مصر موتورز مجتمع السيارات - عايز تدافع عن نفسك يوم القيامة

2- رفع الهمة والثبات

ازاي يعني
هقولك ازاي اولا لما تعرف مثلا ان صاحبك بيجري في اليوم 3 كيلو مش بتغير

طيب تتبع السلف الصالح
شوف هم كانو بيعملو اية مش لصلاة الفجر لا لقيام الليل
كان احد التابعين يقول انه كان ياكل الخبز فقط وباكله مفتتا لكيلا يشغلة عن القراءة في كتب العلم!!!
هتقولي دول صحابة احنا فين وهم فين
طيب ماشي مش هقولك الصحابة
مستحيل ميكونش ليك جار بينزل يصلي الفروض ال5 في الجامع ومنها الفجر
اشمعني هو
طيب معرفة افضال صلاة الفجر وانها مشهودة من الملائكة وتعدل قيام نصف الليل
وخد بالك انت لما بتصلي الفجر انت من القلة اللي بيحققو مقولة جولدا مائير
انت من القلة اللي جاهدو نفسهم وسابو النوم وصحيو عشان ربنا فقط
انت من القلة المخلصين ولست منافقا او مرائيا
اشمعني بتجتهد ومتنامش عشان الامتحان وصحوني وتوصيهم يدلقو عليك مية لو مصحتش
طيب حاجه كمان اعمل لنفسك جايزة لما تصلي الفجر وعقاب لما تسيبها
لو تركت الصلاة مثلا هنبتدي بحاجة صغيرة لازم تطلع 5 جنية او اي مبلغ
لو صليت اعزم نفسك علي فنجان قهوة
http://a7lashare.com//uploads/images...465ff3de9b.jpg
وممكن تعمل بعد كدة هدف اسبوعي بمعني مثلا لو انتظمت طول الاسبوع يبقي اخر الاسبوع هتفسح في مكان معين
http://a7lashare.com//uploads/images...e6644e0815.jpg

انتي طيبة اوي هي الحياة دلوقتي تحتمل كل اللي بتقولية دة

ونفسك متستحقش منك كل دة
متستحقش انك تنجو بنفسك من المهالك
مش انت عندك كرامة !!
طيب مش نفسك عزيزة عليك
الطفل بيبقي عايز تجيب له كل حاجه هل بتستجيب له ولا لازم قدر من الالم!!
هتقول انا بربيه
طب ما النفس اولي بالتربية
والنفس كالطفل إن تهمله شب على حب الرضاعة . . وإن تفطمه ينفطم

طيب انا رفعت همتي ماشي شوية ولقيت نفسي بنزل تاني
لالالالالالالالالالالالال الالالالالا
متنزلش
قاوم
طيب اقاوم ازاي يعني
اولا الوحيد اللي هينجيك من الكلام دة كلة
الله
ادعي كثيرا كثيرا كثيرا اولا بانك تقوم تصلي
ثانيا لو صليت تدعي بالثبات علي الطاعة
انت يوميا في الصلوات الخمس بتقول كلمة وبتكررها خمس مرات في اليوم
اياك نعبد واياك نستعين
ربنا قدم العبادة ولثباتها يجب ان تستعين به
اجمل دعاء لكدة اية
اللهم اعني علي ذكرك وشكرك وحسن عبادتك
يعني حتي لما تعبد الله يستحق الشكر علي انه اعانك لعبادتة

لا لحظة بقي ازاي دي

العبادة احنا متفقين انها لذة وان كنا لم نشعر بذلك بعد
تخيل لما تسجد وتضع جبهتك علي الارض وتدعي
كون ربنا اعانك وقدرك تسجد دة في حد ذاته نعمة .....تخيل غيرك عمل حادثة ومش قادر يوطي علي الارض
يبقي كونك بتصلي او قادر تشكر ربنا دي نعمة تستحق الشكر سبحان الله
شكر النعمة نعمة تستحق الشكر
حقق يقينك او تيقن ان ربنا هو اللي هيديك ...اللي خلقك انت بكل تفاصيلك وخلق الكون دة كله قولة يا رب ساعدني معقولة هيسيبك فين حسن الظن بالله

طيب واعمل اية كمان

انت عايز تثبت؟
اعمل شكر تاني
ما نقص مال من صدقة
كل فترة كدة تصدق بنية الثبات

واية كمان ؟
ادعي واحد تاني للصلاة معاك
دي بقي بجد بجد هتثبتك وانا متاكدة
متستخسرش الخير في نفسك
تعهد صديق ولو ربنا كرمك عدة اصدقاء ووالله هتشوف الاثر
وتعرف بقي انك لما تدعي واحد تاني للصلاة دي صدقة جارية
ايوة لانة كل ما يصلي الفجر انت هتاخد ثواب
ولو هو كمان دعي واحد تاني انت هتاخد ثواب ال2
يبقي انت وانت بتصلي الفجر ثواب * 3
توكل علي الله واشحن البطارية

يتبع,,,