المشاركة الأصلية كتبت بواسطة كومندا (المشاركة 467617) يا دكتور كمال الناس حاسه انها بيضحك عليها مفيش محكمات عادله والفلوس اللى بره مرجعتش وحكومة عصام شرف تحركتها بطى قوى اهالى الشهداء حاسين ان دم ولادهم ضاع فين القناصه والظباط الى ضربوا المتظهرين بالنار فى كل المحافظات ده غير رموز النظام القديم اللى كل واحد فيهم جايب اكبر محامين فى البلد والمحامى فريد الديب اللى طالع يقولحسنى مبارك مكنش هيورث ابنه وحسنى مبارك اضحك عليه فى معركة الجمل وحسنى مبارك معندوش اى فلوس بره مصر وكل اللى عنده 6 مليون جنيه فى بنوك مصريه يعنى شويه شويه هيبقا الشعب المصرى هوه اللى غلطان فى العصابه كلها عايزين رئيس الورزاء كل اسبوع مثلا يطلع يهدى الناس ويوقلهم احنا وصلنا لفين وبنعمل ايه ويرد على اسئلة الناس مش عيزين نعيدوا تانى تبقا الحكومه فى حته والشعب فى حته

المشاركة الأصلية كتبت بواسطة محمد التهامى (المشاركة 467621) هو اى حد يعمل حاجه مش مضبوطه تقولوا من اعوان النظام السابق ايه يا جماعه هو النظام السابق كان مين ؟ كان انت وانى ومعظم الناس حاول تصلح نفسك اولا ومش كل مصيبه يقولوا عليها النظام السابق

المشاركة الأصلية كتبت بواسطة nktis (المشاركة 467628) انا معدتش فاهم اللي بيحصل وشايف ان الناس اللي اتظاهروا وكسروا مسرح البالون ديت ناس فاضيه ومعندهاش مشاكل يعني بلطجيه وسمعت انهم ماجورين مقابل 10 الاف عشان يعملوا بلبله تاني في البلد.........

المشاركة الأصلية كتبت بواسطة Ahmed Anwer (المشاركة 468424) يا دكتور ،، مش مهم مين اللي ابتدي مش مهم التفاصيل المهم إزاي الشرطة تاني ترجع للأمن المركزي و قنابل المسيلة للدموع و المطاطي الشرطة متغيرتشي أنا شايف الأحداث كلها فوائد * علمنا علي الشرطة تاني عشان تفهم كويس إن الأسلوب ده مش مقبول و ما دام هما شايفين إن إحنا شعب مبيمشيش غير بالجزمة فهما جزء من الشعب يتصلحوا بالجزمة برده * إعادة قضية الشهداء و الجرحي للواجهة مرة آخري و دي قضية مفهاش داعي للتأخير و التعطيل و أديك شفت بيان المجلس العسكري الآخير * تطهير الداخلية الفاسدة للآسف المجلس العسكري مبياخدشي أي خطوة إيجابية غير بالضغط و الضغط الشديد

المشاركة الأصلية كتبت بواسطة Ahmed Anwer (المشاركة 468424) يا دكتور ،، مش مهم مين اللي ابتدي مش مهم التفاصيل المهم إزاي الشرطة تاني ترجع للأمن المركزي و قنابل المسيلة للدموع و المطاطي الشرطة متغيرتشي أنا شايف الأحداث كلها فوائد * علمنا علي الشرطة تاني عشان تفهم كويس إن الأسلوب ده مش مقبول و ما دام هما شايفين إن إحنا شعب مبيمشيش غير بالجزمة فهما جزء من الشعب يتصلحوا بالجزمة برده * إعادة قضية الشهداء و الجرحي للواجهة مرة آخري و دي قضية مفهاش داعي للتأخير و التعطيل و أديك شفت بيان المجلس العسكري الآخير * تطهير الداخلية الفاسدة للآسف المجلس العسكري مبياخدشي أي خطوة إيجابية غير بالضغط و الضغط الشديد

متفق معاك تماما, و حقول تانى غلطة كبيرة ان الثورة كانت بلا انياب كان لازم يبقى فيه اصرار على محاكمة كلاب النظام بمنطق الشرعيىة الثورية و اعدام كل المسئولين سواء فى الداخلية و كبار قيادات الحزب الواطى و على راسهم مبارك فورا ده اولا, ثانيا القبض على الجيش السرى لنظام مبارك المكون من البلطجية و المسجلين خطر زبالة المجتمع و رؤسائهم من امن الدولة و اعدامهم بلا محاكمات بدل مهم متسابين علينا لاستكمال مسلسل الترويع المنظم للضغط على الاغلبية الصامتة " الميتة" لاجهاض الثورة و اقراغها من مضمونها, واضح لسه ان كتير من ظباط الشرطة مصمممين و بغباء شديد على الاستمرار بنفس الفكر القمعى و الاستعانة بالبلطجية لممارسة الاعمال القذرة " بالمناسبة حد شاف الصورة الى فى المصرى اليوم فرد من بتوع الامن المركزى واقف وسط مجموعته و شايل سيف و بيبتسم بمنتهى البلاهة", لو فضلو مستمرين على استخدام البلطجية و التراخى الامنى المتعمد همه نفسهم حيدوقو من نفس الكاس و مش بعيد الناس تطق و تعلقهم فى الشوارع,,