|
رد: للتذكير - لماذا قامت الثورة؟
انا حسألك سؤال لانك فعلا بتفحمني بقوة
هو الشرطة حاليا شغالة؟ شايفة شغلها؟ بتعمل حاجة؟ الشرطة حاليا اصلا كدة كدة صفر على الشمال اللهم اللا بعض الحالات الفردية هنا و هناك و في الاخر صغار الضباط بيطلعوا و يقولوا عندنا تعليمات من قيادات في الوزارة بعدم النزول الى الشارع و اللي بينزل بينضغط عليه من رؤساؤه يبقى احنا مستنيين ايه؟ خلال الوقت اللي هما بيتع.... فيه نكون احنا بندرب رجالة بحق و حقيقي لياقة بدنية - ذو علم و خلفية بالحقيق و الواجبات في نفس الوقت و نسلحهم و ينزلوا الشارع في نفس الوقت اللي الجيش يستدعي قوات الشرطة الحالية و يقولهم فين سلاحكوا - متشكرين احنا مستغنيين عن خدماتكوا لانكوا بقر و اخركوا تتعاملوا مع بهايم في زرايب مش مع شعب مصر بعد الثورة و طبعا كل ضابط او امين شرطة ثبت في حقه تعذيب او اهانة لكرامة تترد ليه بالمثل البديل؟ احنا فعلا مش عايزين شرطة - هو انت شايف ان فيه شرطة؟ اتصل ببوليس النجدة دلوقتي و انت قاعد معايا و قوله فيه خناقة في الشارع - و بلغني لو جم احنا بنضيع وقت و بنهزر الشرطة الحالية 80% منهم متربيين على انهم اسياد و باقي الشعب عبيد!!! انت متوقع منهم في يوم و ليلة ياخدوا بالهم ان شغلتهم انهم يسمعوا شكوى المواطن و يحلوهالوا؟ و ان ده واجبهم؟ و ان ترقياتهم بتعتمد على رد فعل المواطن اتجاه مجهوداته و قدرته على حل الجرائم و ارجاع الحقوق لاصحابها؟؟؟؟ عند ام ترتر ان الموجودين حاليا يقدروا يتفاعلوا و يتجاوبوا مع نصف اللي بقول عليه |
رد: للتذكير - لماذا قامت الثورة؟
انا فاكر مرة كنت شغال في الامارات
جائت سيارة شرطة للموقع و قالولي بعد انك ممكن تشرفنا في القسم؟ خير يا جماعة؟ كل خير ان شاء الله اتفضل حضرتك اشرب معانا شاي اتمى؟ الوقت اللي يعجب سيادته حاضر بعد الشغل روحت القسم - الضابط بيستقبلني بابتسامة في مكتبه - كيفك يا باشمهندس - احنا اسفين لو سببنا قلق خير يا جماعة؟؟؟؟ لازم تشرب حاجة و جابولي الشاي و في الاخر : بيقول للعسكري هاته - لاقيته جايب عامل باتاني من عمال الشركة قولتله عمل ايه ده - قاللي و الله السالفة مش مستاهلة الواد ده مرة خبط على باب بيتي ( الضابط نفسه ) و قاللي مسكين و بتاع روحت اديته هدمه من عندي و فلوس و مشيته بعديها باسبوع لقيته بيخبط على باب البيت تاني و بيقول مسكين - انت عارف ان التسول ممنوع و عقوبته الحبس و الترحيل بس انا ميرضينيش قطع العيش فقولت اشوف انت رايك ايه لانك مهندس الموقع اللي هوا شغال فيه!!! انا اتخرست - مش من قلة ادب العامل - و لكن من اخلاق ضابط الشرطة و ادبه هل نتخيل مثل هذا الرجل في اقسامنا؟؟؟؟ و طبعا سلمني العامل مع تعهد شفوي مني بعدم تكرارها - ودين العامل موقع تاني في مدينة تانية و نبهت على باقي العمال كلها لو حصل الموقف ده حسفره او حسيبه في السجن المهم هل نتخيل هذا الضابط في مصر؟ |
رد: للتذكير - لماذا قامت الثورة؟
هناك فكرة لا اعرف اذا كان من الممكن ان تجد صدى عندكم؟ فى البداية لابد ان نعترف ونقر انة ومهما حدث لن تعود الشرطة كما كانت.. لن تكون صاحبة السلطة المطلقة ولن يسمح لها الشعب ان تجور علية كما كانت تفعل من قبل!! والبديل !!!هذا هو السؤال؟ رائى ان ينفصل جهاز الشرطة تماما عن الحكومة او النظام .. وتكون هناك هيئة او ادارة تتولى شئون الامن والامان فى البلاد تشكل من صفوة رجال مصر الشرفاء ولا يوجد مانع ان تخصص هذة الهيئة او الادارة لان هناك الكثير من الافكار والخطط التى تساهم بشكل كبير فى تحقيق مكاسب مادية هائلة بالاضافة الى القضاء على نسبة كبيرة من البطالة فى البلاد وعلى سبيل المثال... هناك مالايقل عن 3 مليون عاطل من حاملى ليسانس الحقوق فى مصر اين هم؟ وهم من دارسى القانون فى مصر لماذا لا تستفيد منهم هذة الهيئة او الادارة منها تساهم فى حل مشكلة البطالة ومنها ان تعيد الامن والامان للبلاد ومن خلال شباب متعلم ومثقف ودارس لماذا لا يتم تخريج دفعة سنة تالتة شرطة ومنحهم رتبة ملازم لتعويض الاعداد الهائلة من الظباط الهاربين والمعتكفين واصحاب الامراض النفسية المزمنة وبالطبع اللى واخدين على خاطرهم؟ للحديث بقية |
رد: للتذكير - لماذا قامت الثورة؟
البديل ان المصريين ذات نفسه هما اللى يتغيروا
|
رد: للتذكير - لماذا قامت الثورة؟
طيب تمام
حتي الان لم نتفق علي البديل ؟؟؟ وحتي مع محاولات انشاء جهاز شرطي جديد ؟؟ ماهو الموقف الميداني لحين انشاء جهاز جديد ؟؟؟ نعم فكرة رائعه سنستعين ب 3 مليون من خريجي كلية الحقوق للقضاء علي البطاله ... ثم نحيل للتقاعد 3 مليون شرطي في جهاز الشرطه .... اذا ماذا فعلنا .. اولا :يجب علينا فهم طبيعه عمل الجهاز الشرطي لان الجيش نفسه لا يستطيع القيام بعمل جهاز الشرطه .. ثانيا : عدم عودة جهاز الشرطة للعمل بكامل طاقته يتحملها بنسبة كبيرة وزير الداخلية الحالي "منصور العيسوي " لانه وزير سياسي وليس وزير أمني ومصر الان تحتاج لوزير أمني مثل الوزير السابق "محمود وجدي " الذي بدأ في احتواء جهاز الشرطه ولم شملة واعادة هيكلته والاهتمام بالمجند قبل اللواء اما العيسوي فلم يأتي بايجابيه واحده ثم أفقد ثقة رجال الشرطة فيه بمهاجمته لهم علانية وعلي وسائل الاعلام حتي ينال رضي "التحرير " ... ثالثا: أتحفظ وبشده علي وصفك لرجال الشرطه "بالبقر" ليس لان أخي نقيب شرطه ولكن لان المسلم ليس بشتام ولا لعان وكذلك فهناك الغالبيه من رجال الشرطة هم الشرفاء اخوتنا واهلنا وزملائنا ... ولكن العين المصرية تعودت أن تري القبيح دائما ... وللحديث بقية |
رد: للتذكير - لماذا قامت الثورة؟
وطالما هناك تحيز لن يكون هناك اتفاق..
مبدائيا لا يوجد فى مصر 3 ملايين ظابط شرطة نريد احالتهم للمعاش ونحن لا نقول ان يحالوا.. ولكن نقول ان من يصلح منهم يبقى والفاسد المرتشى الحرامى الظالم الخائن يحاكم اولا ومن ثم البت بأمرة... وسيادتك تتسأل؟ ماهو الموقف وحتى يتم انشاء جهاز شرطة بديل او جديد؟ واقول لك ... وماهو الموقف الان؟ مصر بدون جهاز شرطة منذ مايقارب ال4 شهور.. قارن بين هذة الفترة ومعدل الجريمة ونوع الجريمة وبين ماقبل الثورة ومعدل الجريمة ونوعية الجريمة!!!! وسيادتك تقول .. لنا ان نفهم طبيعة عمل الشرطة والتى لايمكن لجيش نفسة ان يقوم بها!! المفهوم تغير بتغيير شعار الشرطة ..الظابط اللى كان المفروض يجيب للناس حقوقها اصبح هو من يسلبهم حقوقهم..ظباط الشرطة تناسوا دورهم الرئيسى فى بعث روح الطمأنينة فى نفوس المواطنين واصبحوا هم من يروعوا المواطنين اصبح التعامل بغرور وكبرياء هو امر طبيعى شىء لابد منة لزوم برستيج الباشا.. ظابط الشرطة الذى بداء حياتة برشوة من اجل الالتحاق بكلية الشرطة وقد يكون نجح فى الثانوية العامة بنفس الطريقة ماذا تنتظر منة؟ الوزير الجديد منصور العيسوى عندما يهاجم ظباط الشرطة ليس لارضاء التحرير كما ذكرت ولكنه يقول الحقيقة..قابلت الكثيرين من اصدقائى واقاربى ظباط الشرطة وبرغم اختلافهم كليا وجزئيا الا انهم اجمعوا ان هذا الوزير لا يصلح ومنهم من يطلق علية (( ابا الحاج) وعندما حاولت ان استفسر عن سبب رفضهم له!! وجدت ان الرجل يريد ان يجعلهم بشر عاديين لا فرق بينهم وبين عامة الشعب وهو مايرفضونة!! يريدون ان يرجعوا باشوات كما كانوا وهذا لن يحدث .. لا فى عهدة ولا كان ان يحدث فى عهد الوزير محمود وجدى,, لانة وببساطة خلاص.. خلاص الشعب مش ح يقبل الوضع دة تانى.. واخيرا تقول ان الشعب المصري لم تعد عيناة ترى الا القبيح!! واقول لك ان الشعب المصرى قبل الثورة عيناة لم تكن ترى الا القبيح!! |
رد: للتذكير - لماذا قامت الثورة؟
خلاص بعد اللي شفته في شارع الجلاء وعند قسم الازبكيه
انا مش عايز الشرطه ترجع تاني وعايز الجيش يرجع لثكناته ويسيبوا الشارع القوي ياكل الضعيف شويه عيال هيضيعوا البلد حسبي الله ونعم الوكيل |
| الساعة الآن 08:15 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017