رد: مجموعة سعودى وشركة صينية تتنافسان لشراء النصر للسيارات
 

واحدة واحدة يا شباب ونفكر مع بعض

اولاً السعودى عايز يشترى الشركة ليها وهى خربانة كده ؟؟

الشركة من ناس اعرفهم شغالين فيها واقعة واقعة

لا فيه خطوط انتاج ولا معدات ولا هيكل ادارى زى الناس ولا اى حاجة

يعنى اطلال اللى هيشتريها هيستفيد من المقار والاراضى بس وغالبا هيبيعها زى ما حصل مع عمر افندى وباقى الحاجات اللى اتخصخصت

ولو هو عايز يعمل مصنع لانشاء عربيه ما يعملة ياخد حتة ارض فى اى حته ويركب فيها خطوط التجميع ويشتغل !

فانا مبدئياً ارفض بيع شركات القطاع العام عامة على الاقل دلوقتى

يمكن ربنا يبعتلنا حكومة تحب البلد ديه وتقوم الشركات ديه تانى

نيجى بقى لموضوع تصنيع وتجميع

اولاً اللى يقول عايز اصنع عربيه غالباً غالباً يا اما مبيفهمش او بيضحك علينا ( انا بتكلم عن التوكيلات)
لانه اوفرله واسهله يجمع مش يصنع
وعلشان يصنع محدش فى الدنيا يقدر يصنع لوحدة
لازم صناعات مكملة حواليه
يعنى واحد يعمل مسامير واحد يعمل فرش واحد يعمل اكصدامات واحد يعمل شكمانات وهكذا
طبعاً الصناعات المكملة ديه موجودة الحمد لله فى مصر برضو بس لسه مستواها وكتنوعها مش كافى لان تتعمل مصانع ((( تصنيع سيارات ))) فى مص ر

ثم ان اهم حاجة فى التصنيع هو الشق المتعلق بالصناعات الثقيلة
يعنى صبات المواتير والشاسيهات وسحب الصاج
هل حد عنده استعداد يستثمر فى الكلام ده ولا هيجيب الضاج والشاسية والموتور جاهز ويلزق كله فى بعضه

اللى اعتقدة ان سعودى عايز يجيب خط انتاج صينى مش اكتر

وطبعاً الكلام الخاص بتوطين الصناعة على نموزج انتل اسرائيل كلام مظبوط

والاصح كمان ان كل ده يتعمل فى مناطق حرة موزعة فى سينا على خط مدن القناة

ومجرد ما تعمل مناطق حرة هناك هتبقى دبى التانية والف شركة هتبقى عايزة تبنى مصانع فى سينا ومدن القناة لما لها من موقع استراتيجى وتسهيلات

وده نفسه الى عملته الصين تسهيلات استثمارية (تسهيلات مش تنازلات ) وفرصة كاملة لاستهداف السوق المحلى هوب كل الشركات فتحت مصانع ليها فى الصين لاستهداف السوق الكبير والمتنامى واللى بقى ينافس اقوى الاسواق العالمية (السوق الامريكية) هوب بقى فيه صناعة محلية وصناعات مغذية هوب بقى فيه صناعة صينية خالصة تستهدف السوق المحلى ثم الاسواق الدولية واحد بعد الاخر

انا طول عمرى بقول بس تتوفر النيه فى ناس تحب البلد ديه حالنا هيبقى احسن بكتير

يارب

رد: مجموعة سعودى وشركة صينية تتنافسان لشراء النصر للسيارات
 

رد: مجموعة سعودى وشركة صينية تتنافسان لشراء النصر للسيارات
 

حرام عليك ياراجل مع احترامى للسعوديين احنا عندنا مهندسين وشباب عندهم كفائات مش عند حد لو اديت فرصه لهم اتفرج عليهم علشان كده احنا المصريين بنبرع ونتفوق بس للاسف مش فى بلدنا وطبعا مش هنتكلم ده عيب ايه لان الاداره نفسها واقصد الاداره اداره اى مكان ماكنتشى عايزه تتطور ونتقدم .
انا رائى الشخصى ان شركه النصر فشلت علشان كانت محلك سر الى كانت بتتاخر ولو قارنت شركه النصر باى شركه تجميع عربيات فى مصر تجدها اقل منها بس محققه نجاحات كبيره وبادئه من الصف بس كانت هناك اداره بتخطط وعاوزه تتطور الله المستعان وحسبى الله ونعم الوكيل

رد: مجموعة سعودى وشركة صينية تتنافسان لشراء النصر للسيارات
 

المهم نركب عربية كويسة ورخيصة زى الناس فى الدول التانية

رد: مجموعة سعودى وشركة صينية تتنافسان لشراء النصر للسيارات
 

رد: مجموعة سعودى وشركة صينية تتنافسان لشراء النصر للسيارات
 

كشف تقرير الجهاز المركزى للمحاسبات، عن حسابات وقوائم التصفية، لشركة النصر لصناعة السيارات تحت التصفية، والصادر بتاريخ 13ــ 12 ــ 2010، عن إهدار 1.5 مليار جنيه، بالشركة وهو ما يماثل 4 أضعاف رأسمال الشركة، البالغ 350 مليون جنيه.
وأكد التقرير الذى حصلت «الشروق» على نسخة منه، أن من ضمن أسباب زيادة الخسائر هو إدراج نحو 1.040 مليار جنيه خلال العام المالى 2008 / 2009 كمصروفات تمويلية معظمها غير متعلقة بنشاط الشركة، حيث تم إهدار مبلغ 756 مليون جنيه قيمة فوائد وعمولات مستحقة للبنك الأهلى منذ عام 1998 حتى عام 2008 ومبلغ 276 مليون جنيه تمثل فروق إعادة تقييم بالعملة الأجنبية المدرجة بالأرصدة المدينة منذ عام 1987.
وأشار التقرير أن الشركة أهدرت 8 ملايين جنيه، متمثلة فى غرامات تم سدادها فى سنوات سابقة لمصلحة الضرائب، إضافة إلى قيام الشركة بنقل جميع الأراضى المستغلة وغير المستغلة بقيمتها الدفترية إلى الشركة القابضة للصناعات المعدنية على مدار الثلاث سنوات السابقة لقرار وقف نشاط الشركة وقرار حلها وتصفيتها.
وكان الهدف من بيع تلك الأراضى عن طريق الشركة القابضة ــ بحسب التقرير ــ أن يتم سداد المديونيات المستحقة للشركة القابضة للصناعات المعدنية لدى شركة النصر لصناعة السيارات، وسداد باقى حصيلة البيع إلى صندوق إعادة الهيكلة، وهو الأمر الذى لم يتم مع شركة النصر لصناعة السيارات بل تم تصفية الشركة فى 17 / 11 / 2009 بقرار من الجمعية العامة غير العادية، بغض النظر عما ستسفر عنه المستجدات الخاصة بمديونية الشركة طرف البنك الأهلى المصرى والتى تمثلت فى قرار أحمد نظيف رئيس مجلس الوزراء رقم 1501 لسنة 2010، الخاص بتسوية مديونيات شركات قطاع الأعمال العام مع كل من البنك الأهلى المصرى وبنك مصر، مقابل قطع من الأراضى الفضاء وكان منها أرض التوسعات بوادى حوف، والبالغ مساحتها 62.125 فدان.
وكان من نتائج القرار المشار إليه نقل ملكية أرض التوسعات للبنك الأهلى المصرى طبقا للقرار السابق الموقع فى 1 / 6 / 2010 وعليه تم تسوية كامل مديونية الشركة طرف البنك بمبلغ 1.249 مليار جنيه، وبالرغم من ذلك قامت الشركة القابضة للصناعات المعدنية بنقل المديونية لصالحها بدلا من البنك الأهلى المصرى رغم عدم تحملها لأية أعباء.
وأكد التقرير أن الشركة نقلت ملكية الأرض المؤجرة لشركة مصريات للبنك الأهلى المصرى بمبلغ 310 ملايين جنيه، وتم سداد باقى حصيلة البيع بعد سداد المديونيات المستحقة لشركة النصر، لدى شركة مصريات، إلى صندوق إعادة الهيكلة.
ولفت التقرير أن الجمعية العامة غير العادية، للشركة والمنعقدة فى 4 / 3 / 2009 قررت نقل ملكية باقى مساحة الأرض المقام عليها مصانع شركة النصر لصناعة السيارات والبالغ مساحتها 114.6 فدان، بوادى حوف، بالبيع بالقيمة الدفترية بمبلغ 1.176.049 جنيه، وقامت الشركة القابضة للصناعات المعدنية بتسجيل الأرض السابق الإشارة إليها، فى 5/2009 بالمخالفة لخطاب وزير الاستثمار المؤرخ فى 18 / 6 / 2005 المتضمن تعليمات للشركة القابضة باتخاذ الإجراءات اللازمة لنقل تبعية الأراضى دون تسجيل أو إشهار.
وأكد التقرير أن الجمعية العامة العادية للشركة فى 6 / 5 / 2009 قررت إيقاف نشاط الشركة اعتبارا من 1 / 5 / 2009 وهو ما ترتب عليه عدم الاستفادة من معدات خط الألبو، والبالغ تكلفته نحو 24.3 مليون جنيه بخلاف، 1.190 مليون جنيه قيمة كيماويات وسوائل موجودة بالأحواض وهذا الخط يستخدم لمعالجة أجسام السيارات إنتاج الشركة وكذا تشغيل للغير، وبالرغم من ذلك لم يتجاوز ما حققه هذا الخط من إيرادات 6 ملايين جنيه، كما تحملت الشركة نحو 616 ألف جنيه تكاليف الصيانة اللازمة للحفاظ على الخط عن الفترة من تاريخ التوقف فى 7 / 5 / 2009 حتى 30 / 4 / 2011.
وكشف التقرير أنه بعد قرار إيقاف النشاط فى عام 2009، تحملت أجور العاملين بعقود مؤقتة بلغت نحو 900 ألف جنيه سنويا.
وطالب التقرير بتحديد المسئولية فى المخالفات السابقة، وخاصة قرار تصفية الشركة، فى الوقت الذى تتجه فيه الدولة لعدم خصخصة شركات قطاع الأعمال، وعدم تصفيتها.
خاصة مع وجود خطاب من وزارة الدفاع بتاريخ 25/12/2010، والذى يطالب بوقف طرح الشركة للبيع، لحين انتهاء دراسات نقل الملكية إلى جهاز مشروعات الخدمة الوطنية للقوات المسلحة.هذا لا يصح ابدا
المصدر : جريدة الشروق

رد: مجموعة سعودى وشركة صينية تتنافسان لشراء النصر للسيارات