مصر موتورز مجتمع السيارات - افضل سيارة تصلح لكى تكون تاكسي

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - افضل سيارة تصلح لكى تكون تاكسي (https://www.masrmotors.com/vb/showthread.php?t=65286)

رد: افضل سيارة تصلح لكى تكون تاكسي

اقتباس:

انا عندي تاكسي مع احترامي للأخوه اللي بيقولو بي واي دي هيه بتاخد بنزين 80 ؟؟
حعمل ايه بالوسع الزبون 5 دقايق و بينزل

عندنا في القاهرة غير المنوفية المشاوير بتطول و الزبون هنا بينقي العربية دي بالزات و بيوقفها و موضوع بنزين 80 ده انت الي هتندم عليه بعدين و معلومة تانية ليك كل التاكسي في القاهرة و خصوصا البي واي دي شغال غاز و بسم الله ما شاء الله لا يفرق شيئ عن ال 92 في السحب او اي حاجة

اقتباس:

سعر الفانوس كام عشان لو اتكسر و سعر طقم السيرفس و هل ليها قطع غيار استيراد ؟؟

معلش يا خونا دي عربيه اكل عيش مش فسحه وجاي و يعني بتلف طول النهار انا عندي التاكسي في المنوفيه شبين الكوم متجيش قد حي من احياء القاهره بعمل في اليوم الواحد مش اقل من 300 كيلو

المفاضله كانت ما بين الفيرنا و اللانوس و دي الاسباب اللي خلتني اختار الفيرنا
شكلها احدث نسبيا من اللانوس و ان المكنه 1600 مش زي الانوس 1500 بس الفيرنا يعني = بنزين 80 + مكنه 1600 + الفانوس بي 60 جنيه لو اتكسر + مصاريف ال 10 جنيه ترويق بتبان فيها عن اللانوس طقم السرفس الاصلي 220 جنيه ( سير كتينه + سير دينمو + سير باور + سير تكيف ) اصلي غبور بس شاريهم من بره التوكيل

و مين قالك ان البي واي دي مش فيها نفس المميزات ؟؟؟ موتور لانسر 1600 اسعار قطع الغيار الاصلية و من الوكيل رخيصة جدا و هبعتلك رابط للاسعار بيبان عليها الترويق برضه و بارخص الاسعار انت عربيتك بتعمل 300 كيلو في اليوم و انا برضه كذلك بالظبط و ما شاء الله وحش لا يتأثر ......و متقنعنيش ان الفيرنا هتتحمل التاكسي زيها ابدا ابدا ......انت غفلت كل العيوب الي في الفيرنا و متكلمتش عنها

اقتباس:

+ كل حاجتها بي بلاش + في حاله الرغبه في البيع بتبقي مطلوبه عن اي تاكسي تاني وممكن ترفع فوق سعرها 10 الاف جنيه مع النمر
في حين العربيات التانيه بتبقي عاوز تبيع و مش عارف

في القاهرة دلوقتي في مشروع الاحلال السحب و الطلب كله عالبي واي دي و تنافسها الفيرنا و اللانوس و ال اسبيرانزا ماتو في المشروع بسبب البي واي دي اسال في القاهرة على سعرها تاكسي بكام و بعدين اتكلم

رد: افضل سيارة تصلح لكى تكون تاكسي

متشكر جدا لكل ارائكم
بس مش الصيني يقلق فى الصيانه والاعتماديه
انا سوقت الفيرنا وحسيت انها ضعيفه على التاكسي لوطها وضيقها
ايه رايكم فى الافيو مثلا او اللانوس
انا شوفت لانسر تاكسي بس بسم الله ماشاء الله عليها
زعلت عليها تكون تاكسي بصراحه
انا من المنصورة
ومش موضوع احلال لانه اساسا ربنا ينتقم من المرور والداخليه مطبقهوش هنا
وكمان مانعين ترخيص الاجرة
وخلوا التجار يتحكموا فينا ع الاخر
النمر وصلت هنا 95 الف ج حسبنا الله ونعم الوكيل
فانا هشترى جديد باذن الله عربيه بالنمر
منتظر جميع ارائكم القيمة والمتميزة
وشكرا جزيلا

رد: افضل سيارة تصلح لكى تكون تاكسي

لادا بلا منازع

رد: افضل سيارة تصلح لكى تكون تاكسي

اقتباس:

المشاركة الأصلية كتبت بواسطة alymonir (المشاركة 494032)

لادا بلا منازع

هل الادا الشكل القديم ولا فى حديث برفاهيه اعلى
وشكرا جزيلا

رد: افضل سيارة تصلح لكى تكون تاكسي

قطع غيرا اللوجان يا جماعه رخصت بشكل رهيب
الفانوس الامامى بقى 250 وصناعه تركى ( مفيش صينى )
وجوز المقاصات ب 400 جنية
عاوزين اية اكتر من كدة لو من غيراحلال هات لوجان

رد: افضل سيارة تصلح لكى تكون تاكسي

اقتباس:

المشاركة الأصلية كتبت بواسطة ayman1204 (المشاركة 494116)

بس هل متوفره
بمعنى انى ممكن الاقيها فى المنصورة
ولالازم القاهره او التوكيل ( وكده هتبقي غاليه )
وكمان هل بتحتاج ميكانيكى خاص بيها ولا اى ميكانيكى
وشكرا جزيلا

رد: افضل سيارة تصلح لكى تكون تاكسي

اقتباس:

المشاركة الأصلية كتبت بواسطة waelsalah (المشاركة 494568)

نعم هى متوفرة وبكثرة فى القاهرة

اما عن المنصورة فلا اعلم الصراحةبس اكيد طالما موجودة وبكثرة فى القاهرة هتبقى موجودة فى المنصورة حتى لو مش بكثرة