المشاركة الأصلية كتبت بواسطة essamenen (المشاركة 476122)

فى عربيات النقل يتم توصيل بطاريتين على التوالى ليعطى 24 فولت لان العربيه باكملها تعمل على 24 فولت
لو وصلت 2بطاريه على التوازى برضو هتديك 12 فولت بس هتديك فتره اكبر علشان تنام يعنى لو بتشغل حاجات كتيره والعربيه مش شغاله بيقى لازم تجيب 2 بطاريه
مش هينفع تشغل بطاريه للمحرك والاخرى لباقى العربيه لانك فى تلك الحاله محتاج 2 دينمو علشان تفصل الدائره الكهربيه عن بعضها
ولو شغلت 2 بطاريه علشان تزود عمرها الافتراضى برضو مش هينفع لان كل بطاريه تعتمد على مده الشحن والتفريغ فالاثنين هيتشحنو فى نفس الوقت ويفرغو فى نفس الوقت يبقى عمرهم الافتراضى هينتهى فى نفس الوقت يبقى خسرت بطاريه على الفاضى
لو وصلت 2 بطاريه على التوازى الامبير هيذيد بمجموع الامبرين على فرضا الاثنين 70 امبير يبقى اكنك موصل بطاريه واحده 140 امبير وبيتهيالى الاستخدام العادى مش بيحتاج كل الامبير ده

المشاركة الأصلية كتبت بواسطة karim kimo (المشاركة 476410)

التوصيل هيكون على التوازى وهفصل بين البطاريه الاساسيه والبطاريه التانيه بكتاوت وكده فى حاله تشغيل العربيه 2 بطاريه هيتوصله على بعض ولو العربيه واقفه هيتفصل التوصيل الى بينهم والبطاريه الاساسيه تكون فى حالها والتانيه لتشغيل اى حاجه فى العربيه وبكده عمرى ماتعرض ان البطاريه تنام منى

المشاركة الأصلية كتبت بواسطة essamenen (المشاركة 476634)

كتاوت الشحن وظيفتها تفصل الكهرباء الناتجه عن الشحن للبطاريه لما شحن البطاريه يكتمل ولو فيه سحب او مشغل اى حاجه هتسحب من البطاريتين مع بعضهم
حتى لو مركب كتاوت ممكن تعمل حاجه افضل تعمل مفتاح فصل لطرف البطاريه الموجب الى حضرتك عاوز تعمله استبن بحيث تشغل العربيه ولما تمشى بيها5 دقائق تفصل من المفتاح ولما تيجى تشغلها تانى تبقى تشغل المفتاح .
بس ليه ده كله بطاريه 70 امبير و دينامى تمام و ضفيره العربيه سليمه تغنيك عن كل ده

المشاركة الأصلية كتبت بواسطة karim kimo (المشاركة 476735)

انا قصدى على كتاوت زى بتاع النور او الكلاكس ويتوصل على الكونتاكت