|
رد: كل شىء عن تصميم وانشاء المواقع للهواية او تحقيق الارباح
تسلم ايدك يا ابو نورا
بس انا مش زبون انا صاحب مكان الموضوع باختصار زى ما قلت لحضرتك احنا جهاز مدينة تقدر تقول الحى اللى انت تابع لية بالظبط بنتعامل مع عملاء وبنقدم خدمات ممكن العميل ينزل نموذج لحاجة معينة زى مثلا الاوراق المطلوب لاستخراج رخصة مبانى او نموذج تانى اسمة الاوراق المطلوبة لاستخراج رخصة تشغيل ( صناعى ) وخد عندك بقى حاجات كتير من دة وبعدين كل زبون لة عندنا طلب معين ممكن يكون مقدم على رخصة مبانى وعاوز يسال عنها هل خلصت يجى يستلمها ولا لسة طب ولو لسة مخلصتش هل فى اوراق مطلوبة لم تستوفى من جانبة او لا ..... هل راجعنا التصميمات البنائية بتعة وطلع فيها مشاكل او لا زبون تانى عاوز يعرف طلب تركيب عداد الكهرباء خلص ولا لسة زبون تانى عاوز يعرف معاد القسط السنوى بتاعة كتير كتير يا ابو نورا زى ما قلتلك لازم يكون فى تفاعل من جانبنا مع العميل فكرت اعمل منتدى فى الاول بس حسيت ان انشاء موقع اسهل وافضل يبقى الخصلك الكلام عاوز موقع يقدر الزبون يحمل نماذج واستمارات من خلالة او ان يطرح سؤال ونقوم بالرد علية كلا فى مجال اختصاصة هاااااااااا مستنى بقى اهو |
رد: كل شىء عن تصميم وانشاء المواقع للهواية او تحقيق الارباح
اقتباس:
بالنسبة للى حضرتك بتقولة تطبيقة بشكل مجانى مش هيبقى كويس وهيبقى مرهق جداً لانك هتعمد على اكتر من برنامج اواكتر من موقع بيقدم خدمات شبيهه بشكل مجانى وطبعاً مع الترويج لاسم الموقع وخدماتة فالافضل ان التطبيقات ديه تتعمل بشكل احترافى على موقع محجوز باسمكم واللى هيحصل اننا هنصنف انواع التفاعل بينكم وبين العملاء الى ملىء نمازج وديه هناخد احنا النمازج الموجودة عندكم ونعيد تصميمها على الانترنت بحيث العميل يخش يملاها وتوصلكم بعد ارسالها والى استفسارات عامة وديه بنعمل لها نموزج عام يحط فيه العميل استفسارة ويحدد بخصوص ايه وتوصلكم للرد عليها على اميل العميل والنمازج ديه كلها هتبقى جزء من الموقع الخاص بيكم وهيبقى فيه طبعاً معلومات عامة ومزايا اخرى حسب احتياجكم فانت قولى فيه ميزانية لده ولا لاء علشان نقرر مابين الطرق الاحترافيه او طرق (تمشية الحال) مجاناً |
رد: كل شىء عن تصميم وانشاء المواقع للهواية او تحقيق الارباح
مشكور يا ابو نورا على التفاعل الجميل من حضرتك
الفكرة كلها فى الروتين سلطة رئيس الجهاز عندنا لغاية 22 الف جنية يعنى نقدر نشترى حجاجة بـ 22 الف من غير ما ناخد موافقة السلطة المختصة بس بيقابلنى مشاكل كتير موافقات والاجهزة الرقابية زى الجهاز المركزى ومندوب وزارة المالية انا فاكر اما جينا ندخل النت هنا اخد مننا غلبة وزهق وبندفع لشركة تى اى داتا كل ست شهور بشيك وبنخصم منهم ضرايب ودمغات وكلام من دة خلاصة الكلام السكة طويلة ومش مضمونة فى النهاية لان ساعات بيطلعك حاجات كدة مستخبية متعرفش تتداركها الا لو كنت محترف دحك على الحكومة وانا مابعرفش اعمل كدة |
رد: كل شىء عن تصميم وانشاء المواقع للهواية او تحقيق الارباح
انا قعدت يجى سنتين مسئول عن كذا مشروع مع جهات حكومية كان منها وزارة الكهرباء ووزارة الاوقاف وشوفت اللى بتقول عليه ده كله واكتر
بس عامة اللى بنتكلم فيه تكاليفه تكاليف موقع متوسط من 2 - 3 الاف جنية شامل التصميم والبرمجة والدومين والاستضافة مش تكلفه كبيرة وزى ما قولتلك لو عايز تعملة باستخدام ادوات مجانية انا معاك برضو بس انت اللى هتتعب اكتر |
رد: كل شىء عن تصميم وانشاء المواقع للهواية او تحقيق الارباح
ربنا يباركلك ابونورا :THUMBS~220:
|
رد: كل شىء عن تصميم وانشاء المواقع للهواية او تحقيق الارباح
موضوع ممتاز
|
رد: كل شىء عن تصميم وانشاء المواقع للهواية او تحقيق الارباح
اقتباس:
اقتباس:
|
| الساعة الآن 06:12 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017