|
رد: A113 صيانه ال 3 شهور وهخرج بره الضمان وامري لله
اولا السلام عليكم يا احلى اعضاء ، بجد اعتذر عن عدم تواجدى الفترة اللى فاتت دى كنت مسافر ، و بجد انتم و المنتدى وحشتونى اوى .
انا اللى شدنى للموضوع هو انى نفس الحالة بالظبط و ياريت الاقى رد . انا العربية معايا 2011 بس جايبها شهر 10 اللى فاتت و فاضلى 200 كيلو و اكمل ال 5000 كيلو ، فهل كده انا طلعت برة الضمان ولا ايه ؟ بس لو كده تبقى بجد حاجة مش تمام ، فرضا واحد زى مسافر او واحد استهلاكه على قده يبقى الضمان يروح !! ياريت يا جماعة الاقى رد من اى حد مجرب |
رد: A113 صيانه ال 3 شهور وهخرج بره الضمان وامري لله
والله يا جماعة انا ريحت نفسي من الموضوع دة - ونصيحة لوجة الله اعمل صيانة اول الف وغير الزيت فالتوكيل - وبعد كدة صيانة 10000 - لو فية اي عيب هيظهر فأول 10000 بعد كدة ربنا يكرمك بمكانيكي كويس تتابع معاة وطول ما انت محافظ علي عربيتك مش هتحتاج التوكيل ( علي فكرة انا عملت صيانة 40000 بره التوكيل كلفتني - سير كاتينة وطقم بوجيهات وتغيير زيت موبل 1 حوالي 900 جنية بس ) فالتوكيل قالي اعمل حسابك علي 2000 جنية علي الاقل- فمتخافوش المهم اول 10000 بس - هاني عبد الحميد
|
رد: A113 صيانه ال 3 شهور وهخرج بره الضمان وامري لله
يا جماعه عايزين ردود واضحه
كده مفيش غير الاستاذ هانى بس اللى رد بوضوح السؤال مره تانيه تنصحونا نخرج من الصيانه عشان اشتغالات توحه وللا لأ؟ |
رد: A113 صيانه ال 3 شهور وهخرج بره الضمان وامري لله
اقتباس:
|
رد: A113 صيانه ال 3 شهور وهخرج بره الضمان وامري لله
السلام عليكم يا جماعه
ارجووووووووووووكم محتاجه المساعده جدا وبسرعه لانى عربيتى اتخبطت قبل ما أعمل صيانه الألف ورحت اصلحها فى التوكيل فى ابو رواش عملوا لى مقايسه ب 15 ألف جنيه والتأمين رفض يدفعلى وقالى ممكن اعملك صيانه فى ورش تبعه بأقل من كده بكتيرخاصه ان الموتور سليم والتلفيات يعنى مش كبيره للدرجه وانا متردده مش عارفه اسحب العربيه م التوكيل واوديها تتصلح تبع التأمين وطبعا اعتقد ان كده التوكيل هيخرجنى من الضمان وهيخرجنى حتى من صيانه الألف ولا ايه؟ ولو ده اللى هيحصل فما هى الفوايد اللى هخسرها لو خرجت من الضمان؟؟ علما بأنى سمعت انه مالوش لازمه واى عيب او حاجه بتحصل بيدفعونى تمنها يبقى كده زى قلته ,,, ولا احاول استحمل تمن المقايسه لوحدى بس عشان احافظ على الضمان الرهيب اللى مش عارفه هو ايه بالظبط... ارجوكم افيدونى لانى سايباها فى التوكيل لسه ولازم اقرر بسرعه اعمل ايه:sd: |
رد: A113 صيانه ال 3 شهور وهخرج بره الضمان وامري لله
نفسى اعمل كدة من زمان و خصوصا انى عامل تقريبا 12000 كيلو و الحمد لله مظهرش مشاكل بخلاف صفارة الفرامل و التوكيل زى ما بدخل زى ما بخرج مش بتأهر غير على الفلوس الى بيخدوها من الاخر مصاصين دماء و مبيعملوش حاجة
بس الاهم انا عن نفسى بفكر اسيب الضمان بس محتاج معلومة مهمة جدا علشان اعرف اتابع العربية فى اى حتة و هى ان كل حاجة فى العربية بتتغير كل اد اية بمعنى ( جدول الصيانة بتاع العربية ) لو حد يعرف جدول الصيانة بتاع العربية من اول صيانة 1000 كيلو لغاية صيانة ال 100000 كيلو ياريت يقولنا . |
رد: A113 صيانه ال 3 شهور وهخرج بره الضمان وامري لله
ياجماعه لازم نستمر فى الضمان هو ده اللى بيحمى اى حاجه لاقدر الله لو خرجت خلاص اشرب وخاصه ان ممكن يحصل مشكله فى العربيه او الموتور ولازم نعرف ان العربيه تجميع مصرى يعنى المشاكل وارجه بالاضافه لو نظام الضمان بالكيلو مش عاجبك خليك فى المده وهى 3 سنين مش وحشه مفيده برضه
|
| الساعة الآن 08:12 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017