رد: مشكله لما العربيه تسخن
 

استاذ حسام انا متشكره جدا وتعبت حضرتك معايا جدا

الموتور عندى 1600cc موديله M10

الفتيس الى عندى زى الى فى الصوره دى:
http://bmwfans.info/parts/catalog/E2..._transmission/

مواصفات العربية بالكامل:
http://bmwfans.info/parts/catalog/E2.../april/browse/

امبارح العربيه عملت حاجه جديده
اول ما اشغلها تبقى على التانى على طول
من غير ما تاخد الاول
وطبعاً الطلعه بتبقى تقيله جدا
والمارشيدير مش شغال
لما باخد مارشيدير كانى على N
الكلام دا والعربيه بارده او سخنة

رد: مشكله لما العربيه تسخن
 

يا فندم تعبك راحه ..

لو حضرتك شفتى موضوعى هتلاقى انى عندى مشكلة تشبه كتير مشكلة حضرتك .. واعتقد السبب فى الاتنين واحد ..

للاسف الشديد كده حضرتك هتحتاجى تغيرى فتيس زى ما قلت لحضرتك قبل كده ...

رد: مشكله لما العربيه تسخن
 

كأجراء وقائي يتراجع علي نضافة و صحة تثبيت كل فيش الفتيس بالاضافة لكل فيوزات المنظومة و قاعدة الفيوزات
برضه من الناحية الميكانيكية التأكد ان عصاية الفتيس بوصلاتها مش مبوشة
و حكاية مصفاة الزيت هي طول عمرها كانت بتتغسل و لا في منها جديد؟

رد: مشكله لما العربيه تسخن
 

شكرا بشمهندس احمد على

---------------------

كلمت الميكانيكى عن المشكلة ، فماكنش فاضى ، وادانى معاد اجيبله العربيه بعد كم يوم
ركنت العربيه الكم يوم دول ، وبطلت استخدمها
فى المعاد شغلت العربية عشان اروح بيها للميكانيكى ... ايه الحصل بقى ؟

الفتيس شغال وبيغير عادى
المارشيدير اشتغل والعربيه بترجع لورا عادى خالص

اول ما اشغل الفتيس بيبقى على الاول عادى
ولما اسحب بالعربية بينقل من الاول للتانى عادى
ولما اخف السرعة بيرجع للاول طبيعى

المشكله فى النقله من التانى للتالث
لما اخف السرعة مش بيرجع من الثالث للثانى
لما جربت اثبت عصاية الفتيس على التانى ... الفتيس اشتغل طبيعى (بين الاول والتانى)

لما العربية سخنت فتره قصيره المشكله ما ظهرتش
الحقيقه خوفت اسيبها سخنه فتره طويله

دلوقت الميكانيكى لو روحت له بالعربيه هيفك الفتيس
وانا حاسه كدا ان المشكله مش عويصه

فايه رائكم فى الى بيحصل دا ؟ واعمل ايه ؟

رد: مشكله لما العربيه تسخن
 

ما هي المشكلة لسة موجودة
ان من ساعة ما العربية ابتدت تسخن بصورة غير طبيعية يبتدي الفتيس يخرف
فلازم تتعالج مشكلة السخونية اولا قبل اتخاذ اي قرار مكلف

رد: مشكله لما العربيه تسخن
 

المشكلة فى القربة (torque conventer) او فى كلاتشات مجموعة النقل بين التانى والتالت ..


وللاسفصعب الفتيس الاتوماتيك يتصلح ويرجع زى الاول .. فنصيحتى لحضرتك تجيبى من الاخر وتغيريه .. بدل ما تصرفى على الفتيس القديم وفى الاخر ميتصلحش برضو ...


انا عارف انى ممكن اكون عملت لحضرتك حالة احباط .. بس للاسف هو ده الواقع وانا مش عاوز حضرتك تغرمى فلوس ومجهود ع الفاضى ...

رد: مشكله لما العربيه تسخن
 

من خلال خبراتكم (وخاصة الاخ حسام) - بماذا تنصحونى عند شراء فتيس استيراد ؟

يعنى ايه الحجات الى اخد بالى منها واركز عليها ؟

طبعاً هيكون معايا ميكانيكى - لكن ممكن تفوت عليه حجات ، فأنا عايزه خبرتكم ، يعنى لو انت الى هتشترى الفتيس الاستيراد ، هتعمل ايه ؟ وتفحصه ازاى ؟ وتتأكد انه حالته كويسة ازاى ؟