مصر موتورز مجتمع السيارات - عقدة دهان الفبريكة

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - عقدة دهان الفبريكة (https://www.masrmotors.com/vb/showthread.php?t=62515)

رد: عقدة دهان الفبريكة

يا جماعة أنتم بتقولوا ايه.. دهان المصنع لا يعلى عليه. الناس مش عارفة الفرق بين دهان المصنع ودهان الصنيعى. دهان العربية فى المصنع بيكون على الصاج على طول لان الصاج بيكون مشدود ومش فيه أى أعوجاج فمش بيحطوا معجون خالص.. وفى بعض المصانع بتدهن العربية عن طريق وضعها فى أحواض من الدهان فبيكون اللون فى كل صاج العربية بلون واحد. دهان المصنع بيكون عمرة الإفتراضى على الأقل 25 سنة وهذا بإفتراض حسن العناية وعدم الغسيل بمواد كاوية ووضعها فى الجراج.

أما دهان الصنيعى فبيختلف من شخص لاخر على حسب الأدوات والطريقة. وكمان على حسب عدلة الصاج والبارومة. يعنى ممكن البارومة فى العربية تخلى السمكرى يغطيها وأدهن يا عم وبعد شوية يظهر البارومة ضربة فى العربية كلها. وفى صنايعية بيجيبوا دهانات أى كلام وكله على حسب سعرة. فى مدينتنا مثلا فى صنايعى بياخد دهان العربية خوارج كلها بحوالى 450 جنية وطبعا بعد أقل من سنة الدهان يطرقع ويقشر ويقع زى قشر البيضة. وفى ناس بتدهن فى أفران يمكن بأكثر من 2000 جنية ودة بيقعد أكتر بل هل فى دهان ممكن يقعد 25 سنة بدون تغير... أشك

إذا دهان المصنع هو ضمان أن ممكن الدهان دة يستمر لمدة طويلة وكمان أن مش فى بارومة أو سمكرة فى العربية... علشان كدة لما تشوف عربية بدهان المصنع أعرف ان مش فى خم زى اللى ممكن يحصل لما تشترى عربية مرشوشة.....

رد: عقدة دهان الفبريكة

اقتباس:

المشاركة الأصلية كتبت بواسطة tham1010 (المشاركة 471218)

اقتباس:

المشاركة الأصلية كتبت بواسطة tham1010 (المشاركة 471218)

إذا دهان المصنع هو ضمان أن ممكن الدهان دة يستمر لمدة طويلة وكمان أن مش فى بارومة أو سمكرة فى العربية... علشان كدة لما تشوف عربية بدهان المصنع أعرف ان مش فى خم زى اللى ممكن يحصل لما تشترى عربية مرشوشة.....

انا اتفق مع الاستاذ tham1010 عندو حق في في كلامو

رد: عقدة دهان الفبريكة

شكراً يا ايمن على الطرح المفيد وانا معاك فى بعض الجزئيات ومش معاك فى الاخر وهوضح بالتفصيل علشان الموضوع ليه اكثر من جانب

اولاً عايزين نفرق بين

1. دهان الفابريكا
2. ما يسمى برش نظافة ( لعلاج الخدوش )
3. دهان جديد تماما (لعلاج حوادث )
4. دهان الستايلنج ( للناس الرايقة )

دهان الفابريكا طبعاً اكثر دقة وبيتم بميكنة حديثة وبمراحل احيانا ما بتكون معقدة وفعلاً افضل جودة وقيمة من الدهان المضاف
وفى نقطة القيمة ديه لازم نفرق برضو بين دهان عربيه فى فئه 50 غير 100 غير 200 الف
كل ما كانت العربيه فى فئه اعلى كل ما كان الدهان الاصلى قيمتة اكبر

2. دهان الخرابيش ومعالجتها ولو وصلت لاعادة الدهان وهو ما يسمى برش نظافة ممكن يكون قيمة مضافة او سلبيه

المهم ان رش النظافة ده مفيهوش استخدام الرد بالنار او الحموات واللى بيحصل ان العربيه تتسنفر كويس اوى وتاخد معجون خفيف على اى انبعاجات بسيطة وتتسنفر تانى وتاخد فيلر وتترش وتاخد حقها فى الفرن وتاخد حقها من الخامات والورنيش وبعدين تطلع تتسنفر بالبولش مرة واتنين

لو انت عملت ده فى عربيه موديل 2000 فيها خرابيش يبقى عليت من قيمة العربيه مش قللت

بس هى المشكلة ان واحد زيي لو هشترى عربيه مرشوشة على اساس انها نظافة لازم هضطر افك البيبان والرفافر وشوف من الناحية التانية انها فعلا مش واخدة حموات

3. اعادة الدهان الكامل وده النوع الاقل قيمة او الاكثر تأثيرا على قيمة العربيه
وكل ده احنا بنتكلم عن الدهان الخارجى بس مش الداخلى
الدهان الكامل معناه ان العربيه نظراً لحادثة مش خرابيش اخدت بنط وحموات ويمكن زراجين علشان تتعدل تانى
وده معناه حاجات كتير
متانة الصاج نفسها اتغيرت ، الحموات مسمعة فى الناحية التانية من الصاج (الدواخل) مثلا دواخل البيبان او الرفارف وغالباً بيترش من بره بس وبالتالى بيبقى الداخلى عرضة للبارومة
المعجون اللى لازم هيبقى بطبقات اسمك ومعالجة الدهان اللى ياعالم تمت صح ولا لاء وحاجات كتير بتدخل المشترى الحريص فى شك ومحتاج يراجع على كل سم فى العربيه

ويبقى ان واحد جايب العربيه جديد او مستعمل ومش عاجبة لونها وحالة الصاج نظيفة وكلف العربيه وطلع تحفة فنية ديه فيه كتير بيقدر وبيفهم وبيعتبر ان الشغل ده قيمة مضافة للعربيه مش حاجة تقلل من قيمتها
وبنشوف ناس كتير بتعلن عن عربياتها وتقول اللون الاصلى كذا وتم تغييره لكذا وبوية نوعها كذا والمعاينة بتفصل
وده شائع فى البى ام والسيفيك والجولفات والعربيات الشبابية عموماً

ويبقى ان فيه تجار وناس طبعاً بتحب تقلل من تمن العربيه باى تلكيكه وخلاص

الخلاصة ان الدهان عموماً قيمة مهمة فى العربية زى ما بنقول العربيه فيها كاسيت وسنتر لوك الدهان برضو قيمة الدهان وحالة الصاج مهمة

رد: عقدة دهان الفبريكة

سلم أيدك على الكلام الموزون دة يا أبو نورا.. ولكن لى هنا سال //

لو قارنا بين دهان عربية فبريكة موديل 2001 مثلا والعربية نفسها بعد دهنها برشة نظافة هل سعرها يغلى وهلى الدهان النظافة بيقعد سنين على العربية زى الفبريكة... انا جايب عربية 2001 دهان الفبريكة كأنها جديدة، وممكن مع المحافظة الدهان دة يبقى على العربية كمان 10 او 20 سنة...

هل المقصود برشة النظافة رشة لاجزاء معينة ام رشة لكل العربية؟؟؟ وهل رشة النظافة دى بتكون للأجزء الظاهرة فقط؟؟

رد: عقدة دهان الفبريكة

اقتباس:

المشاركة الأصلية كتبت بواسطة mrastra (المشاركة 471155)

اختلف معاكو
وجود دهان فى حوض السيارة يعنى انها تعرضت لحادث من الامام
ونفس الكلام من الخلف
اما القوايم والسقف دول اخطر حاجة وبيعنو فى الغالب انقلاب السيارة
طب هل يمكن ان سيارة مقلوبة ترجع على طبيعتها تانى
هل لو الحوض مرشوش الموتور والات الجر هايركبو فى مكانهم بالملى تانى
وجود خبطة فى الحوض وردها بزرجينة او على البارد او عمل مرمات لا يمكن ان يكون خواص المعدن بقت كما بالسابق
اى معدن بيسخن خواصة بتتغير للاسوا
ثانيا معالجة ما بعد الخبطة من لحام ومعجون ودهان وخلافة بيكون عرضة اكثر انة يصاب بالبارومة فضلا عن وجود نقطة ضعف فى هذة الاماكن ونسبة تلفها اكثر من اى جزء اخر
احنا ممكن نغير حاجات فى العفشة او نغير حاجات فى الموتور او الموتور كليا او العفشة كليها لكن هل يمكن تغيير جسم السيارة كليا!!!!!!!!!
ناهيك بقى عن الانصاص والارباع والكلام اللى احنا بنعملة دة
الموضوع دة خطير جدا فعلا لان ديناميكة السيارة لا يمكن ان ترجع على طبيعتها بعد تركيب نص او ربع
تقبل مرورى

اخى الحبيب لا اقصد وجود دهان فى الدواخل طبعاً دى مسألة مرفوضة تماماً ولا العربية تساوى خمسة جنية حتى انا قصدى دهان النظافة الخارجى ومساء الخير عليك يا باشمهندس حارمنى من أنسك لية ؟

رد: عقدة دهان الفبريكة

اقتباس:

المشاركة الأصلية كتبت بواسطة AboNoRa (المشاركة 471310)

شكراً يا ايمن على الطرح المفيد وانا معاك فى بعض الجزئيات ومش معاك فى الاخر وهوضح بالتفصيل علشان الموضوع ليه اكثر من جانب

اولاً عايزين نفرق بين

1. دهان الفابريكا
2. ما يسمى برش نظافة ( لعلاج الخدوش )
3. دهان جديد تماما (لعلاج حوادث )
4. دهان الستايلنج ( للناس الرايقة )

دهان الفابريكا طبعاً اكثر دقة وبيتم بميكنة حديثة وبمراحل احيانا ما بتكون معقدة وفعلاً افضل جودة وقيمة من الدهان المضاف
وفى نقطة القيمة ديه لازم نفرق برضو بين دهان عربيه فى فئه 50 غير 100 غير 200 الف
كل ما كانت العربيه فى فئه اعلى كل ما كان الدهان الاصلى قيمتة اكبر

2. دهان الخرابيش ومعالجتها ولو وصلت لاعادة الدهان وهو ما يسمى برش نظافة ممكن يكون قيمة مضافة او سلبيه

المهم ان رش النظافة ده مفيهوش استخدام الرد بالنار او الحموات واللى بيحصل ان العربيه تتسنفر كويس اوى وتاخد معجون خفيف على اى انبعاجات بسيطة وتتسنفر تانى وتاخد فيلر وتترش وتاخد حقها فى الفرن وتاخد حقها من الخامات والورنيش وبعدين تطلع تتسنفر بالبولش مرة واتنين
هو دة بس اللى انا اقصدة
لو انت عملت ده فى عربيه موديل 2000 فيها خرابيش يبقى عليت من قيمة العربيه مش قللت
:01F6EB~150::01F6EB~150:
بس هى المشكلة ان واحد زيي لو هشترى عربيه مرشوشة على اساس انها نظافة لازم هضطر افك البيبان والرفافر وشوف من الناحية التانية انها فعلا مش واخدة حموات

3. اعادة الدهان الكامل وده النوع الاقل قيمة او الاكثر تأثيرا على قيمة العربيه
وكل ده احنا بنتكلم عن الدهان الخارجى بس مش الداخلى
الدهان الكامل معناه ان العربيه نظراً لحادثة مش خرابيش اخدت بنط وحموات ويمكن زراجين علشان تتعدل تانى
وده معناه حاجات كتير
متانة الصاج نفسها اتغيرت ، الحموات مسمعة فى الناحية التانية من الصاج (الدواخل) مثلا دواخل البيبان او الرفارف وغالباً بيترش من بره بس وبالتالى بيبقى الداخلى عرضة للبارومة
المعجون اللى لازم هيبقى بطبقات اسمك ومعالجة الدهان اللى ياعالم تمت صح ولا لاء وحاجات كتير بتدخل المشترى الحريص فى شك ومحتاج يراجع على كل سم فى العربيه

ويبقى ان واحد جايب العربيه جديد او مستعمل ومش عاجبة لونها وحالة الصاج نظيفة وكلف العربيه وطلع تحفة فنية ديه فيه كتير بيقدر وبيفهم وبيعتبر ان الشغل ده قيمة مضافة للعربيه مش حاجة تقلل من قيمتها :01F6EB~150:
وبنشوف ناس كتير بتعلن عن عربياتها وتقول اللون الاصلى كذا وتم تغييره لكذا وبوية نوعها كذا والمعاينة بتفصل
وده شائع فى البى ام والسيفيك والجولفات والعربيات الشبابية عموماً

ويبقى ان فيه تجار وناس طبعاً بتحب تقلل من تمن العربيه باى تلكيكه وخلاص
:01F6EB~150:
الخلاصة ان الدهان عموماً قيمة مهمة فى العربية زى ما بنقول العربيه فيها كاسيت وسنتر لوك الدهان برضو قيمة الدهان وحالة الصاج مهمة

طبعاً اضيف لتعليقاتى على ردك سؤال بمناسبة نفس الموضوع وهو :
اية رايك فيما يدعى جهاز لإكتشاف اصالة الدهان ووجود او عدم وجود اعمال سمكرة ؟

رد: عقدة دهان الفبريكة

اقتباس:

المشاركة الأصلية كتبت بواسطة ايمن عبدالحميد (المشاركة 471741)

موجود يا باشا مع واحد صحبى جايبة معاة من الامارات وسعرة ما يعادل 1500 جنية مصرى
وهو عامل زى الليزر بتاع الاطفال كدة ووظيفتة كشف الاجزاء اللى بيها معجون مش دهان
وفكرتة على ما اعتقد انة بيقيس السكنس اللى ما بعد الصاج فلو افترضا ان سمك الدهان 0.001 مللى وجة عند جزء كان سمكة 0.01 مللى يبقى المكان دة فية معجون
طبعا انت مش هاتمشى على العربية كلها وانما بتكتفى بالقوايم والسقف وصدر السيارة والشنطة والرفارف
والاجزاء المهمة فى السيارة
دة انا سمعت كمان انة فى ناس فى سوق السيارات معاها الجهاز دة وبتكشفلك على السيارة بمقابل مادى بس معرفش بكام صراحة
ولسة ياما هانشوف