|
رد: مش كل حاجة بقى الثورة!!!!!
الثورة قامت في يناير
نجحت في اوائل فبراير و احنا حاليا في منتصف اغسطس و المجلس العسكري لمدة 6 اشهر حصيلة انجازاته كالتالي 1- الغاء المحليات و اعادة انتخاب اعضاءها انتخابات نزيهة 2- الغاء مجلسي الشعب و الشورى و اعادة انتخاب اعضائها انتخابات نزيهة 3- القضاء على البلطجية و اعمال العنف في العاصمة و المحافظات 4- وقف تصدير الغاز لاسرائيل 5- فتح قناة حوار تعاون مشترك مع تركيا كحليف استراتيجي لمصر 6- دعم ثوار ليبيا للتخلص من المجنون القذافي 7 - توجيه تحذير حاد النبرة الى نظام سوريا الدموي 8- البدء في المشاريع الاستراتيجية لتوفير القمح و زيادة الثروة الحيوانية 9 - دعم مشروع اول سيارة مصرية معنويا و بدء دعمها ماديا 10- التمهيد للانتخابات الرئاسية 11- وقف جميع رجال الشرطة المتهمين بقتل الشباب المصري الاعزل و محاكمتهم 12- انتهاء القضايا المرفوعة على زبانية النظام السابق و تستمر انجازات المجلس الموقر |
رد: مش كل حاجة بقى الثورة!!!!!
اقتباس:
بس مين قال انتهاء القضايا هم مخلصوش؟؟؟ |
رد: مش كل حاجة بقى الثورة!!!!!
اقتباس:
يـــا استاذ ممفور كيف تتوقع لبلد عانت 30 عاما من سقوط حر ان تنصلح في 6 اشهر !! والله لو ساحر ما هيقدر يعمل كدا رقم 2 القوي السياسية كانت عايزاها تتأخر أكتر ولا ايه !! رقم 10 لسه لما نعمل رقم 2 رقم 4 مش وقتها خالص انك تظهر العداء لاسرائيل !! رقم 6 و 7 مش أما أدعم بلدي الأول أبقي أشوف سوريا و ليبيا ؟! رقم 5 المجلس مؤقت !! هو ماله و مال انه يعمل تحالف مع الدول !! رقم 8 و 9 دي حكومة عصام شرف اللي الثورة اختارتها المسؤلة عن ده ؟ مال المجلس ؟ رقم 12 القضايا لسه مرفوعة و طبيعي انها تتأخر .. الكلام علي اعدام .. و اصلا المحاميـين باين عليهم خايبين مش عارفين يعملو حاجه واضح من أدائهم .. مال المجلس بقي ؟ ربنا يصبر المجلس والله هو في موقف لا يحسد عليه والله ده زمن فتن الواحد مبقاش قادر يميز الصح فين و الغلط فين يارب احمينا و احمي بلدنا و اسلامنا |
رد: مش كل حاجة بقى الثورة!!!!!
ما هو الحل حاجه من ال2
اما نعتبر نفسنا معملناش ثورة بقي وان احنا زي الاول تماما والانصياع التام لكل الاحكام السابقة نحمد ربنا علي ان في لمبة حمرا نورت اصلا ونبتدي نكشف العيوب شئ جميل هو الثورة محققتش انجازات خالص يبقي الحل ؟ مش نفضل طول الوقت شعارات جميلة زي المصري هيفضل طول عمرة كدة شعب استعبد عشان يبني الاهرامات وسكت 30 سنة علي باطل طيب انا بشتغل فالحكومة ومش عاجباني الادارة يبقي الحل؟ اولا لو فضلت مستنفرة طاقاتي كلها في الاعتراض ازاي هقدر اوصل لحل وازاي هاقدر افكر في اتجاة انجازات للثورة اتابع واشوف ممكن لكن افضل في عجلة الاحباط؟ كدة كدة الغلط موجود ولازم ادفعه لكن ازاي؟ اذا كان معروف ان في نهاية العالم سيستشري الفساد ويرجع الحق لدولة الاسلام مرة اخري قبل قيام الساعة يعني انتشار الفساد معلوم انه موجود ولكن مع ذلك سيعلو الحق ,طب لية علي؟ لان في ايمان بالقضية وان ان شاء الله هتبقي احسن مطلوب عمل ازاي بقي ؟ هي دي القضية |
رد: مش كل حاجة بقى الثورة!!!!!
العيب فينا إحنا كشعب
فى ناس منا من مصلحتها إن البلد تكون فى حاله فوضى وإنفلات وهما دول إللى إشتروا سلاح وعايزين يبلطجوا وينشروا الفوضى فى البلد . شوف عدد الاقسام إللى كل يوم بيتهجموا عليها ....شوف عدد السرقات تحت تهديد السلاح ........شوف قطع الطرق والمشى فى الممنوع والمشى فى الاتجاه المعاكس الثوره دى لو عند شعب أوروبى كان زمان بينضرب بيها المثل فى كل العالم |
رد: مش كل حاجة بقى الثورة!!!!!
الثورة تجذب وتقنع وتكسب الناس بافعالها وانجازاتها وليس بمجرد شعارات واتهام عامة الشعب المصري بقصر الفهم
وكأن القائمين عليها هم أوصياء الله علي الشعب وكأننا استبدلنا جملة فرعون "وكل من حكم مصر حتي الان" "ما أريكم الا ما أري" بمجموعة من الفراعين " مانريكم الا مانري " |
| الساعة الآن 05:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017