|
رد: السرعة وعدد لفات الماتور
باشا خليك انسب حاجة انقل على 3000 معقول قوى
بعد ين حضرتك متاكد ان اقصى عزم عند 5800 و لا عندها بتبقى اقصى قدرة حصانية؟ يعنى دليل المستخدم بيقول ايه بالظبط؟ |
رد: السرعة وعدد لفات الماتور
الحقيقة يا أحمد باشا أنا قرات المعلومة دى من على النت فى الوصف للعربية . فى موقع contact car وكمان موقع تانى بيكتب التالى
العزم الأقصى ( نيوتن.متر/د.د) 141/5400 قوة المحرك(حصان/لفة.دقيقة) 104/5800 |
رد: السرعة وعدد لفات الماتور
فعلا انا دخلت على كونتاكت لقيت زى ما حضرتك بتقول
بس انا شبه متأكد انها كده مكتوبة غلط هو فعلا النقل المعقول لاطالة عمر الماتور حيبقى حوالين ال 3000 و تقريبا اقصى عزم حتلاقيه ما بين ال 3000 و ال 3500 و حكاية عداد السرعة فى معظم العربيات بيبقى ازيد من اقصى سرعة للعربية تحسبا ان ممكن تبقى العربية نازلة منزل يعنى فعلا انا فى اللانوس اخرها 170 او 175 و ساعات تجيب 185 على حسب اتجاه الريح و اقصى سرعة فى الكتالوج 172 مع ان العداد لغاية 200 او 220 تقريبا و فى مرة كنت جايب اخرها و جه منزل طويل على الصحراوى العربية وصلت ل 195 و كانت السرعة بتزيد بس خفت و هديت |
رد: السرعة وعدد لفات الماتور
كدة فهمت يا أستاذ أحمد..... متشكر
|
رد: السرعة وعدد لفات الماتور
هو العزم الاقصى فعلا عند 5800 دد
بس 90% من العزم الاقصى بيتوفر عند 3000 دد وبالتالي النقل عند 3000 دد مناسب جدا غير انه بالتجربه بالاوتوماتيك مع نمط قياده معتدل العربيه بتنقل لوحدها قبل مل تعدي ال 3000 دد اقتباس:
واعتقد ان الموتور عند 2000 دد ل 2500 دد بيكون مستريح جدا وبيطلع عزم كافي لاستمرار تحريك العربيه على سرعتها الثابته... بس اقل من 2000 دد العزم بيضعف جدا وممكن السرعه تقل فحضرتك جرب الغيار التالت على سرعه 40 كم/س ولو لقيته في الرينج يبقى كويس جدا و كده التالت يشتغل معاك كويس بين ال 40 و ال 60 كم/س اما لو لقيت عدد لفات الموتور نزل عن ال 2000 دد يبقى حتضطر تسقط للتاني معلش الفتيس عندي اوتوماتيك فمش قادر احدد السرعه المناسبه لكل غيار في المانيوال وممكن حضرتك برضو تبص على الموضوع ده و اتمنى يفيدك http://www.masrmotors.com/vb/showthread.php?t=35530 |
رد: السرعة وعدد لفات الماتور
متشكر سام رام.. أجرب ,أشوف. الحقيقة أنا مش بغير للثالث خالص لان سرعتى ثابته بين 30 - 40 أو 50 بالكتير وععد لفات الماتور بتكون بين 2500 - 3000 - 3800 على 50 كيلوا. فبقول لنفسى يعنى هما عملين لحد 6000 علشان نستفيد بهذه القدرة فمش هيحصل حاجة لو سقت على 50 كيلوا لمدة دقيقة ولا أثنين وساعتها بيكون العداد على 3800 تقريبا. وهى دقيقة ولا أثنين وببطئ من جديد لوجود زحام أو إشاره أو مطب أو حد معدى أو موتوسيكل بيكسر... يعنى هى مجرد 2 او 3 دقائق بالكتير...........
|
رد: السرعة وعدد لفات الماتور
اذا كان بالانوس بجيب 80 على التانى :09C207~188: و العربية مشتكتش و ساعات بكسل زى ما انت بتقول و بفضل ماشى على 50 60 على التانى و مبيحصلش حاجة هى بس بتسف بنزين جامد :1336:
ما بالك بماتور الميتركس اقوى و اكيد مستريح اكتر :fun_7_5_128[1]: |
| الساعة الآن 02:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017