|
رد: تأكيدا على اسعار الجاك بى كلاس
خليــــــــــــــــــــــ ـــها تصدى وموديلها يعـــــــــــــــــــــــ ـــــــدى
خليــــــــــــــــــــــ ـــها تصدى وموديلها يعـــــــــــــــــــــــ ـــــــدى خليــــــــــــــــــــــ ـــها تصدى وموديلها يعـــــــــــــــــــــــ ـــــــدى |
رد: تأكيدا على اسعار الجاك بى كلاس
إمبارح أنا كنت فى المهندسين و قلت أعدى على التوكيل أشوف الاسعار و الجديد
الجاك بى كلاس ب 84000 الف جنية الجاك إية كلاس اتوماتيك 1300 سى سى ب 73500 جنية الجاك إية كلاس مانيوال 1300 سى سى ب 68900 جنية الجاك إية كلاس مانيول هاتشباك 1300 سى سى ب 68900 جنية جاك AO حاجة جديدة صغيرة زى البى وادى دى الFO 1000 سى سى ب 56000 الف بصراحة انا كنت رايح علشان بدور على عربية للعائلة و كنت رحت الشهر الماضى للتوكيل و شوفت إية كلاس اتوماتيك و كانت ب68900 فى هذا الوقت . و كنت منتظر مبلغ جالى علشان أجبها كاش بدل التقسيط بس المرة دى بصراحة لاقيت الموضوع وسع وفتح جامد الدولار زى ماهو مفيش الزيادة اللى تخلى العربية زيد بالشكل الكبير دى فى أقل من شهر العربية معلهاش ضغط كبير فى البيع علشان الوكيل يرفع السعر كدة مصنع الصين لا أعتقد إنة هيزود السعر فى الفترة دى خصوصا إن سعر العربية فى الصين مابيزيدش دة بيقل الاحتمال إن المصنع يكون عامل حجم مبيعات معينة للوكيل بسعر معين و إن الوكيل لم يوفى المبيعات فسعر زاد علية حاجة تانية إن العربيات الكورى من نفس الفئة أسعارها سحبت على 90000 جنية و أصبحت مساحة السعر من 65000 الى 85000 الف هى مساحة الزيادة للسيارات الصينى خصوصا إن الهيوانداى أى 10 و الكيا البيكانتو بسعر 68000 الى 80000 فالوكيل حسبها و قال يعنى العربيات الصغيرة أوى دى بتتباع بالسعر دة و انا عربياتى فئة أكبر لازم السعر يزيد . بصراحة زيادة السعر دة دخلت العربية فى منافسة قوية مع موديلات زى الانوس و الفيرنا والوجان والام 11 و 516 و غيرها من العربيات اللى فى نفس المساحة السعرية دى . |
رد: تأكيدا على اسعار الجاك بى كلاس
انا مش عارف اية الاسعار الغريبة دى
اسعار سيئة جدا حتى الالنترا والسيراتوا غليو تصوروا الالنترا القديمةا لمانيوال من 94 ل 101 لية!!!! اذا كان فى موديل جديد نزل والاوتوماتيك 109 لية بردو انا قرفت من سوق العربيات فمصر وخصوصا وكيل جاك حاجة تحزن بجد |
رد: تأكيدا على اسعار الجاك بى كلاس
ونصيحة من اخوك الصغير يا استاذ احمد متساعدهمش فالى هما بيعملوة وتجيب جاك كبر دماغك منهم وهات عربية تانية حتى لو الجاك احسن لكن بالسياسة دى التوكيل فعلا بيستعبطططططططططط
وتحياتى ليك ولجميع رواد المنتدى وبعتذر عن عدم المشاركة باستمرار لظروف خاصة |
رد: تأكيدا على اسعار الجاك بى كلاس
شكرا على النصيحة يا صديقى odaoda و يارب يكون المانع خير
فعلاً انا صرفت نظر و حتى العائلة بعد ما خالص جهزت الفلوس و والواحد قال يجيب جاك اوتوماتيك سهلة فى السواقة للاسرة فى الزحمة دى و بسعر مميز و ماتور متسوبيشى شكلى كدى هاجيب لوجان إية رايك |
رد: تأكيدا على اسعار الجاك بى كلاس
سيحان الله فى هذا الوكيل . هونايم والله ايه . وازاى يبص لوكلاء تانيين زى الهونداى وغيره . اش جاب لجاب . !!!! . الهيونداى اول مانزلت السوق كان سعرها منخفض بشكل جذاب للغايه . الى ان صنعت اسم اصبح سعرها عادى لهو غالى ولا هو واطى . يقوم وكيل جاك اللى مبقلوش سنه ونص قاعد يرفع فى السعر كان مفيش غيره . هو فاكر ان الناس مجانين علشان يسيبو البى واى دى اللى بسبعين الف ويشتروا الa class ب 69000 . انا لو من المجلس العسكرى كنت احبس اى واحد يعمل كده لانه بلا شك سفيه لا يحسن التصرف فى ماله ......... الان انا بقوه مع الحمله المباركه . خليها تصدى ومودلها يعدى . ولما سعرها يهدى ساعتها نقعد وناخد وندى . لا ن بصراحه . حسبى الله ونعم الوكيل فى هذا الوكيل .
|
رد: تأكيدا على اسعار الجاك بى كلاس
الأخوه الأعزاء .....رمضان كريم عليكم ....وأنا سعيد جدا بإنضمام أخ فاضل لنا وهو الأستاذ أحمد شينا .
بالنسبه لسعر الجاك هو 84 الف ومحدش باعها بأرخص من كده لاموزع ولا غيره . وكيل الجاك جشع طبعا أنا معاكم .....لكن هل باقى الوكلاء مش جشعين يعنى لما ال byd الفول اوبشن توصل 71 الف دا مش جشع والرينو اللوجان توصل 71 الف دا مش جشع والمفروض بدون جمارك . وال m11 أغلا من كده دا مش جشع بالرغم من التقفيل المصرى . والناس إللى بتقارن الجاك b15 ب الbyd وال لوجان والm11 ....معلش يعنى مفيش وجه للمقارنه .....وهثبت ذلك بالتجربه ال byd مع واحد صاحبى معايا فى الشغل وهو إشتراها بعد مأنا إشتريت الجاك ب شهرين ....(السياره لاأختلف إن أدائها تمام ) لكن تعالى شوف التقفيل المصرى ...فروق فى الشنطه (على رأى صاحبها بتدخل فيران ) الدوكو فى الاكصدم الامامى والخلفى قشر .....فروق فى الببان....مشعايز أتكلم عن الخامات الرديئه . اللوجان مع اصدقائى أيضا ....التقفيل مغربى لكن جيد جدا ....لكن عربيه من الماضى ...يعنى تشيل 3 مفاتيح للعربيه وللتنك وللشنطه ....زراير الزجاج فى التابلوه والكلاكس فى دراع الاشاره ....وساده هوائيه واحده للسائق .....بدون إنزار .....سخونه فى الدواسات بسبب دواير التكييف ....أعلا صوت ماتور فى عربيه ..مشعايز أتكلم عن أسعار قطع الغيار ولا الصيانه .....التوكيل انا إتعاملت معاه قبل كده مع عربيتى الرينو اوبتيما (من أسوأ التوكيلات فى مصر ) يعنى لو عربيتك فيها عطل لازم تتصل بيهم الاول ويحددوا لك معاد تروح فيه ......يعنى تركن عربيتك إسبوع أو إتنين وممكن شهر على ماييجى الدور عليك وتروح وتركن العربيه عندهم ولما يخلصوها يتصلوا بيك ........هو ده النظام لو عاجبك ....يعنى بيعلمونا الادب . ال m11 شكلها حلو ....لكن برده تعالى شوف عيوب التقفيل المصرى ....واحد جارى فى ال6شهور الاولى لشرائها غير مارش ودينامو ومكن زجاج وحساس بنزين وأدخل على قسم الm11 وشوف المشاكل .....الجاك كماليات اكتر من الm11 وخامات افضل بكتير .......اير باج ...abs ebd حساس ركن وغيره . من وجهه نظرى لو هدفع فلوس أكتر وأشترى عربيه تقفيل بلدها وخاليه من العيوب ذى الجاك أنا الكسبان ...وكل واحد فينا معاه العربيه بقاله سنه وأكتر لو ظهر من العربيه عيب ذى العربيات التانيه يقول ويغلطنى . وهى الهيونداى rb لماتنزل ب102 الف وبدون كماليات ووسائل امان ذى ال إير باج وال abs , ebd يبقى وكيلها كويس ولا جشع . عايز أقول إن وكيل جاك ذيه ذى كل الوكلاء الجشعين فى مصر ....لكن هما بيزيدوا عنه فى وسائل الدعايه والتوسع فى مراكز الخدمه إنما الجشع والطمع واحد وأنا متأكد تماما لو الجاك مع واحد جشع تانى كانت هتنتشر أكتر عايز أقول للناس بتوع خليها تصدى .....يعنى بقالنا سنتين بنسمع الكلام ده لاشفنا وكيل قفل ولا سوق العربيات وقف ولا العربيات رخصت ولا الناس بطلت تشترى ؟؟؟؟؟؟؟؟................ر مضان كريم عليكم |
| الساعة الآن 05:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017