رد: محتاج رايكم فى فيرنا اتوماتيك اشتريها ولا ابعد عن الاتوماتيك
 

توكل على الله شوارع مصر محتاجة الاتوماتيك

رد: محتاج رايكم فى فيرنا اتوماتيك اشتريها ولا ابعد عن الاتوماتيك
 

انا عارف انك محتار علشان فى ناس بتقولك هات اوتو وناس لا بس انا راى مختلف خالص........... بلاش تجيب فيرنا اصلا عربية تعبانة قوى (دة راى الشخصى) التقفيل وحش وصوت الموتور بيبقى داخل جوة العربية..... الsound system سيى للغاية والكاسيت تعبان قوى........... دة غير الثبات:crazyW14:حدث ولا حرج مرجيح بعيد عنك ........دة غير طبعا الصلون الى شبة علبة الكبريت ضيق بشكل غير طبيعى (يعنى واحد مثلا زى حلاتى لما بيركب فى الكنبة الخلفية بتبقى رجليا قدام عند السراق).....وتخيل ان العربية مفيهاش عداد rbm .... دة غير ان التبلوة لا يتمتع باى شى من الفخامة ولا العربية كلها بشكل عام.......والاكصدام بيقشر مع الوقت.......والعربية بشكل عام الشاسية والصاج بتعها ضعيف و وزنها خفيف
........الميزة الوحيدة الى فى العربية ان قطع غيرها رخيصة غير كدة مفيش
من راى لو عايز عربية محترمة بالمبلغ الى معاك ممكن تجيب
1- لوجان (بس مشكلتها ان قطع غيرها غالية)
2- لانوس (مفيهاش اى مشكلة غير ان الصالون ضيق شوية)
3- speranza a516 ودية افضل عربية فيهم خاصة 2011 علشان بقى التقفيل افضل ال sound system بقى ممتاز مع تغيير الكاسيت عن باقى الموديلات........ المشكلة الوحيدة الى فيها ان عفشتها نشفة بس انت مش هتحس بالمشكلة دية لو بتاخذ المطباط بهدوء وبتسوق بحرص مش متهور يعنى
ملحوظة : اختلاف الراى لا يفسد للود قضية
ولو حد عندة تعليق يقولى وشكرا :loveu:

رد: محتاج رايكم فى فيرنا اتوماتيك اشتريها ولا ابعد عن الاتوماتيك
 

انا معايا الاوتوماتيك منها وجميله جدا .. والاوتوماتيك فيها RBM و جنوط 14 وكل حاجه بتفصل فى العربيه مع المفتاح وفيها فوجات ومرايات كهرباء .. بس اول حاجه عملتها غيرت سماعتها والسى دى

رد: محتاج رايكم فى فيرنا اتوماتيك اشتريها ولا ابعد عن الاتوماتيك
 

لو الاوتوماتيك من الماتريكس و من النترا 1 وحش تبقي الفيرنا وحشة لانهم نفس الموتور و الفتيس

انا معايا العربية و الحمد لله مفيهاش اي مشاكل

رد: محتاج رايكم فى فيرنا اتوماتيك اشتريها ولا ابعد عن الاتوماتيك
 

السلام عليكم...
بالنسبة للفيرنا 2011 و 2010 فمشكلة العفشة الواطية إتحلت و الشكمان كمان (حلوة دى؟!..) إتغير بحجم أصغر مما حل مشكلة إحتكاكها فى المطبات ... لسة من أسبوع كنت أنا و أصحابى مأجرين واحدة 2010 و كنا 7 بالسواق و كانت بسم الله ماشاء الله زى الفل ... و ماحكتش فى ولا مطب
و بالرغم من تحفظى على الكثير من عيوبها الباقية (بغض النظر عن الكاسيت و السماعات لإنه عيب مش جوهرى) إلا إنها عربية جيدة و حمالة قاسية و ميزة إنتشارها تعطيها ميزة تنافسية عالية
بناء على ما تقدم أنصحك بالأوتوماتيك بس بلاش كيك داون كتير (تسقيط غيارات) علشان دى أكتر حاجة بتقصف عمر الجيربوكس الأوتوماتيك

رد: محتاج رايكم فى فيرنا اتوماتيك اشتريها ولا ابعد عن الاتوماتيك
 

رد: محتاج رايكم فى فيرنا اتوماتيك اشتريها ولا ابعد عن الاتوماتيك
 

انا متشكر قوى قوى لجميع رودودكم واسف على تاخرى نظرا لسفرى تبع الشغل

ياجماعه الفتيس من التوكيل دلوقتى ب 22 الف لسه متصل بالتوكيل وسالتهم عليه فا انا محتار اتوكل على الله واجيب الاتوماتيك الكامله كل حاجه واريح نفسى واطمن وبسال هنا اللى ركبوها اتوماتيك هل هى عايشه معاهم ومفيش مشاكل وعاملين كام كيلو بيها ؟

ولا اجيب مانول واستحمل الارف بتاع النقل كل شويه فى الزحمه على امل ان لو باظ يبقى نقدر نصلحه وارخص ؟ وهل فعلا اعاده البيع بعد كده فى الاتوماتيك تقيله شويه عن المانوال ولا ايه ؟

سوال كمان هل الفتيس الاتوماتيك لما بيبوظ اقل حاجه فيه بيتجاب غيره على طول ؟ ولا مثلا بيتصلح فيه حاجات وحاجات لا بتتطلب تغيره محتاج خبرتكم