رد: ايه العدد الاساسية اللازم وجودها مع سائق السيارة للظروف الطارئة
 

أحب أضيف كام حاجة أكيد ممكن تحتاجلها وعن تجارب ..

متستغربوش يا جماعة ان ممكن يكون

1 - معاك ورقة لحمة :dzy:

واحد جارى العربية جابش من جوان وفصل جوان على ورقة لحمة لحد ما وصل للميكانيكى

2- سرنجة فاضية من غير ابره طبعاَ

لانى كنت فى بنزينة بزود زيت الباور والصنايعى فى البنزينة زود زيت الباور لحد الغطا بتا العلبة يعنى فوق كلمة

max بكتير جدا وكنت لازم اشيل الزيت الزياده دا كله وارجعه العلبه تانى وكان الحل هو

الشفط بالسرنجه.

3- كشاف دينمو مش حجاره ب 4 جنيه ودا عشان الحجاره متعملهاش معاك فى عز الزنقة .

4- شريط لحام احتياطى معرفش ليه حاليا بس اكيد هينفع .

5 -قماشة نضيفة واخرى زفره .

6 - دبوس ابره لزو عمل كوبرى لا قدر الله لو مكان فيوز اتحرق او تسلك بيه مخارج المياه فى الكبوت لو اتسدت.

7 - واخيرا خشبة او ماسوره تبقى شمالك جنب الكرسى من تحت لزوم الدفاع عن النفس فى حالة الطوارىء:070104~242:

دا طبعا بعد العدد اللى الساده الأفاضل أشارو اليه من مفاتيح وخلافه وهى الأهم طبعا ..

بس انا قولت يمكن حاجه من دول تنفع حد فى وقت الشده :fun_36_3_11[1]: