|
رد: اشتريها ولا ايه رايكم
وكنت عايز اسالكم لو الفلوس معايا وصلت 28 الف اجيب هيونداى اكسل ولا شاهين هل دا يكون خيار افضل ليا وهل هقدر احافظ على العربية ولا هبهدلها مع العلم انى بتعلم سواقة بسرعه الحمد لله وبحب احافظ على حاجتى ولو جيبتها همشى بيها جوه المدينه فى الاول لغاية مابقى تمام وبعد كده ابقى اطلع بيها على الطريق ياريت تفيدونى بالرد زى ماعودتونى دايما بالافادة |
رد: اشتريها ولا ايه رايكم
28 الف مش هايجيبو هيونداى حالتها كويسة ....هايجيبو هيونداى حالتها زى الـ 128 دى
للاسف الاكسل لسة ماسك سعر لغاية النهردة بيتحط فية 37 الف امبارح جبت شاهين شركة برة وجوة باور وحركات كدة بـ 35 الف الـ 28 الف دول ممكن يجيبو سوفت نمرة واحد مش رشة او ممكن يجيبو لانسر 90 حالتها كويسة او يجيبو لادا 2004 فابريكة مممممممممممم اية تانى يا محمد فكر معايا ممكن بـ 20 الف تجبلك سيتروين AX ناهيك بقى عن الجولفات والكلام دة ربنا يكرمك بحاجة كويسة |
رد: اشتريها ولا ايه رايكم
بص يا محمد باشا ال 28 يجبولك افضل 3 موديلات في الشاهين من 96 الي 98 فبريكة وحالتها ممتازه
بس لو انتا هتجيب عربية تتعلم عليها وبعدين تغيرها يبقي خليك في ال 128 او 127 موديل 80 مثلا تعمل في حدود 11000 جنيه لكن لو هتجيب حاجه تقعد معاك فترة يبقي خليك في الشاهين لو عايز حاجه ناعمه يبقي خليك في الاسكودا الفليشيا |
رد: اشتريها ولا ايه رايكم
ال 28 الف يا باشا من غير تفكير تجيب بيها جولف 2
بس شوف الموديلات العالية يعني 1989 - 1991 اهم حاجة الحالة تكون فابريقة جوا و الموتور شغال ( مش لازم يكون 10/10 لان موتورها بفتيسها ب 3 باكو ) الجولف قطع غيارها متوفرة و رخيصة و عربية دكر بجد اللي بيبيع حيتكلم الاول في 30 - 35 الف ده الطبيعي لكن لو الفلوس حاضرة بيخلصوا على 28 - 29 لانها تقيلة في البيع فما بيصدق واحد جاهز و مش تاجر |
رد: اشتريها ولا ايه رايكم
انا شاكر لكل الاعضاء اللى شاركونى برأيهم واتمنى ان ربنا يوفقنى فى الاختيار وان شاء الله الاقى 128 موديل التمنينات اتعلم عليها السواقة تكون حالتها نضيفة وتستحمل وتخدمنى فى مشاويرى وربنا يجزيكم عنا خير |
| الساعة الآن 12:22 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017