رد: لانسر بومة VS نيسان صنى...أرجو الافادة
 

بالنسبه للانسر من التوكيل فهي مفيهاش لا ABS و لا Air Bag ....
الخليجي ( كويتي ) فيها Air Bag واعتقد ABS .. بالاضافه للتابلوه الابنوس و الجنوط السبور و الريموت
عموما اللانسر البومه حاليا وقف انتاجها في اليابان و مش موجوده على الموقع الرسمي ...
http://www.mitsubishimotors.com/
لكن بتتصنع فين الله اعلم ... في ناس بتقول كوري ...
و الموتور ال 1300 بيدي 88 حصان

لكن الفرق بين اللانسر ال 1300 و الصني مش 15 الف ... الصني EX ب 91 الف و الانسر في رينج 95 الف تقريبا .. الا اذا كان قصدك الانسر ال 1600
هو اكتر واحد يفيدك في موضوع اللانسر مهندس يونس (نيسان )
حاول برضو تشوف الهيونداي النترا ... ممكن تعجبك اكتر .. وفي نفس الرينج

رد: لانسر بومة VS نيسان صنى...أرجو الافادة
 

اولا فرق الاداء كبيييييييييير جدا بين الصنى وبين الانسر 1300 ومحسوم لصالح الصنى

بالنسبة لتقفيل الصنى فانا شايفة كويس جدا وتحسن عن الموديلات الاولى بشكل كبير وده راجع لان نسيان بتمشى بمبداء صنع فى نيسان وده معناه انها بتحاول دايما توحد معايير الجودة فى كل مصانعها فى العالم والضمان هنا بيبقى من المصنع مباشرة على فكره

انا شخصياً هختار الصنى بلاشك

رد: لانسر بومة VS نيسان صنى...أرجو الافادة
 

رد: لانسر بومة VS نيسان صنى...أرجو الافادة
 

طاب بالنسبة للانسر الخليجى كويتى
بتكون موجودة فى المعارض عادى
ولا أماكن معينة؟

رد: لانسر بومة VS نيسان صنى...أرجو الافادة
 

هما العربيتين أسوأ من بعض فى رايى,
لكن اداء الصنى أفضل قليلا,
اللانسر ال1600 بطيئة للغاية و كسولة, فما بالك بال1300!!
لو انت حاصر نفسك بين هذين الاختيارين يبقى الصنى افضل قليلا.
تكنولوجيا السيارتين خارج الاطار الزمنى, كما تعودنا من السيارات الأسيوية, و مفيش فرق كبير, و لو ان نيسان أفضل قليلا من ميتسوبيشى من ناحية التكنولوجيا.

رد: لانسر بومة VS نيسان صنى...أرجو الافادة
 

رد: لانسر بومة VS نيسان صنى...أرجو الافادة
 

اية يا استاذ/فادى الرأى القاسى دة عن الانسر

و ازاى ان الانسر ال 1600 بطيئة للغاية و كسولة

طبعا دة كلام مغاير تماما تماما تماما للحقيقة

و التكنولجى بتاعتها كمان مش عجباك طيب ازاى

لما يكون فيها جميع وسائل الامان والسلامة حتى ال ABS و2 ايرباج و فتيس اوتوماتيك على اعلى تكنولوجى VTI

و عمرك ما تحس بالتنقل بين الغيارات اثناء السحب

عموما علشان ما نتوهش الاخ طالب المقارنة

فيا اخى الكريم بمنتهى الامانة لو حضرتك بتقارن بين الصنى ال 1600 مع الانسر ال 1300 يبقى العقل يقول صنى

اما لو الانسر ال 1600 يبقى لانسر و انت مغمض

اما من جهة تقفيل الانسر فهى لن تقفل خارج اليابان مطلقا

اما عن موضوع حداثة الانسر و كونها من 2004 فدة فقط لابس عند حضرتك

فا الانسر من زمن بعيد و لكن اختلاف الموديلات فقط

ما بين لانسر عيون صفية فالكريستالة فالمكواة و البومة و اخيرا الشارك

دى مسميات لاختلاف شكل الموديل فقط لكن المضمون وااااااااااحد

زى مثلا المرسيدس الزلموكة و الشبح و البودرة و العيون الخ

هذة اسماء لاختلاف الشكل لكن يبقى المضمون واحد وهى فى الاخر مرسيدس برضة

اسف للاطالة بس حبيت اوضح لحضرتك لازالة اى لابس

يارب اكون قدرت افيد حضرتك