المشاركة الأصلية كتبت بواسطة hero2h (المشاركة 474702)

(بسم الله)
السلام عليكم
اول ما استلمت العربية كانت لمبة لبنزين منورة
المهم بعد ما اخدتها من المخزن او الجراج اللي فيه العربية ورحنا المعرض خلصنا الورق ومشيت بها شوية وبعدين رحت فولتها ب 70 جنيه بعد كده بصيت علي العداد لقيت العربية عامله 19 كم اول ما اتفولت ودلوقتي ماشية 482 لغاية لما اللمبه نورت
يعني مشيت تقريبا بيها حوالي 460 كم لغاية اما لمبة البنزين نورت تاني
مع العلم اني مشيت منهم اقل من 100 كم خارج المدينة
والباقي كله داخل المدينة
فهل ده يعتبر معدل استهلاك كويس ولا زيادة ولا ايه ؟
وياريت اعرف اول ما لمبة البنزين تنور ممكن امشي عليها كام كيلو ؟
وشكرا مقدما

المشاركة الأصلية كتبت بواسطة hero2h (المشاركة 475314)

اكيد بتفرق طبعا كتير
وشكرا لاهتمامك
وربنا يباركلك في عربيتك ويكفيك شرها[/QUOTE

انا سالت واحد معاة نفس الموديل وقالى انة بيعمل من 200 الى 230 كيلو فى الصفيحة بس خد بالك انى الراجل دا سواقتة هادية يعنى مش بيحرق على الغيار كتيير فمتهيقلى انت كدة مستوى البنزين عندك فل فل ما شاء الله
بس نصيحة منى متخليش التنك يخلص وتحط بنزين لانى كدة الشوائب بتاعت البنزين هتركن فى القاع وتلاقى الفلتر اتسدمنها لانى البزين بتاعنا وحش حتى لو 95 صدقنى ابتدى حط بنزين لما تلاقى ربع التانك كدة باقى

المشاركة الأصلية كتبت بواسطة احمد الشناوى1981 (المشاركة 475574)

مبروك العربيه و ربنا يبارك لك فيها
سؤال حضرتك مش دقيق لان انت لما اخدت العربيه كانت لمبه البنزين منوره و ممكن تكون فى اول الاحتياطى و ممكن يكون التانك فى آخرة و قربت تشطب بنزين و كمان انت بتقول انت حطيت ب 70 جنيه
ب70 جنيه ايه بالظبط 92 و الا 80 و الا سولار و الا ايه بالظبط يعنى احنا يهمنا كام لتر مش دفعت كام فى البنزينه

حطيت 92 يعني تقريبا 37 لتر

المهم :
1- انت لسه مستلم العربيه و فى ال 1000 كيلو الاولى مبيكونش الاستهلاك مظبوط بعد صيانه الالف نبدأ نحسب الاستهلاك

اه تمام

2- علشان تحسب استهلاك البنزين يبقا حضرتك هتفول العربيه و تاخد رقم العداد و تروح اى مشوار على السريع و لما ترجع تفول تانى و تاخد رقم العداد و تشوف هى اخدت كام لتر و مشيت كام كيلو و ده هيكون استهلاكها على السريع و بعدين تكرر نفس الموضوع بس المره دى تمشى بالعربيه يومين تلاته جوه البلد و بعد كده تقولنا معدل اسهلاكها جوه البلد كام و فى السفر كام .

اه تمام كده

فى النهايه انا لسه عامل الموضوع ده فى عربيتى ..فولت فى طنطا و كنت رايح اسكندريه مشيت 136 كيلو و لما فولت اخدت 10 لتر يعنى بمعدل 7.3 كل 100 كيلو

المشاركة الأصلية كتبت بواسطة hero2h (المشاركة 475786)

الف شكر يا استاذ احمد
بس ياريت اعرف من حضرتك لما اللمبة تنور ممكن امشي كام كيلو بيها ؟؟

المشاركة الأصلية كتبت بواسطة احمد الشناوى1981 (المشاركة 475923)

آسف و الله مش عارف الاحطياطى بتاعها كام لتربالظبط بس هو تقريبا 6 او 7 ليترو الله اعلم
و ياريت تقولنا معدل استهلاك البنزين عندك كام بعد صيانه الالف