رد: اتمنى مساعدتكم ... للاهميه
 

اولا اشكر الجميع ع الرد... بالنسبه لاسالتك استاذ شريف
اولا العربيه بتاعتى انا شخصيا.. وانا بنت لست متزوجة علشان يكون عندى اولاد..
بالنسبه للسفر عادى يعنى مصايف دراسة للجامعه طبعا مش بشكل يومى
ومفيش مشكله لو حد فى البيت ركبها معايا اخويا مثلا
بالنسبه للدفع.. كاش ان شاء الله
بالنسبه لموضوع الكورى .. مش فكرة الفكرة ان الناس بمصر نصحونى بيه لوفرة قطع غياره
وانا يهمنى بالعربيه شكلها يكون انسيابى وكيوت.. وتكون اتوماتيك ومييزة واوبشنها حلو مش بسيط...

رد: اتمنى مساعدتكم ... للاهميه
 

اوك هعرض عليكي شوية سيارات واتمني انهم يلاقو اعجابك
1 - نيسان تيدا والسبب سيارة يباني - انسيابية جدا - عملية في استهلاك البنزين - شكلها بناتي وخصوصا الهاتش باك وسعرها اقل من الالنترا يعني حوالي 115000
2 - متسوبيشي لانسر السبب سيارة يباني برضو - ممتازة في اعاده البيع - قطع غيار متوفرة جدا عند كل الناس - محبوبة الشعب المصري وسعرها الهاي لاين بفتحة السقف وموتور 1600 وخمس جنوط اسبور واسبويلر وفوانيس شبورة وكماليات اخري كثيرة جدا حوالي 130000 الهاي لاين بتعتها
3 - كيا سيراتو السبب انها سيارة منتشرة جدا في السوق دليل علي قبولها من الشعب وتوكيل محترم جدا جدا وعن تجربة وسيارة انسيابية فعلا وشكلا وموضوعا جميلة
وسعرها برضو حوالي 114000 الي 128000
وهناك اسعار سيارات تانية كتييييييييييييييييييييييي ر ازا حبيتي تعرفيها وموديلات تانية ارشحهالك لو حبيتي تعرفي عنها اي معلومات انا في خدمتك وبالتوفيق :14BFD8~148:

رد: اتمنى مساعدتكم ... للاهميه
 

من راى الشخصى ان النترا 2012 بجد غالية اوى ولو انت بتحبى الكورى هاقولك على عربية تحفة veloster 2012 بديلة هيونداى كوبيه بس ليها بابين فى جنب السيارة الايمن واثق انها هتعجب حضرتك
http://worldwide.hyundai.com/showroo...r-gallery.html
دة لينك مباشر لصورها ولو عجبتك ابعتلك مواصفاتها
:129E17~143:

رد: اتمنى مساعدتكم ... للاهميه
 

نصيحه شخصيه انا قعدت ادور فى كل حته و قلبت عربيات مصر كلها و فكرت فى الرينو فلونس (عربيه محترمه على فكره) بس فى الاخر رحت للالنترا اللى 130 الف اتوماتيك abs + air bag
وان شاء الله هزود بس بعد شويه جنوط 17 black حاجه محترمه و xenon و هعمل tint على الازاز ودمتم بصراحه الالنترا عربيه بجد ما شاء الله

رد: اتمنى مساعدتكم ... للاهميه
 

استاذ شريف ميرسى جدا لزوقك وهشوف طبعا عروضك وهفكر فيها...
وهشوف السيارات دى كلها تانى ع الطبيعه.. مع اختلافى فى موضوع الكيا لان معظم صحباتى حزرونى جدا منها...
وغير انهم حزرونى لها مشكله شفتها بعينى ودا سبب فى تراجعي ليها
لى جارى طيار وصديق.. ركن عربيته تحت بالصدفه ولاول مرة علشان نازل بسرعه وكان معدى تاكسى وخبط فيها مع انه كان مهدى معرفش ازاى وليه بس فوجانا بان العربيه اتخرشمت:12422A~17: راح بيها التوكيل عارف دفع كام..؟!!
حدث ولا حرج 15 الف جنيهايه ياترى
معرفش لحد الان ليه بس دا خلانى اتراجع تماما فيها حسيتها ورق بجد شكل ع الفاضى
طبعا مش عايزة اقولك انى كنت ايامها داخل بدماغى الكيا البيكانتو الجديدة
قلت لا :12F099~16: مش هجيبها خلاص دا طبعا غير الزن بتاع صديقاتى وعيوبها وكلام كدا غريب عن العفشة بس ياسيدى

رد: اتمنى مساعدتكم ... للاهميه
 

ريان العربيه فعلا وشكله تحفه فعلا وشكلها كيوت موت بكام دى؟؟
بس موضوع الكوبيه والبابين بس دى مش عارفه نظامها اى لو حاولت ابيعها؟؟؟؟

رد: اتمنى مساعدتكم ... للاهميه
 

العربية مش 2 باب
الجنب اللي جنب السواق في 2 باب و من ناحية السواق باب واحد يعني الرعبية فيها 3 باب واحد من ناحية السواق و 2 من الناحية التانية