مصر موتورز مجتمع السيارات - ممكن حد يقولى ابتدى ب اية فى تظبيط العربية دى

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - ممكن حد يقولى ابتدى ب اية فى تظبيط العربية دى (https://www.masrmotors.com/vb/showthread.php?t=62662)

رد: ممكن حد يقولى ابتدى ب اية فى تظبيط العربية دى

مبدئيا يا ريت تصور لنا العربية صور بالنهار وركز على الاماكن اللى محتاجة شغل علشان نقدر نفيدك بدقة ...

بالنسبة لتغيير اللون .. انا منصحكش بيه خالص ..

اولا هيقلل من قيمة العربية جامد عند بيعها .. وهيخلى شكلها وحش جدا لما تيجى تفتح اى باب او الشنطة بسبب اختلاف اللون اللى جوه عن اللى بره ..

عموما تغيير اللون مفهوش مشكلة من ناحيه المرور .. العربية هتدخل فحص وتطلع رخصة جديدة باللون الجديد ...

بالنسبة للتعديل .. اه حاجة الميزانية .. فلازم ترسينا ع الحوار علشان برضو نقدر نفيدك كويس ...

على فكره الجنط كفيل بقلب كيان العربية .. انا رأيى ان الجنوط اهم حاجة فى التعديل ...

رد: ممكن حد يقولى ابتدى ب اية فى تظبيط العربية دى

اقتباس:

المشاركة الأصلية كتبت بواسطة حسام البورسعيدى (المشاركة 472968)

متشكر يا باشا
اول حاجة انشاء الله هصور العربية الصبح بالتفصيل
ثانيا الميزانية يا باشا انا مقسمها على كل شهر ممكن الف او الفين بس كولو مش مرة واحدة
ثالثا انا كنت سالت واحد صاحبى على الجنوط الى الجنط الواحد الاصلى ب1000 يعنى اصرف 4 الف على الكوتش حرام يعنى فلو فى جنوط اقل هتبقى بكام و اية الى هيخنلف فية عن الاصلى
و انا هاخد بنصيحتك و مش هغير لون العربية
و ممكن تقولى رايك فى العربية عموما اقصد الريجاتا يعنى
شكراااااااااااااااااااا
شكر وتقدير

رد: ممكن حد يقولى ابتدى ب اية فى تظبيط العربية دى

اقتباس:

المشاركة الأصلية كتبت بواسطة RAYAN (المشاركة 472959)

بيتهيألى لو اترشوا احمر اكيد هيبقوا جامدين
وانا ممكن اصطاد فالمية العكرة واقولك ان الفرش بتاع عربيتك عندى وهاعملك خصم عشان مصر موتورز :hehehe:

اصل في ناس قالتلى هيبقى العربية كلها لونه احمر و دول فيبر يعنى لو اتلونو هيبقى شكلهم وحش فمش عارف اعمل اية
و يا باشا انا هاخد براى الناس و اخلى الفرش فى الاخر خالص و انشاء اللة هنتعامل مع بعض
yesyes

رد: ممكن حد يقولى ابتدى ب اية فى تظبيط العربية دى

اقتباس:

المشاركة الأصلية كتبت بواسطة omiga (المشاركة 473009)

تحت امرك يا باشا ..

بالنسبة للجنوط انت ممكن تركب جنوط 14 او 15 مش اكتر من كده علشان تحافظ على العفشة وسحب العربية ...

علشان تجيب طقم جنوط كويس ممكن يكلفك 3 الاف .. وللاسف الجنوط تعتبر اغلى تعديل فى العربية بس فى المقابل بتدى منظر رائع للعربية ..

ممكن تشوف جنوط استيراد تكون نضيفة وسعرها كويس ..

فانتا عاوزلك لفه عند بتوع الجنوط وتقارن الانواع والاسعار وتشوف اسعار الكاوتش وشوف دماغك فيها ايه ...

الميزانية عندك كويسة وتقدر تعمل حاجات كتير باذن الله ..

فانا عاوزك تقعد مع نفسك وتجيب ورقة وقلم وتكتب كل حاجة عاوز تعملها فى العربية ..

طبعا تبتدى بالاساسيات (ميكانيكا - كهربا - عفشه - سمكره ودهان) .. وبعدين الكماليات ...

وشوف انتا نفسك فى ايه وقولنا وباذن الله هتلاقى افكار كتير ومعلومات كتير فى ردود الاعضاء هنا ...

انا رأيى الريجاتا عربية جميلة جدا بالنسبة لسعرها تحس انها متطورة على سنها ومن العربيات اللى بيبان فيها التظبيط ....

ربنا يباركلك فيها وتظبطها وتخليها عروسة باذن الله ...

رد: ممكن حد يقولى ابتدى ب اية فى تظبيط العربية دى

اقتباس:

المشاركة الأصلية كتبت بواسطة حسام البورسعيدى (المشاركة 473014)

متشكر جدا على ردك يا باشا

رد: ممكن حد يقولى ابتدى ب اية فى تظبيط العربية دى

اقتباس:

المشاركة الأصلية كتبت بواسطة omiga (المشاركة 473010)

انا مازلت عند راى ان لو انت مغير شكلهم يبقى ياخدوا نفس لون العربية وانت لو متردد بص على العربيات الجديدة هتلاقى ان كلها لون واحد ما عدا الاطارات :w6w2005041122063463 وربنا يوفقك وتعمل عربية حلوة زى الصورة اللى بتحلم بيها

رد: ممكن حد يقولى ابتدى ب اية فى تظبيط العربية دى