رد: لانسر ولا حاجه تانيه ؟؟؟؟؟؟؟؟
 

السلام عليكم
أنا والدي كان بيدور على حاجة في نفس المبلغ من حوالي سنة ونص...وكنا في نفس الحيرة...وفي النهاية ربنا وفقنا والحمد لله إلى كورولا موديل 2006 كاملة أوتوماتيك... والحمد لله العربية كويسة وبدون أعطال وقطع الغيار أسعارها كويسة ومن وجهة نظري أحسن من حاجات كتير زيرو.
ربنا يوفقك إلا كل خير

رد: لانسر ولا حاجه تانيه ؟؟؟؟؟؟؟؟
 

انا من وجهة نظري وعن تجربة زميل لزوج اختي مندوب مبيعات اشتري لانسر 1600 سي سي اوتوماتيك بصراحة عربية خارسة يعني حمارة شغل
انا بفكر ابيع عربيتي بي ام واشتري لانسر زيرو واريح دماغي
والله اعلم

رد: لانسر ولا حاجه تانيه ؟؟؟؟؟؟؟؟
 

لو حضرتك عايز عربيه عائليه وتتحمل الشغل والسفر والبهدله وخصوصا انك جديد في موضوع العربيات
اسبرانزا تيجو 1600
وسيبك من الكلمه الفاشله اصلها صيني والكلام الفكسان ده
شوف العربيه في الشارع منتشره ازاي
وحضرتك تقدر تحكم ان كانت ناجحه من عدمه
انما كل العربيات السيدان سالفه الذكر لا تناسب احتياجات اسره حضرتك زي ما ذكرت
ومع كامل احترامي لالاخ اللي بيقول سيمبول او اسكالا
حضرتك دي عريبات غير موجوده في الشارع من الاساس
وتخليك تلف حوالين نفسك بسبب قطع غيارها وارتفاع اسعارها
خلي تقيييمك لاي عربيه مدي انتشارها وخصوصا زي ما مانا فهمت من كلام حضرتك انك مش شاب
يعني مش عايز عربيه للجري والتنطيط
عايز عربيه تتحملك انت واسرتك

رد: لانسر ولا حاجه تانيه ؟؟؟؟؟؟؟؟
 

السلام عليكم
حرام تدفع الفلوس دي في عربية مستعملة
و خصوصا انه للزيرو فرحة كبيرة اوي :joy23:
اللانسر هي العربية اللي انت بتدور عليها
بس ال 1600 موش ال 1300
سعرها رخيص عن الكورولا بس قريبة منها فعلا
و حمارة شغل و عن تجربة...و عفشتها جمييييلة هدية من اليابان و سواقتها لذيذة
بس هتحتاج حضرتك تزود شوية لانها بتبدأ من 100 الف
و لو الامكانيات موش جايبة يبقى الصني و السكالا اللي حضرتك تستريح فيهم
الريو جميلة بس صغيرة شوية على عيلة حضرتك ماشاء الله
اتوكل على الله في اللانسر موش هتلاقي ناس كتير بتشتكي منها
و ربنا يوفقك :fun_36_1_39[1]:

رد: لانسر ولا حاجه تانيه ؟؟؟؟؟؟؟؟
 

اللانسر كويسة و ان لم يكن فالنيسان الصنى بدأت تغزو الأسواق المصرية بقوة وانتشارها ينم عن كفاءة وسعر معقول .

رد: لانسر ولا حاجه تانيه ؟؟؟؟؟؟؟؟
 

حرام تدفع 85 الف في استعمال و اليشتري مستعمل تكون حتة الماني بي ام ولا مرسيدس ولا باسات لان الجديد غالي والماني بيعيش علشان كدة المستعمل منة مرغوب فية
الخلاصة عايز استعمال اشتري الماني لكن العربية الاسيوية افضل تشتريها جديدة

لو مستعمل ارشحلك اسكودا موديل 2006 او2005 علشان البي ام والمرسيدس بالمبلغ دة هيجبلك حاجة موديل اواخر 90 او 2000 يعني عشرة ولا 15 سنة

لو جديد ارشحلك نيسان صني لانها حمالة اسية وهتستحمل مع اولادك خصوصة لو مش بيعرفوا يسوقو كويس وطبعا ارشحلك الجديد عن المستعمل لان فلوسك تعبان فيها والمستعمل زي البطيخة انت وحظك وانت متعرفش الاقبل منك عمل فيها ايه لاكن الجديدة ليه طعم تاني كفاية ريحة العربية الجديدة بالدنيا:286:

رد: لانسر ولا حاجه تانيه ؟؟؟؟؟؟؟؟
 

و الله ياباشا انا رائيى لو الفلوس معجزة معاك انت ممكن تجيب لانسر كسر زيرو وحتلاقى كتير لانها عربية منتشرة اوى اوى