكنى صرفت نظر عنها بعد سماع اراء اللى سألتهم عنها وبعد كده بقيت أقارنها باللادا بعد ما عرفت ان بينزل منها موديلات بتكييف و باور ويمكن دى اكتر منافس معاها دلوقتى رغم انى حابب العربيات الصغير فى الحجم
-و انا انهارده نزلت اتفرجت على ال سبارك و لكن حسييت انها ورق جدا لكن واسعه من جوه ودى نقطه مهمه بالنسبالى عشان انا طويل , لكن مقارنتها ب113 طبعا اسبيرانزا لكن الراجل صاحب المعرض قال ان السعر عند اعادة البيع لل سبارك أفضل
-و عرفت ان ال113 مش متوفره اليومين دول وهتنزل بعد العيد ب55000 فهل الكلام ده صح؟؟؟؟؟؟؟

رد: اسبيرانزا a113
 

ايوة كده يا دكتور اللادا مرحلة مهمة فى حياة الدكاترة ههههههههههههههه

هيا انها مش متوفرة اليومين دول صحيح حسب مواضيع للاعضاء فى المنتدى هنا لكن صراحة معرفش حاجة عن السعر

رد: اسبيرانزا a113
 

فعلا يا دكتور سعرها نزل 55000 فى الموقع الرسمى لها بس العربية ممتاز ما فيش اى غبار عليها والتكيف بتعها ممتاز جدا يعنى مش تقلق من حاجة بس المهم استعمالك انت للعربية وخصوصا فترة التليين فى الفترة الاولى خلال 1000كم قبل صيانة الالف واى نصحية انا فى خدمتك وده لينك للموقع الرسمى للسيارة

رد: اسبيرانزا a113
 

شكرا لحضرتك و احب اعرف هى موجوده فين اليومين دول لأنى مش لاقيها وايه هو افضل مكان اشتريها منه.

رد: اسبيرانزا a113
 

من وجهه نظرى انه افضل مكان حاليا هو توكيل ابوالفتوح على الكورنيش المعادى معملتهم هناك محترمة وكويسة وسعرها 54900 فى وقت كتابة الرد 26/9/2011 الله اعلم بقى ممكن سعرها يعلى او ينزل واى خدمة انا تحت امركم

رد: اسبيرانزا a113
 

طيب بخصوص موضوع الاستعمال قبل صيانه الألف. انا بقى لسه عربيتى يادوب عامله200 وشويه وانا لسه باتعلم عليها والحقيقه خايفه جدا عليها لانى لسه بتفصل منى كتير وانا باطلع بيها او لو فرملت وطلعت تانى ومش عارفه هل ده فى ضرر عليها ولا ايه؟؟؟؟؟؟؟؟؟
وخاصة انى بقيت لما بادور الدركسيون بقيت باسمع صوت للطارة مكنش موجود ولاحظت تنقيط ميه وانا ماشيه من مكان جنب الشكمان.

ياريت حد يفيدنى هى الحاجات دى ليها علاقه بانها بتفصل منى كتير ولا لأ؟
وايه هو الضرر من حكايه فصل الموتور دى؟
وعموما ايه هى الحاجات اللى المفروض اتجنبها فى اول 1000 كيلو:30p[1]: