المشاركة الأصلية كتبت بواسطة megoz_007 (المشاركة 484968)

والله يا جدعان التكييف بتاعها كان بيأثر فى السحب
وانا قلت ان سحبها حلو جدا بس خفيفة جدا وحتى البودى بتاعها بالمقارنة بالجريت وول ضعيف جدا وكنت ساعتها بقول نفس كلامكو ان ثباتها كويس بس لما سقت الجريت وول حسيت بفرق كبير
وصيانتها كنت على طول عند احمد مهران أو مركز المتحدة وكانو مريحنى جدا وقات قطع غيارها متوفرة جدا بس اعطالها كتييير
اما صعوبة ان اى ميكانيكى يشتغل فيها فده موجود فى كل الصينى بس العربية ال113 ميكانيكتها مش سالكة يكفى ان اقولك ان علشان اغير سلك دبرياج اللى هى اسهل حاجة مش محتاجة مركز او توكيل لازم الميكانيكى يفك قلب العربية كله قعد فيها علشان يفك ويربط حوالى اكثر من 3 ساعات
بس والله انا بنقل تجربتى اللى انا شفته وان شاء الله هنقل تجربتى بالكامل عن الجريت وول بعد ال5000 كم لأنى لسة جايبها بقالى تقريبا 3 اسابيع
واللى خايف منه ماضحكشى عليكو قطع الغيار واسعارها وربنا يستر وبالتوفيق للجميع

المشاركة الأصلية كتبت بواسطة megoz_007 (المشاركة 483901)

انا كان معايا اسبرانزا 113 كانت كويسة لحد ما بس فيها مشاكل كتير فى الكهرباء والعفشة سيئة جداااااااااااااا وخفيفة فى السفر وغير ثابتة عند السرعات وعزم الموتور بيقل حدا مع التكييف والسحب بيقل جدا وكل اما اصلح حاجة حاجة تانية تبوظ وقطع الغيار غير معمرة بالمرة بتسخن جدا فى الحر والصاج بتاعها خفيف فراملها ورتنى الويل لحلها
مميزاتها قطع الغيار متوفرة جدا بس مش رخيصة (النضيف منها) سحبها حلو واسعة من جوة

أما بعد ما بعتها وجبت جريت وول بيرى بصراحة فرق كبير فى السواقة والثبات حتى فى الملفات باخدها على سرعة عالية وثابتة
تقيلة على الارض سحبها رائع موفرة جدا فى البنزين عن اسبرانزا حاسس انى سايق عربية بجد مش ورق
لدرجة انى كنت مسافر وسايق على 100كم بالاسبرانزا مراتى تقولى هدى شوية حاسة ان العربية هتطير وبالبيرى سايق على 120 130 وتقول سرع شوية انت ماشى بطئ يعنى بجيب 120 وتحس انك سايق على 80 من روعة ثباتها
بس الله اعلم بقى بقطع الغيار بس علشان تركب عربية كويسة لازم ده يكون له تمن والا عايز توفر اركب 128 او هيونداى اللى انا مش بأطيقها رغم نجاحها الكبير فى مصر عشان مش بنبص الا على رخص قطع الغيار