مصر موتورز مجتمع السيارات - بيان على المعلم للتعامل مع الموطنين فى احد اكمنة الشرطة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

رد: بيان على المعلم للتعامل مع الموطنين فى احد اكمنة الشرطة

الف حمد لله على سلامتك
ياريت تدوم المعاملة كده بين المواطن الشريف والشرطه وكل واحد ياخد حقه بالقانون
ياريت يا أستاذى
تعملنا تقرير مصور عن رحلت الاقصر كطريق عامل أزاى والمسافه والوقت والرست
عشان الواحد لو فكر يطلع رحله سفارى يبقا كتر خيرك
ترجع بالسلامهROSE4U

رد: بيان على المعلم للتعامل مع الموطنين فى احد اكمنة الشرطة

ربنا يصلح اﻷحوال

الموضوع ده فكرنى شوية بحكايات اﻷستاذ جنيدى فى هولندا

يارب اﻹستمرار على السياسة دى و ما يكونش محاولة ﻹستعطاف الشعب لحين إستعادة الشرطة لكامل قوتها

يا ريت يا عمرو باشا تفكر تعملنا موضوعات عن اﻷماكن المختلفة إللى زورتها فى مصر و تقولنا تجاربك و إنطباعاتك على الطريق

رد: بيان على المعلم للتعامل مع الموطنين فى احد اكمنة الشرطة

أنا هاحكى عن مشاهده شفتها بعينى تبين أد إيه في تغيير فى الشرطة
المكان : بعد كوبرى الإبراهيمية للقادم الى منطقة سموحة وبالضبط ميدان الجواهر بالإسكندرية
الزمان : الساعة الرابعة عصراً وفى عز ذروة رجوع الموظفين من أشغالهم وقبل الإفطار ،
الزحام شديد جداً والحر والعرق والشمس ملتهبة فى كبد السماء
المنظر : ضابط مرور برتبة مقدم ( لا أعرف اسمه ) يقف بنفسه لينظم المرور فى هذا الميدان الهام ومعه جندى مرور شكله مجند أمره الضابط بالجلوس على كرسى تبرع به أحد المواطنين للضابط لكنه رفض استخدامه وأجلس عليه المجند النحيف شاحب الوجه ووقف هو بنفسه ينظم المرور
التحية لهذا المقدم وأكثر الله من أمثاله لأنه إنسان بمعنى الكلمة

رد: بيان على المعلم للتعامل مع الموطنين فى احد اكمنة الشرطة

يبقى انت اكيد اكيد مش فى مصر

رد: بيان على المعلم للتعامل مع الموطنين فى احد اكمنة الشرطة

اقتباس:

المشاركة الأصلية كتبت بواسطة amrmohamed1975 (المشاركة 500474)

طبعا زي ما كلنا بيقول السلبيات اللي الشرطة بتعملها فى المواطنين يجب ان نقول الايجابيات حتي و ان كانت من المفترض ان تكون هي الشئ الطبيعي فى التعامل و لكن بما اننا لم نتعود على ذلك فا اليكم هذه التجربة
المكان : مدينة الاقصر
الزمان : 22 / 8 / 2011 الساعة الواحدة صباحا
التفاصيل عربيتي عشان اتنقلت الصعيد من فترة قريبا و ما ادراكم ما الصعيد و الشمس و درجة الحرارة ركبت فاميه مع اني مش من محبيه بس اعمل ايه الشمس ظبتني الكمين كان فيه كمية لا بأس بها من السادة الظباط من مختلف الرتب و الانتمائات من نقيب الى لواء

ظابط برتبة نقيب : مبتسما حمدلله على السلامة ممكن استاذنك فى الرخص
العبد لله : الله يسلمك اتفضل
ظابط برتبة نقيب : ممكن استأذن حضرتك تركن على جنب و تشرفنا
العبد لله : من عيني
ظابط برتبة نقيب : حضرتك عندك مخالفة فاميه و حضرتك عارف الاجراء المتبع اني اسحب الرخص ممكن حضرتك تشيل الفاميه و انت واقف و تأخذ الرخص حالا
العبد لله : مش ممكن ادفع غرامة فورية
ظابط برتبة نقيب : لا للاسف بس الموضوع مش هايأخذ 10 دقائق بدل سحب الرخص و الدوخة و راهم و الفحص و اللي انت عارفه
العبد لله : حاضر
المهم اثناء قيامي بازالة الفاميه سمعت اللواء الواقف فى الكمين بيقول للظابط هات رخص العربية الماتريكس رد عليه الظابط و قاله لسه يا فندم بيشيل الفاميه اللواء قاله الراجل شال الباب اليمين و شغال فى النحية التانية خاليه يمشي و يكمل الباقي و فعلا اللواء اخذ الرخص من الظابط و جه بيهم لغاية العربية و سلمني الرخص بنفسه و طلب من استكمال ازالة الفامية بقمة الزوق و الاحترام طبعا الموضوع مش محتاج كل اللي انا عامله ده و المفروض ان ده يكون هو اسلوب التعامل من زمان و لكن بما اننا لم نتعود على ذلك يصبح هذا الوضع ايجابي الي حد بعيد و دمتم بكل الخير مراسلكم من الاقصر عمرو محمد

استاذ عمرو
انت متاكد انه ما فيش حد نده عليك بعدها وقالك تعالا احنا كنا بنهزر معاك ده برنامج الكاميرا الخفية ؟

رد: بيان على المعلم للتعامل مع الموطنين فى احد اكمنة الشرطة

اقتباس:

المشاركة الأصلية كتبت بواسطة dieseltrucker (المشاركة 500663)

استاذ عمرو
انت متاكد انه ما فيش حد نده عليك بعدها وقالك تعالا احنا كنا بنهزر معاك ده برنامج الكاميرا الخفية ؟

فعلا الواحد مش مصدق
وزى ما يكون ملعوب
ياااااااااااااااااااااااا اااااااااااااااه ده احنا كنا فى غيبوبة لدرجه اننا بقى عندنا الموازين المقلوبة هى الصح!!!

رد: بيان على المعلم للتعامل مع الموطنين فى احد اكمنة الشرطة

ربنا يصلح الحال
تحية الي رجال الشرطة الشرفاء المحترمين