مصر موتورز مجتمع السيارات - طلب مساعدة في اختيار عربية

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

- - طلب مساعدة في اختيار عربية (https://www.masrmotors.com/vb/showthread.php?t=63763)

رد: طلب مساعدة في اختيار عربية

اقتباس:

ابيزا موديل من موديلات سيات بس التافيل اسباني لاكن الماتور والفتيس والعفشة كلها الماني
ومعانا سيات كوردوبا 2002 1000cc كان بتطلع من اي عربية 1500cc وبتعافر مع 1600cc
ده يدل علي انها عربية محركها ممتاز بالنسبة لسعة الماتور اللي تعتبر صغيرة وكانت ثبتها ممتاز
لاكن الابيزا الشكل الجديد دي طبعا ثبتها هيكون افضل محركها 1400cc مع فتيس dsg سبع نقلات
الفتيس ده نفس اللي معايا في الجولف حاجة حكايا طبعا اداء خرافي انت ممكن تروح معرض سيات وتتفرج عليها
وليك حرية الراي في الاخر انا بس بحاول ادلك علي حاجة تكون مبسوط منها

تمام ان شاء الله هنزل أشوفها انهردة أو بكره

شكرا لاهتمام حضرتكـ ROSE4U

اقتباس:

اولا : لازم تحت فى اعتبارك اعادة البيع وانك ممكن تحتاج فلوسها فى أى وقت يعنى بلغة السوق لازم تجيب عربية بياعة موش تقيله في بعها .
ثانيا : سيبك من اللى بيقولك الكورى تعبان الكورى كل مدى بيثبت جودته والكورى عربيات اعتمادية بتاعت بهدله تتطلع عين العربية سفر موش هتقولك لا + قطع غيارها فى متناول الجميع الحتة اللى هتبوظ حترميها وهتحط مكانها جديد واى ميكانيكى فاهم فيها والدليل شوف قد ايه العربيات الكورى اللى فى الشارع وهنروح بعيد ليه اطلع دلوقتى وبص من بلكونة بيتكم وعد كام عربية كورى واقفة فى شارعكم
العربيات الالمانى صحيح عربيات حلوة بس غالية جدا وفي نفس الوقت قطع غيارها نار جهنم وسيبك من الكلام الفاضى انى هي مُعمرة لانه ده نصيب وعمر ممكن اشترى الحاجة دلوقتى وتبوظ ومن وجهة نظرى الشخصية ان الالمانى لا تصلح في مصر والدليل تلاقى كام عربية جيتا واقفة على الطريق اليومين دول علشان الحر الشديد اللي بقينا زى الخليج فى الصيف والالمانى لما بيسخن اضربه بالنار ومحدش بيفهم فى تصلحية اللى ناس تتعد على صوابع الرجلين هههههه
عاوز تجيب عربية كوووووول والكلام ده من وجهة نظرى متطلعش من اليابانى ثم الكورى
ولذلك ارشح لانسر أكسنت rb مفيش حد عالفكرة قال عليها كلام وحش كله بيقولك عربية جبارة او النترا او تويوتا ودى تبقى كده او نيسان صنى ودى خلاصة تجارب
اه ونسيت اقولك اوعى تقرب من الصينى مع انى عارف ان فى ناس كتير هتزعل
تحياتى

الصني عربية جامدة و سمعتها مبوظهاش غير التقفيل المصري

وتويوتا غالية عليا جدا

اما اكسنت فـ أقل من المطلوب

الألنترا مطلوب شوية معلومات عنها أكتر .. الخليجية و العيوب و المزايا :shyy:

شكرا لاهتمام حضرتكــROSE4U

اقتباس:

متابع
والف مبروك مقدما

الله يباركــ فيك ROSE4U

مفيش شوية معلومات طيب ؟ :shyy:

رد: طلب مساعدة في اختيار عربية

للرفع يمكن حد يساعدني في سعر النترا الخليجي :pty:

رد: طلب مساعدة في اختيار عربية

بصراحة انا مليش خبرة أوى بس انا عن نفسى بعشق الرينو وانا لو مكانك هفكر فى حاجتين بس الداستر والفلوانس يا اما لو بتفكر تجيب وتبيع بعد شوية ومتخسرش خليك فى يبانى أو كورى ممكن تجيب لانسر او مازدا 3 بس مش موديل السنة وربنا يوفقك

رد: طلب مساعدة في اختيار عربية

اقتباس:

الداستر و الفلوانس أول مره اسمع عنهم يريت شوية معلومات :hd:

و المستعمل صعب عشان مش كل شوية ميكانيكي هيبقي عندي دراسة :fun_36_1_26[1]:

شكرا للمساعدة :12A96E~160:

ويريت لو حد يعرف النترا الخليجي بكااام

رد: طلب مساعدة في اختيار عربية

لا حضرتك انا مقصدش مازدا مستعملة انا اقصد مازدا زيرو 2010 هو موديل 2011 فول اوبشن مانيوال عامل 132 يبقى موديل 2010 زيرووو هيكون فى حدود 120-125 ألف وطبعا مش محتاج اكلمك عن العربية ........... أما بالنسبة للداستر والفلوانس دور فى قسم الرينو وهتلاقى موضوعات كتير عنهم ودى أهمهم
ده للداستر
http://masrmotors.com/vb/showthread.php?t=28048
وده للفلوانس وعلى فكرة الفلوانس فى الحقيقة أجمل من الصور بكتير وخصوصا اللون الأبيض منها تحفة التحف
http://masrmotors.com/vb/showthread.php?t=41010
وياريت تقولنا بقى كلية ايه يمكن نطلع زملاء ولا حاجة

رد: طلب مساعدة في اختيار عربية

اقتباس:

المشاركة الأصلية كتبت بواسطة young..pharaoh (المشاركة 481658)

السلام عليكم ورحمة الله و بركاته

عندي كام سؤال و طبعا أملي فيكم كبير انكم تساعدوني

ناوي ان شاء الله اشتري عربية في حدود ال 120 و ممكن تزيد شوية لو لضرورة

بصراحة محتار جدا لان مفيش احتمال تتغير قبل 6 سنين مثلا :red_face10:

معظم الوقت هتبقي التنقلات فردية و سفر يومي عشان الكلية

الاوبشنز و التكيف مهمين جدا :fun_36_1_47[1]:

ناس كتير قالت السيراتو جامدة .. بس بصراحة متشائم منها
لأن صاحب ابن عمي نزلت منه عجلة في بلاعة مفتوحة
العربية طارت بمعني الكلمة و بعدها ولعت
الحادثة مشهورة اللي كانت في اسماعيلية من كام شهر

وفي ناس بترشح النترا الجديدة الخليجية بيقولوا اوبشنز عالية جدا و اوفر من المصري ؟!
بس هتبقي في حدود كام ومنين؟! و ايه عيوبها و مميزاتها

و اخبار عوامل الأمان في الالنترا عشان قريت واحد كاتب في مشاركة قبل كدا انها صفر :09C207~188:

و لو حد عنده اقتراح تاني يقول اسبابه

و شكرا مقدما ع المساعدة :fun_36_3_11[1]:

:fun_36_1_39[1]:

راي تجيب عربيه اوكتافيا a5 استعمال موديل 2007 عربيه تحفه
انا معايا اوكتافيا a4 موديل 2008 بصراحه عربيه لو ركبتها وبعدين ركبت الكوري تكره العربيات اصلا
وانا بفكر في a5 لانها امكانيتها اكتر واجمل

رد: طلب مساعدة في اختيار عربية

اقتباس:

الفلوانس شكلها لذيذ بس بكام و اوبشنز و موتور زي النترا ولا أقل :THUMBS~220:

وأنا في كلية حاسبات و معلومات و هحول هندسة العاشر السنة دي ان شاء الله .. و حضرتك ؟