المشاركة الأصلية كتبت بواسطة MmFFoR (المشاركة 478388)

مميزات المستعمل في مصر:

1- سعر اقل
2- سهولة الصيانة في اي مكان خارج التوكيل
3- عدم الاضطرار الى القيادة 60 كم ذهابا و مثلهم ايابا ( لان معظم التوكيلات في ابو رواش ) و
4- تضييع يوم او يومين من العمل لعمل صيانات دورية تافهة اي ميكانيكي يقدر يعملها في ساعة زمن اخر النهار بعد ما ارجع من الشغل ( تغيير بوجيهات و فلاتر و غيار زيت او حتى تيل فرامل او اسطوانة و ديسك او سير كاتينة ) و بربع تكلفة التوكيل سواءا في المصنعيات او الخامات
5- تناكة الوكيل و اشتراطاته التي لا تنتهي - بعدم اجراء اي تعديلات ميكانيكية او معدنية او حتى كهربية في السيارة حتى و ان كانت تغيير كاسيت التي تشعرك ان السيارة ليست ملكك و انك مستلفها من واحد صاحبك
6- عدم مصداقية اغلب التوكيلات المصرية و ساعة الجد يشيل ايده يا اما يلبسك العمة و يقولك عيب استخدام يا اما يقرفك و يزهقك و يخليك تيأس ان العيب يتصلح - عن طريق الادعاء بان قطع الغيار غير متوفرة او محاولة اصلاح الجزء المعيب او تلصيمه مرارا و تكرارا حتى مرور فترة الضمان و انتهاءها - محاولة الايحاء للعميل ان العيب تهيؤات و انه لازم يشرب كوباية لبن دافية بالليل قبل ما ينام و يستغطى كويس - عمل صيانات غير ضرورية فقط لزيادة الفاتورة المستحقة
7- رعونة قائدي المركبات الاخرى و عدم احترامهم ليك و لاولويتك في الطرق عند رؤية سيارتك الزيرو
8- الحسد على ودنه
9- اكثر عرضه للسرقة لانها اكثر قيمة
10 - خسارة ما بعد البيع امر اساسي على عكس المستعمل ممكن تشتري و بعد سنة تبيع زي ما اشتريك او اعلى كمان انت و شطارتك في الشراء و البيع

مستني ردود يا شباب:fun_36_3_11[1]:

المشاركة الأصلية كتبت بواسطة adamlion (المشاركة 784775)

انالى راى ان الافضل فى كى الاختيار دائما هو ان تشترى مستعمل ولكن كسر زيرو ولايتعدى عمرالسيارة المستعمل عن خمس سنوات كحد اقصى لان اكثر من خمس سنوات هترمى فلوس
على الارض.
:fun_36_3_1[1]:
تحياتى ادم