رد: زراير في التيريوس عاوز أعرف بتعمل إيه؟
 

شكراً يا أحمد - معلش أنا اتلخبطت شوية

إنت تقصد إن الأحسن أخليني دايس عليه على طول؟ وده بيحافظ على الفتيس ويقلل استهلاك الوقود؟

وهل ده له علاقة بالزحام/السرعة اللي أنا ماشي عليها؟

بتعبير آخر:
لو ماشي في وسط البلد - زحمة - سرعة ممكن آخرها 70 وعمال أسرع وأقف - الأحسن يكون مشغله؟

ولو ماشي في البلد برضه بس بسرعة أكبر وشبه ثابتة بس آخرها 80؟ الأحسن إيه؟

وأخيرا لو مسافر على طريق سريع والسرعة أعلى من 100 على معظم الخط؟

وشكرا مرة تانية

-أحمد

رد: زراير في التيريوس عاوز أعرف بتعمل إيه؟
 

أنا لسه واخد بالي إني لما بدوس عليه بيخليه off يعني هوه on by default على طول - وده الأحسن إني مادوسش عليه إلا لما أكون محتاج عزم عالي على فترة طويلة

طيب سؤال: إيه فرق كده عن أوضاع الفتيس: 1,2, L؟

رد: زراير في التيريوس عاوز أعرف بتعمل إيه؟
 

الله ينور يا باشا هو احسن وصف الى انت قولته ان الديفولت بتاعة on و مفيش لمبة منورة فى التابلوه و لو عايز تفصله تدوس على الزرار يبقى أوف و لمبة الأوفر درايف أوف تبقى منورة فى التابلوه
احسن وضع فى مصر بما ان الطرق السريع شبه مستوية حتى لو فى مطالع مش حتبقى جبلية و كمان متهيأليش انك حتقطر حاجة بالتالى احسن وضع هو الديفولت بتاعه يعنى الزرار متدسش عليه يعنى مفيش لمبة منورة فى التابلوه
و زى ما انت قولت لما تكون محتاج عزم عالى يعنى سواقة رياضية ابقى دوس عليه و لما تخلص ارجع دوس تانى علشان تأنجيج الأوفر درايف تانى و هو فعلا زى ما الزملاء قاله اول ما تدوس علشان تفصله تحس بزيادة فجائية فى ال rpm و العزم نتيجة ان بيسقط من ترس الاوفر درايف الصغير للترس الى قبله او الى قبل الى قبله على حسب البروفيل
أما الأوضاع التانية L,1,2 لو 2 فحيبقى الفتيس اخره 2 لو 1 حيبقى اخره 1
و دى حالات خاصة زى مثلا طلعة الباركينج بتاع ستى سنتر طلعة غبية تحس انك بتعمل تيك أوف فدى لو مانيوال لازم تفضل على الاول حتى لو وصلت لسرعة مناسبة للتانى ( لطريق مستوى ) و جيت نقلت للتانى و انت لسة فى المطلع العزم حيبقى غير مناسب لمركبة وزن السيارة لورا فممكن تبطل و ترجع ورا ... كارثة يعنى
بالنسبة للاوتوماتيك كونك طالع من باركينج زى ده و يا سلام لو محمل ناس فبتجيب على وضع 1 او اقل وضع عندك بكده تضمن ان الفتيس ميتغاباش و يقعد يتذبذب من ترس ل ترس و يجطك فى وضع خطر
و العكس برضه فى منازل فى اسكندرية وسط العمارات يعنى شارع بطىء فانت محتاج تنزله و معاك كنترول كويس على العربية بالاستفادة من ال ENGINE BRAKE عن طريق الوضاع سالفة الذكر كلا حسب ميل الطريق
بالاخص لو العربية محملة او قاطرة

رد: زراير في التيريوس عاوز أعرف بتعمل إيه؟
 

باختصار شديد جدا ..

بالنسبة لزرار O/D ده اسمه OVER DRIVE ومعناه الغيار الاخير ...

يعنى الفتيس عندك 4 سرعات .. لما يكون الزرار ده شغال يبقى الغيار الرابع شغال .. واول ما تفصل الزرار ده هتنور لمبه فى التابلوه وتلاقى الغيار الرابع مش شغال ..

علشان تجربه لازم تكون ماشى على سرعه مش اقل من 60 وتخف رجلك خالص على البنزين (بحيث العربية تاخد الرابع) وبعدين افصل الزرار وهتحس ان العربية سقطت غيار (الـ RPM هيعلى شويه وترجع للتالت) ..

وده فايدته بتكون فى الطرق السريعة لما تحب تعمل تسارع علشان تعدى عربية او ما شابه ..